கதை நேரம் 3

கடந்த இரு பகுதிகளில் ஒரு கொடுங்கோல் மன்னன் ,அவனை வெல்லப் பிறந்த ஒரு குழந்தை, அந்தக் குழந்தை இளைஞனாகி ஊரை விட்டுப்போய் திருமணம் முடித்து நிறை சூலியான துணைவியுடன் தன் உற்றார் உறவினரைபார்க்கும் ஆவலில் சொந்த ஊருக்குப் பயணித்தது’; வழியில் நாடு இரவில் கொட்டும் மழையில் பேறுகால வலி வந்து குளிரில் துணைவி நடுங்கியது.; நெருப்பைத் தேடி இளைஞன் அருகிலுள்ள மலைக்குப்போனது வரை பார்த்தோம்

இனி மலைக்குப்போன இளைஞன் என்ன ஆனார் என்பதைப்பார்ப்போம் .மலையில் நெருப்பை நெருங்கிய இளைஞனை ஒரு குரல் அழைத்தது :

“மூஸாவே நான்தான் உம்முடைய இறைவன் .புனிதமான பகுதிக்கு நீர் வந்துள்ளீர் .உம் காலணிகளைக் கழற்றிவிட்டு வரும் “

எனக்கட்டளையிட்ட இறைவன் அவருக்கு நபித்துவம் வழங்கி இறை வழியில் நடக்குமாறு கட்டளையிட்டான்

நபித்துவம்வழங்கப்பட்டதற்கு சான்றாக இறைவன் இரண்டு அற்புதங்களை நிகழ்த்திக்காட்டினான்

நபி மூசா (அலை) அவர்கள் தங்கள் கைத்தடியை இறைவன் கட்டளைப்படி தரையில் வீச அது பெரிய பாம்பாக மாறியது .அதைக்கண்டு மிரண்டு ஓடிய நபி மீண்டும் இறைவன் இட்ட ஆணைப்படி அதைக் கையில் எடுக்க பழையபடி கைத்தடியாக மாறியது

அடுத்த அற்புதம் :

இறைவன் ஆணைப்படி மூசா (அலை) தன கையை விலாப்புறத்தில் புகுத்தி வெளியே எடுக்க அது ஒளி மிக்கதாய் தூய்மையான வெண்மையாக வெளி வந்தது

நபித்துவம் பெற்ற மூசா நபியை இறைவன் எகிப்து நாட்டிற்குப் போய் கொடுங்கோல் மன்னன் பிர் அவுனுக்கும் பொது மக்களுக்கும்  இறை வழியை எடுத்துரைத்து நல்வழிப்படுத்த ஆணையிட்டான் 

  மிகவும் சிரமப்பட்டு தங்கள் வீட்டைக் கண்டுபிடித்து கதவைத் தட்டினார்கள். மூஸா அலை அவர்களின் தந்தை இம்ரான் காலமாகிவிட்டிருந்தார்கள்..மூஸாஅலைஅவர்களின் நடவடிக்கைகளைப் பார்த்து வந்தவர் தமது மகன் மூஸாதான் என்று அவரது தாயார் யூகானிதா அவர்கள் தெரிந்து கொண்டார்கள். அவர்களது சகோதரர் ஹாரூன் அலை அவர்களும் தம் சகோதரரை அறிந்து கொண்டார்கள். அவர்களிடம் நடந்தவற்றை மூசா அலை   எடுத்துச் சொன்னார்கள்.

அல்லாஹ் தமக்கு நபித்துவம் அளித்து பிர்அவ்னை சந்தித்து உபதேசிக்க சொன்னதையும்  சொன்னார்கள். இதைக் கேட்ட தாயாரும்  ஹாரூன் அலை அவர்களும் அல்லாஹ்வுக்கு சிரம் தாழ்த்தி நன்றி செலுத்திக் கொண்டார்கள்

. ஹாரூன் அலை  மூஸா அலை இருவரும்  பிர்அவ்னுடைய  அரண்மனையைச் சென்றடைந்து  அங்கு  ‘நாங்கள் இறைவனின்   தூதர்கள். உமக்கு புத்திக் கூறி நேர்வழிப்படுத்துமாறு இறைவன்  எங்களிருவரையும் ஏவியுள்ளான். நீர் உம்மை இறைவன் என்று கூறுவதைவிட்டு ஏக இறைவனிடம்  மன்னிப்புக் கோரி  அவனை நோக்கி  உமது முகத்தை திருப்பிக் கொள்ளும். இல்லையேல் கடுமையான தண்டனையை இறைவன்  கொடுப்பான்  என்று கூறினார்கள்.

மூஸா அலை அவர்களை அடையாளம் கண்டு கொண்ட பிர்அவ்ன், நீர் இறைவனின்  தூதர் என்பதை நான் எப்படி நம்புவது? என்று கேட்டான்.

மூசா அலை அவர்கள் முன்பு சொல்லப்பட்ட சான்றுகளான கைத்தடி பாம்பாக மாறியதையும் அவர் கை ஒளி வீசியதையும் செய்து காண்பித்தார்கள்

இப்போதாவது எங்களை இறைவனின் தூதர் என்று ஏற்றுக் கொள்வாயா! என்று மூஸா நபி கேட்டார்கள்.

சிந்தனையில்  ஆழ்ந்த பிர்அவ்ன் அவ்வாறு ஏற்றுக் கொண்டால் இறைவன்  எனக்கு என்ன தருவான்?’ என்று கேட்டான்.

அவ்வாறு நீ ஒப்புக்கொண்டால் உனக்கு என்றும் மாறா இளமை.  வலுவான  அரசாட்சி நோயில்லா நல வாழ்வு இதற்கெலாம் மேல் இன்பமயமான மறுமை கிடைக்கும் --என்றார்கள் நபி மூசா     

என்றும் மாறா இளமை எனபது பிர் அவுனை மிகவும் ஈர்த்தது .இருந்தாலும் இறைவன் ஏமாற்றி விட்டால் என்ற ஐயம் உண்டாக அமைச்சர்களை கலந்து பேசி பிறகு சொல்கிறேன் என்று சொல்லிப்போய் தன் முதன்மை அமைச்சர் ஹமானிடம் கலந்து பேசினான்

அமைச்சர் :

 மன்னாதி மன்னராகிய நீங்கள் சாதாரண மூஸாவிடம் சரணடைவதா? காலையில் எழுந்தவுடன் உங்கள் முகத்தை கண்ணாடியில் பாருங்கள் என்றான்.

அன்றிரவு பிர்அவ்ன் தூங்கிக்கொண்டிருந்தபோது அவனின் முடிக்கு கறுப்புசாயத்தை ஹாமான் பூசச் செய்துவிட்டான்.

உலகில் முதன்முதலில் தலை முடிக்கு  கறுப்பு சாயம் பூசிக் கொண்டது பிர்அவ்ன்தான்.

காலையில் எழுந்தவுடன் பிர்அவ்ன் தம் முகத்தை கண்ணாடியில் பார்த்தான். தனக்கு இளமை திரும்பி விட்டதாக எண்ணினான்.

ஹாமானின் பேச்சை கேட்டு மூஸா செய்து காட்டிய சூனியத்தைப் போல நாமும் சூனியம் செய்து காட்டி, அவரைப் புறமுதுகு காட்டி ஓடச் செய்ய நாட்டிலுள்ள சூனியக்காரர்கள் அனைவரையும் ஒன்று கூட்டினான்.பிர் அவுன் 

 80 ஆயிரம் சூனியக்காரர்கள்  அரண்மனையை நோக்கி வந்து கூட ஆரம்பித்தார்கள். அவர்களுக்கு நான்கு பேர் தலைமை தாங்கி நின்றார்கள். அவர்கள் முன் சூனியக்காரர்கள் தங்கள் சூனியங்களை செய்தனர். ஆனால் இறைவன்  மூஸா நபி அவர்களுக்கு கொடுத்த அற்புதத்தினால் அவை அனைத்தையும் அவர்கள் வென்றார்கள். சூனியக்காரர்கள் அனைவரும் மூஸா அலை  மீது நம்பிக்கை  கொண்டு  ஏக இறைவனுக்கு  அடிபணிந்தார்கள்

இதைத் தொடர்ந்து ஆறு இலட்சம் பேர்  மூஸா அலை அவர்கள் மீது நம்பிக்கை  கொண்டு  ஏக இறைவழியில் இணைந்தார்கள்

கடுப்பாகிப்போன  பிர்அவ்ன், மூஸா நபி மீது நம்பிக்கை கொண்டவர்களுக்கு சொல்லொண்ணாத் துன்பம் கொடுக்க ஆரம்பித்தான். இதில் அவன் மனைவி ஆசியா அம்மையாரும் கொடுமைக்கு ஆளானார்கள்.

பிர்அவுனை தண்டிக்க இறைவன் பஞ்சம், வெள்ளம், மண் மழை எனபல வேதனைகளை  ஒன்றன்பின் ஒன்றாக இறக்கினான். இதனால் பிர்அவ்ன் மனம் மாறியிருப்பான் என்று எண்ணிய மூஸா அலை அவர்கள் பிர்அவ்னிடம் வந்து ஏக இறைவழியில் இணைய உபதேசம் புரிந்தார்கள்.

ஆனால் அவன் மூசாவுடைய இறைவனைக் கண்டுபிடித்து அவனை ஒழித்துக் கட்டிவிட்டால் பிரச்சனை தீர்ந்து விடும் என்று எண்ணி இறைவனைக் .  காண ஹாமானிடம் ஒரு உயரமான கோபுரத்தை கட்டச் சொன்னான்

இருபதாயிரம் அடி உயரமான இந்தக் கோபுரம் கட்டும் பணியில் ஐம்பதாயிரம் கொத்தனார்கள் ஈடுபடுத்தப்பட்டார்கள். ஏழாண்டுகள் இந்தப் பணி நடைபெற்றது.

ஹாமானை அழைத்துக் கொண்டு கோபுரத்தின் மேல் ஏறிப் பார்த்து மூஸாவின் அல்லாஹ்வை நெருங்கி விட்டதாக பெருமை பட்டுக்கொண்டான். அங்கிருந்து நஞ்சு  தோய்ந்த அம்புகளை  எய்தான். அவை திரும்ப இரத்தக் கறையுடன் கீழே விழுந்தன.

 இந்தக் கோபுரத்தின் ஒரு பகுதி படைவீரர்களின் பாசறை மீது விழுந்தது. மற்றொரு பகுதி நைல்நதி மீது விழுந்தது. பிறிதொரு பகுதி அந்தக் கோபுரத்தைக் கட்டும் பணியில் ஈடுபட்டுக்கொண்டிருந்த கொத்தனார்கள் மீது விழுந்தது. அத்தனைப் பேர்களையும் உருத்தெரியாது அழித்;து விட்டது.

மூஸாவின் அல்லாஹ்வை கொன்றுவிட்டேன் என்று பிர்அவ்ன் ஆசியா அம்மையாரிடம் சொன்ன போது, ஆசியா அம்மையார் நகைத்து விட்டாhர்கள். கல கலவென்று சிரிக்க ஆரம்பித்தார்கள். பிர்அவ்ன் தம்மை அவர்கள் கேலி செய்கிறார்கள் என்று எண்ணி ஒரு பணியாளை அனுப்பி அவர்கள் மீது பெரிய கல்லை போடச் செய்தான். அக்கணமே அவர்கள் உயிர் பிரிந்து விட்டது.

மூஸா நபியின் கூட்டம் நாளுக்குநாள் அதிகரித்துக் கொண்டே போவதைப் பார்த்த பிர்அவன் அவர்களை ஒழிக்க கடும் கொடுமைக்கு ஆளாக்க ஆணையிட்டான் .

நீண்டகாலமாகவே மூஸா நபி அவர்கள் பிர்அவ்னையும், அவனது கூட்டத்தாரையும் திருத்த – நேர்வழிபடுத்த எவ்வளவோ நல்லுபதேசம் செய்து பார்த்தார்கள். எல்லாம் வீணாகிப் போயின. பிர்அவ்னின் அட்டகாசம் கூடிக்கொண்டேதான் போயிற்று.

இறுதியாக இறைவன்  மூஸா நபிக்கு தம் கூட்டத்தாருடன் இரவோடிரவாக எகிப்தை விட்டும் கிளம்பி கடல் வழியாக வெளியே சென்று விடுங்கள் என்று  ஆணையிட்டான் . பிர்அவனுக்கும் அவனது கூட்டத்தாருக்கும் வேதனை இறங்கப் போகிறது என்றும் இறைவன் சொன்னான்.

எகிப்தை விட்டு வெளியேறும் குறிப்பிட்ட நாள் வந்தது.  யூசுப் நபி  அவர்;களின் உடலை எடுத்துக் கொண்டு நைல்நதியை கடந்து மூசா நபியின் கூட்டத்தினர்  அனைவரும் எகிப்தை விட்டு வெளியேறிக் கொண்டிருந்தனர். அவர்கள் அவ்வாறு போகும்போது கடல் குறுக்கிட்டது. பின்னால் பிர்அவ்னின் படைகள் அவர்களைத் துரத்திக் கொண்டே வந்தது.

கடலை தம் கைத்தடியால் அடிக்கும்படி மூஸா  அவர்களுக்கு இறையாணை வந்தது. அவர்கள் அடித்தார்கள். கடல் இரண்டாகப் பிளந்து வழி விட்டது. அதில் மூஸா நபியும் அவர்கள் கூட்டத்தார்களும் நடந்து சென்றார்கள். பின்னால் துரத்திச் சென்ற பிர்அவ்னும் அவனது கூட்டத்தாரும் அவ்வழியே போக முற்பட்டனர். நடுக்கடலுக்கு அருகில் சென்றதும் கடல் மூடிக் கொண்டது. அச்சமயத்தில் மூஸா நபி அவர்களின் கூட்டம் அக்கரையை அடைந்திருந்தது. அப்போது பிர்அவ்னும் அவனின் கூட்டத்தாரும் கடலில் மூழ்கி இறந்து போயினர்..

 பிர்அவ்ன் இறக்கும்போது அவனுக்கு வயது 600.

நபி மூசா அலை அவர்களின் மிக நீண்ட வரலாற்றில்  ஒரு மிக்ச்சிறிய பகுதியை மிகச் சுருக்கமாகப் பார்த்கோம்

வரலாறு முழுதும் சொல்வது என் நோக்கம் அல்ல. புனித மறை குர்ஆனில், இசுலாமிய வரலாற்றில் சுவையான நிகழவுகள், எதிர்பாராத திருப்பங்கள் பிரமாண்ட காட்சிகள் நிறைய உண்டு

சற்றுக் கற்பனை சிறகை விரித்துப் பறந்து பாருங்கள் .

இருபதாயிரம் அடி உயரமான ஒரு பிரமாண்டமான கோபுரம் இடிந்து விழுகிறது ..பல்லாயிரக்கணக்கான லட்சக்கணக்கான மக்கள் மடிகிறார்கள்

இன்னொரு காட்சி

கடல் அப்படியே இரண்டாகப் பிளந்து ஒரு கூட்டத்துக்கு வழிவிடுகிறது .அடுத்த கூட்டத்தை, ஒரு பெரும்படையை அப்படியே   கடல் விழுங்கி விடுகிறது

புனித குர்ஆன் ஒரு வறட்டு தத்துவ நூல் அல்ல, ஒரு உயிரோட்டம் நிறைந்த வாழ்வு நெறி என்பதை வலியுறுத்தவே இதைச் சொல்கிறேன்

நபி மூஸா அலைஹிசலாம் அவர்கள் வாழ்க்கை வரலாறு என்று முதலிலேயே சொல்லியிருந்தால் படிக்க ஒரு சலிப்பு வந்து விடும் ..கதை நேரம் என்று சொன்னதால் ஒரு சிலராவது படித்தார்கள் ..

கண்ணன் கதை , கர்ணன் கதை என்றார் ஒருவர் .கற்பனை தொடரட்டும் என்றார் இன்னொருவர் .கதை தொடரட்டும் என்று இன்னொரு கருத்து.

ஒரே ஒருவர்- முனைவர் பாஷா மட்டும்தான் இது மூசா நபி அலை அவர்கள் வரலாறு என்று குறிப்பிட்டார்

கதை நேரம் தொடரும்

Blog address

sherfuddinp.blogspot.com

B/FB 31082018

தமிழ் (மொழி) அறிவோம் 10 அரிசியும் நெல்லும்

அரிசியும் நெல்லும்  ,  

நெல் வயல்                 முற்றிய நெல் பயிர்

நெல்

தவிடு 

அரிசி

இந்தத் தொடரில் இதுவரை ஒன்பது பகுதிகள் எழுதி விட்டேன் . சில நேரங்களில் “ ஏன் இவ்வளவு அடிப்படையான செய்திகளைப் பதிவு செய்கிறோம் , இதெல்லாம் தெரியாமல் யார் இருப்பார்கள் ?” என்ற எண்ணம் தோன்றுவதுண்டு

ஆனால் இளைய தலை முறை – எனது மூன்றாவது தலைமுறை–அதிலும் குறிப்பாக பெருநகரில்( cities) அடுக்ககங்களில்(apartments) வாழும் குழந்தைகள் தமிழை விட்டு மிகவும் விலகி இருப்பது உண்மை இது அவர்கள் தவறல்ல .காலத்தின் கட்டாயம்

இவர்களுக்கு எனக்குத் தெரிந்த தமிழை சொல்வதே என் நோக்கம். அதனால்தான்  கூடிய மட்டும் தமிழ் சொற்களுக்கு இணையான ஆங்கிலச் சொற்களையும் எழுதுகிறேன்

இந்த வாரம் பனை மரம் பற்றி எழுதவிருந்தேன் . ஆனால்அதை மாற்றி அரிசி நெல் தவிடு பற்றி எழுதத்தூண்டியது ஒரு சிறிய நிகழ்வு .சென்ற தலை முறை ஆசிரியர் ஒருவர் இந்தத் தலைமுறை மாணவரிடம் பேசும்போது அரிசி, தவிடு இவற்றின் பயன்கள், ஊட்டச்சத்து பற்றிப் பேச மாணவர் அரிசி தெரியும் அது என்ன தவிடு என்று கேட்டார் .இது பற்றி கேள்விப்பட்ட நான் தலைப்பை அரிசி நெல்லுக்கு மாற்றி விட்டேன்

அரிசி – எல்லோருக்கும் தெரியும் என நினக்கிறேன் , நாடு முழுதும் அடிப்படை உணவாக அரிசி இருக்கிறது

.Rice  எனபது அரிசி, சோறு இரண்டையும் குறிக்கும் பொதுச் சொல்

சமையல் நிகழ்ச்சிகளில் சமைத்த அரிசி என்று ஒலிக்கும்போது காது வலிக்கிறது

சோறு என்பது ஒரு இழிவான சொல்போல் சாதம் என்ற சொல் அதிகம் பயன்பாட்டில் வருகிறது

அரிசி ஒரு ஊட்டச்சத்தில்லாத உணவுப்பொருள் அரிசி சோறு சாப்பிடுவதே உடல் நலத்துக்கு ஊறு விளைவிக்கும் என்றொரு கருத்து பரவி வருகிறது. அரிசியைத் தவிர்த்து கோதுமை, ஓட்ஸ் பயன்படுத்துவது நாகரீகமாகவும் நல வாழ்வுக்கு உகந்ததாகவும் பேசப்படுகிறது. . இவை மிக மிக தவறான கருத்துக்கள்

அரிசி, சோறு நம் உடலுக்கும் உள்ளத்துக்கும் மிக மிக தேவையான உணவாகும் 

அரிசி நெல்லில்(Paddy)  இருந்து வருகிறது . நெல், வயலில் நெல்பயிரில் வளர்வது .முதலில் பச்சை நிறத்தில் இருக்கும் நெல் மணிகள் முற்றி பொன் நிறத்துக்கு வரும்போது பயிரை அறுவடை( harvest (அறுத்து))  நெல்லை செடியின் மற்ற பகுதியில் இருந்து பிரித்து எடுப்பார்கள் .நெல் போக மற்ற பகுதி வைக்கோல் (straw) . மாட்டுக்கு தீனியாகும் (cattle feed)

நெல்லின் உள்ளே இருக்கும் விதை போன்ற பகுதிதான் அரிசி . அரிசி போக நெல்லில் தவிடு (Bran)என்ற தோல் போன்ற பகுதியும் உமி(Husk) என்ற சிறிய பகுதியும் இருக்கும்

தவிடு மாடு கோழிக்கு நல்ல உணவாகும். உமியில் தீ மூட்டி எரித்து வரும் உமிக்கருக்கு(Charred Husk) உப்புடன்(salt) சேர்த்து பல் பொடியாகப் (tooth powder) பயன்பட்டது . உப்பு, கரி போன்ற கரகரப்பான (Rough) பொருட்கள் பல்லுக்குத் ஊறு செய்யக்கூடியவை (Harmful to teeth enamel) என்று   இடைவிடாமல் சொல்லி பற்பசைக்கு (Tooth Paste) பழக்கப்படுத்தினார்கள் 

.

.இப்போது அவர்களே உங்கள் பேஸ்டில் உப்பு இருக்கா, கரியிருக்கா  எங்கள் பேஸ்டில் அதெல்லாம் இருக்கு என்று பெருமை பேசுகிறார்கள்

நெல் அரிசி பற்றி இவ்வளவு போதும் என்று நினைக்கிறேன் .பெற்றோர்களும் பள்ளி ஆசிரியர்களும் பிள்ளைகளை வயலுக்கு அழைத்து சென்று நெல் பயிரை அறிமுகப்படுத்தி வைக்கலாம் .

இதெல்லாம் தெரியாவிட்டால் என்ன என்று கேட்கிறீர்களா ? இப்டியே விட்டால் நாளை பிள்ளைகளுக்கு பெற்றோரைத் தெரியாமல் போகலாம்

அடுத்த வாரம் அடுத்த பகுதியில் சந்திப்போம்

Blog address

sherfuddinp.blogspot.com

B/FB 30082018

நம் கடலூரை மீட்போமா ! 10

…

மீண்டும் சில நல்ல செய்திகள்

திருப்பாதிரிப்புலியூர் தொடரி நிலையம் சீரமைக்கப்படுகிறது .சுவருக்கு வண்ணம் பூசுதல், குடிநீர்க் குழாய்கள் அமைத்தல் , சாலையை சீரமைத்தல் போன்ற பணிகள் நடப்பதாக தமிழ் இந்துவில் செய்தி

நான் பலமுறை குறிப்பிட்டுச் சொன்னது  :

நடை மேடை முழுதும் மேற்குறை அமைத்து பயணிகள் வெய்யில் மழையில் வாடாமல் வண்டியில் ஏறும்படி செய்யவேண்டும்

பயணிகள் காத்திருப்பு அறை கழிவறை  இவை பயணிகளுக்குப் பயன்படும் வகையில் திறந்து வைக்கப்படவேண்டும்

அடுத்த நல்ல செய்தி  கோண்டுர் பகுதியில் விரைவில் புறக்காவல் நிலையம் அமையவுள்ளது .இப்பகுதியில் பெருகி வரும் குற்றங்களைத்  தடுக்க ஒரு நல்ல முயற்சி

தொடர்ந்து நல்ல செய்திகள் வர இறைவனை வேண்டுவோம், முயற்சிப்போம்

ஜோதி நகர் பகுதியில் பன்றிகள் நிறைய திரிவதால் விபத்துகள் நடப்பதாய் ஒரு தோழர் கடலூர் சிறகுகள் கட்செவியில் (வாட்சாப்) குறிப்பட்டிருந்தார்

அதற்கு இன்னொரு தோழர் புத்தர் கோயில் அருகில் இருக்கும் பன்றி இறைச்சி கடையில் சொன்னால் பிடித்துக்கொண்டு போய் விடுவார்கள்  என்று சொல்லியிருந்தார்

 பிரச்சினையும் எளிதல்ல . சொல்லப்பட்ட தீர்வும் சரியில்லை

ஜோதி நகர் மட்டுமல்ல சாவடி , கோண்டூர் பகுதிகளில் மிக அதிக அளவில் பன்றிகள் தங்கு தடையின்றி உலாவுகின்றன .குட்டி போடும் பருவம் வந்தால் இன்னும் இது அதிகரிக்கும்

குழந்தைகளைத் தாக்கும் மூளைக்காய்ச்சலுக்கு பன்றி ஒரு காரணமாகச் சொல்லப்படுகிறது . இது ஒரு மிகக்கொடிய நோயாகும்

இந்த வகையில் பன்றிகள் ஒரு மிகப்பெரிய நலவாழ்வுப் பிரச்சனையாகின்றன

பன்றிகறிக் கடையில் சொன்னால் பிடித்துக்கொண்டு போய்விடுவார்கள் என்று ஒரு தோழர் குறிப்பிட்டிருந்தார் .பன்றிகள் தெருவில் சுற்றித் திரிந்தாலும் அவற்றின் உரிமையாளர்கள் இருப்பார்கள் . அவர்களுக்கு விலை கொடுக்காமல் பிடித்துப் போக முடியாது

பல குடும்பங்களுக்கு வாழ்வாதாரமாக பன்றி வளர்ப்பு இருக்கிறது . எனவே இதில் மாவட்ட நிர்வாகம், ஊராட்சி நகராட்சி எல்லாம் தலையிட்டு செயல்பட்டு  பன்றி வளர்ப்பை ஒழுங்கு படுத்தினால் பன்றித் தொல்லையில் இருந்து மீளலாம்

 

மின் வாரியம் கொடுத்த ஷாக்

நாலு ஆண்டுகளாக மின் கட்டணம் செலுத்தாத மாவட்ட ஆட்சியர் அலுவலக மின் இணைப்பைத் துண்டித்தது மின் வாரியம் . துண்டித்தவுடன் நிலுவைத்தொகை பதினைந்து லட்சம் செலுத்தப்பட்டு மீண்டும் மின் இணைப்புக் கொடுக்கப்பட்டது .

நோ கமெண்ட்ஸ்

இறைவன் நாடினால் மீண்டும் ச(சி)ந்திப்போம்

Blog Address

sherfuddinp.blogspot.com

B/FB 29082018

Nostalgic Notes Jodhpur (Rajasthan)

Jodhpur

Extensive sandy deserts, herds of camel here and there women with large bangles and nose rings -

This was my imagination and expectation about Rajasthan. All these imaginations were shattered the moment I saw Jodhpur

A beautiful well planned and developed city it was. Uninterrupted, copious water supply in hotel rooms, lot of large aluminium troughs containing cold drinking  water at roadsides  big water tubs for animals – in fact I had a sigh of envy comparing Rajasthan with Tamilnadu

Ancient Jodhpur palace has transformed into star hotel keeping intact the ancient artistic beauty and grandeur. Room size varies from 500 to 5000 square ft.

  Again a sigh of envy – I have seen 2 bed room apartments in Chennai with area of 400 sq.ft 

Jodhpur Fort is standing majestically on a very high mountain. At the entrance of the fort we see musicians with large turbans playing long instruments .

Inside the fort we see ancient palanquins , beds  sofas and dress – all with the royal grandeur – make us forget the present  and  take us to  a royal life with a crown on our head

Mirchi Bonda (Green Chilly Bonda ) is one of the special foods of Rajasthan . The restaurant man warned us not to taste it unless we are accustomed to it, yet we dared to taste it assuming that it will be like chilly bajji – a very popular snack in Tamilnadu.

Only after putting a bit in mouth we understood the reality.  The main ingredient of mirchi bonda is green chilly ground into paste. A little flour is added to it and fried .

Our tongues and eyes protruded out with uncontrollable tears in eyes and sweating. Thank God anticipating this the restaurant   man had kept water, milk and sweets on our table

We took Rajasthan meals one day for lunch. One of the items served was just like a ball made out of clay in colour, smell and texture. Mirchi bonda experience rang a warning bell   and we safely avoided it  

Safari dress was a speciality of Jodhpur. At that time just for Rs. 200/ a beautiful Safari set was available- cloth of superior quality Rs 100 + Tailoring Charges 100/ . The cloth will be in 3 pieces and only tailors there can stitch it. You select the cloth today and tomorrow you get the safari set. I got 3 sets.

One more speciality of Jodhpur was local conveyance. Mini Bus and Town Bus operators are a good example of humanitarian consideration. If you just wave your hand and they happen to see you they will wait patiently till you board the vehicle irrespective of distance time and crowd.

There is a train service to   Jaisalmer the desert area .We did not venture to go there because of Hot Summer

We visited Jaipur and Udaipur. Lake around the Udaipur Palace was dry due to summer

In a nutshell the one month stay in Jodhpur was a pleasant experience still lingering in my mind – more than 30 years have passed

Blog Address

sherfuddinp.blogspot.com

                                                                        B/FB 280818

வண்ணச் சிதறல் 29 சாவித்திரி கணேசன்

சாவித்திரி கணேசன்

சாவித்திரி அம்மாளுக்கு ஒன்பது பிள்ளைகள். ஒன்பதிலே ஓன்று கூட உருப்படி இல்லை என்று சொல்ல முடியாது

 வெளிநாட்டில் வேலைக்கு ஏற்பாடு செய்வதாய் தெரிந்தவர் ஒருவர் சொல்ல போன வேகத்தில் திரும்பி வந்து விட்டார் ஒருவர் .பாஸ்போர்ட்எல்லாம்  கேக்குறாங்க என்று எரிச்சலாகச் சொன்னார்

இன்னொருவர் கடவுச்சீட்டு எல்லாம் வைத்திருந்தார் . அறுபது வயதில் வெளி நாட்டில் வேலைக்குப் போக முடியாது என்று அவரைத் திருப்பி அனுப்பி விட்டார்கள்

இன்னொருவர் சற்றுக் கொள்கைப் பிடிப்பானவர் . என் திறமையை மதித்து யாராவது முன்வந்து அவர்கள் முழுச் செலவையும் ஏற்றுக்கொண்டு வெளிநாடு அழைத்துச்சென்றால் போவேன்

இல்லையேல் மத்திய மாநில அரசுகள் நடத்தும் உயர் நிலைத் தேர்வுகளை எழுதி பெரிய பதவிக்குப்போவேன்

என்று சொல்லித்திரிவார்

என்ன செய்வது அவர் திறமையை அறியும் திறன் யாருக்கும் இல்லை

.அரசு உயர் பதவிகளுக்கான கல்வித்தகுதியை அவர் அடைவதற்குள் வயது வரம்பு தாண்டி விட்டது

எப்படியோ அவர் மக்கள் எல்லாம் படித்து பட்டம் பெற்று வெளிநாட்டிலும் உள்நாட்டிலும் நல்ல நிலையில் இருக்கிறார்கள்

இவர்களில் எல்லாம் மாறுபட்ட இன்னொருவர் . நல்ல ஊதியத்தில் வெளி நாட்டில் பணியாற்றிய அவர் அதை விட குறைந்த ஊதியத்தில் இந்திய அரசுப்பணி கிடைக்க துணிந்து வெளி நாட்டு வேலையை விட்டு விட்டு அரசுப்பணியில் சேர்ந்தார். அவரை பார்த்து பலரும் கிண்டலாகப் பேசினார்கள்

அவர்கள் வாயடைத்துப்போகும் அளவுக்கு பதவி உயர்வும் ஊதிய உயர்வும் பெற்று தன் முடிவு சரி என்று மெய்ப்பித்தார்

மற்றவர்களும் ஒன்றும் சோடை போகவில்லை ..அவர்களுக்குத் தெரிந்த, அவர்களால் முடிந்த வணிகம், தொழில், பணி எதாவது செய்து தங்கள் குடும்பங்களை (மட்டும்) நல்ல முறையில் பார்த்துக் கொண்டார்கள்

ஆல் போல் தழைத்து கிளை பரப்பிய இந்தக் குடும்பத்துக்கு ஆணிவேராக இருந்தவர் கணேசன் – சாவித்திரியின் துணைவர்

 .

பெரிய பதவி , பின்புலம் ஏதும் இல்லை. வணிகவியல்பட்டதாரி  . பல நிறுவனங்களுக்கு கணக்கெழுதுவது அவர் வேலை . கடும் உழைப்பு , நேர்மை ,உண்மை இவற்றால் பகட்டு இல்லாமல் உயர்ந்தவர் .

கணினி மூலம் கணக்குப் பதிவை அந்த ஊரில் அவர்தான் அறிமுகப்படுத்தினார் . கணினி பற்றி நன்கு கற்றுத் தேர்ந்ததால் பல நிறுவனங்களின் பணியை அங்கு போகாமலே செய்ய முடிந்தது

வாடகை வீட்டிலும் மிதி வண்டியிலும் வாழ்க்கையைத் துவங்கியவர் சிறிதும் பெரிதுமாக நான்கு வீடுகள்,  ஒரு மகிழுந்து வாங்கும் அளவுக்கு உயர்ந்து விட்டார் 

.

பிள்ளைகளை அவர்கள் எந்த அளவுக்குப் படிக்கமுடியுமோ அந்த அளவுக்கு சலிக்காமல் படிக்க வைத்தார். தன பிள்ளைகள் எல்லாம் குறைந்தது பட்டப் படிப்பாவது நிறைவு செய்யவேண்டும் என்பது அவர் விருப்பம் .பெரும்பாலும் அது நிறைவேறியது

நேரப்பகுப்பு அவரது தனிச்சிறப்பு. காலை ஆறு மணியிலிருந்து மாலை ஆறு வரை கடும் உழைப்பு . மாலை ஆறு மணிக்குமேல் குடும்பம் , நண்பர்கள், சுற்றம் இவர்களுடன்தான் . அதே போல் ஞாயிற்றுக் கிழமையும் ஓய்வு நாள் .ஆண்டுக்கு ஒருமுறை ஒரு வாரம் சுற்றுப்பயணம் என்று திட்டமிட்ட மகிழ்ச்சியான வாழ்க்கை

ஐந்து பெண்கள் பெற்றும் ஆண்டி ஆகாமல் நல்ல விதத்தில் திருமணம் நடத்தி அவர்கள் சீரும் சிறப்புமாய் வாழ்கிறார்கள்

சாவித்திரி அம்மாவைப்பார்த்தால் எப்போதுமே ஓய்வாக இருப்பதுபோல் தோன்றும் .  உடை உடல் எல்லாம் சுத்தமாக வைத்திருப்பார். ஆனால் அவரும் தன் துணைவரைப்போல் நல்ல உழைப்பாளி.. திட்டமிட்டு காலம் போற்றி செயல் படுபவர் ...அலட்டிக்கொள்ளாமல் வேலை செய்வார்

ஆடு மாடு கோழி செடி கொடி என்று வளர்த்து பணம்  பண்ணுபவர் ,. சிக்கனவாதி

நல்லவிதமாக வாழ்ந்து, தன குடும்பப்பணிகள் அனைத்தையும் செவ்வனே நிறைவேற்றி பழுத்த வயதில் தீர்க்க சும்ஙகலனாகப் போய்ச் சேர்ந்தார் கணேசன்

துக்கத்தில் ஒரு வாரம் அமைதியாக இருந்த துணைவி பின் சுதாகரித்துக்கொண்டு செயலில் இறங்கினார் ..ஆடு மாடு கோழியெல்லாம் விற்றுக் காசாக்கினார் . மகிழுந்தை வருமானம் வரும்படி வாடகை வண்டியாக்கி ஒரு பொறுப்பான நம்பிக்கைக்குரிய ஓட்டுனரிடம் ஒப்படைத்தார்.

வீடு வாசல் எல்லாம் சாவித்திரி பேரில்தான் இருந்தன .. குடியிருந்த வீட்டையும் வாடகைக்கு விடச் செய்தார்

ஒரு மகனிடம் நான் இனிமேல் உன் வீட்டில்தான் இருப்பேன் .உனக்குப் பாராமாக இல்லாமல் வாடகைப்பணத்தில் இருந்து மாதா மாதம் பணம் கொடுத்து விடுவேன் .இதுவரை எனக்குப்பெரிய மருத்துவச் செலவு ஏதும் வந்ததில்லை .அப்படியே வந்தாலும் போதுமான அளவுக்கு மருத்துவக்காப்பீடு எனக்கு இருக்கிறது

எனத் தெளிவாகப்பேசி மகன் வீட்டுக்குப் போய் விட்டார்.

கோயில் ,குளம், சமய உரைகள் ,திருத்தலச் சுற்றுலாக்கள் என்று வாழ்க்கை முறையை இனிதாக அமைத்துக்கொண்டார் ..முடிந்த அளவுக்கு மருமகளுக்கு ,பேரன் பேத்திகளுக்கு உறு துணையாக இருந்தார் . அக்கம் பக்கத்தில் நல்ல நட்பு வட்டமும் உருவாகியது

மாதம் ஒருமுறை முதியோர் இல்லம் சென்று உடலாலும் மனதாலும் பொருளாலும் நலிவுற்ற மூத்த குடிமக்களுக்கு  ஆறுதல் சொல்லி முடிந்த உதவியும் செய்து வருவார்

என்னதான் சுறுசுறுப்பாக இருந்தாலும் காலம் தன் கடமையில் தவறுவதில்லையே.

அதை உணர்ந்த சாவித்திரி அம்மாள் மக்கள் அனைவரையும் ஒரு நாள் வரச் சொன்னார் ..தன் நகைகள் அனைத்தையும் சரியாக ஒன்பது சம பங்குகளாகப் பிரித்து பிள்ளைகளிடம் ஒப்படைத்தார்

வங்கியில் ,இருக்கும் தொகையில் தன் இறுதிச்சடங்கு செலவு போக மிச்சமிருப்பதை முதியோர் இல்லத்தில் பொருளாதாரத்தில் மிகவும் நலிவுற்ற நிலையில் இருக்கும் மூன்று பேருக்குப் பிரித்துக் கொடுக்கச்சொல்லி விட்டார்

மகிழுந்தை ஒரு மகனிடம் ஒப்படைத்தார்

அடுத்து வீடு

பெரிய வீட்டை ஆண்மக்கள் சம பங்காகப் பிரித்துக் கொள்ளவேண்டும்

சிறிய வீடு இரண்டை நான்கு பெண்மக்களும் மிகச்சிறிய வீட்டை ஒரு மகளும் எடுத்துக்கொள்ள வேண்டும்

என்று கருத்துத் தெரிவித்தார் . எல்லோருக்கும் அளவிலும் சொத்து மதிப்பிலும் ஏறத்தாழ சம பங்கு கிடைத்ததால் எல்லோரும் இந்த பிரிவினைக்கு ஒப்புக்கொண்டார்கள்

நன்கு தெரிந்த ஒரு வழக்கறிஞரை அழைத்து  இதை எழுதி  ஆவணமாக்க எண்ணினார்

வழக்கறிஞர் குடும்பத்துடன் சுற்றுலா போயிருந்தார் .அவர் வருவதற்குள் சாவித்திரியின் உயிர் பிரிந்ததால் அந்த ஆவணம் எழுத முயாமல் போய்விட்டது

சாவித்திரியின் மறைவுக்கு வந்த கூட்டம் அனைவரையும் வியப்பில் ஆழ்த்தியது

மக்கள் மருமக்கள் பேரன் பேத்திகள் அவர்கள் துணைகள், பிள்ளைகள், சம்பந்திகள இதெல்லாம் எதிர்பார்த்ததுதான் அதையும் மீறி நட்புக்கூட்டம், முதியோர் இல்லம் முழுதும், , பல மருத்துவ மனை நோயாளிகள் மருத்துவர்கள் , சிறார் இல்லத்திலிருந்து குழந்தைகள்,  காப்பாளர்கள் என்று எண்ணிலடங்காத கூட்டம்

முதியோர் இல்லம் போனது மட்டும்தான் எல்லருக்கும்தெரியும் அதையும் தாண்டி பல இடங்களுக்கு சென்று வந்தது இப்போதுதான் தெரிந்தது

மொத்தத்தில் ஒரு விழாக்கூட்டம் போல் மக்கள் திரண்டு வழியனுப்பி வைத்தனர்

சடங்கு, சம்பிரதாயம் எல்லாம் முறைப்படி நடந்து வந்த உறவினர்கள் எல்லாம் கலைந்து போய்விட்டார்கள்

அடுத்தென்ன சொத்தை பிரித்து பங்கு போட வேண்டியதுதானே .அதற்காக மக்கள் மருமக்கள் கூடினர்.

சாவிதித்ரி அம்மா எல்லாவற்றையும் தெளிவாச் சொல்லி விட்டுப் போய்விட்டதால் பிரச்சினை எதுவும் எழ வழி இல்லை .

இதுதான் எல்லோர் எண்ணமும் விருப்பமும் ஆனால் இந்த எண்ணம் விருப்பம் நிறைவேறவில்லை

என்ன நடந்தது எப்படி நடந்தது ஏன் நடந்தது ?

அடுத்த வாரம் பார்ப்போமே

இ(க)டைச்செருகல்

மிக அரிதாகவே கற்பனைக்கதைகள் எழுதுவேன் . கற்பனைக் குதிரை வேகமாய் ஓடியவரை  எழுதினேன் . குதிரை சற்று இடக்குப் பண்ணியதால் தொடரும் போட்டுவிடடேன்

மூளைக்கு வேலை

சென்ற வாரம் உலகில் மிக அதிக பொருட்செலவில் நடத்தப்பட்ட திருமணம் எது என்று கேட்டிருந்தேன்

இங்கிலாந்து இளவரசர் சார்லஸ் இளவரசி டயானா – இவர்களுக்கு 1981ல் நடந்த திருமணம்தான் இன்றளவும் உலகில் அதிகப் பொருட்செலவில் நடந்த திருமணமாகக் கருதப்படுகிறது

110 மில்லியன் டாலர் அதாவது எண்பது கோடி ரூபாய் .

மணப்பெண் உடையை பத்தாயிரம் முத்துகள் அலங்கரித்தன..அவரை அழைத்து வர கண்ணாடியால் செய்யப்பட்ட ஒரு வண்டி தயாரிக்கபட்டது

இந்த ஆடம்பர அரச குடும்ப திருமணத்தை உலகெங்கும் ஏழரைகோடி மக்கள் கண்டு களித்தார்கள் 

(நம் நாட்டு ஊழல் தொகைகளோடு ஒப்பிடுகையில் இது ஓன்றும் பெரிய தொகை இல்லை என்கிறீகளா )

சரியான விடையை தெரிவித்த

சேக் பீருக்கு

 பாராட்டுக்கள்

இனி இந்த வாரப் புதிர்

 ஒரு கட்செவி குழுவில் எத்தனை உறுப்பினர்கள் வரை சேர்க்கலாம் ?

(What is the maximum number of members in a Whatsapp group?)

மிக எளிதான புதிர் .

இறைவன் நாடினால்

மீண்டும்

சந்திப்போம்

வலைநூல் முகவரி

sherfuddinp.blogspot.com