சின்னச் சிதறல் -செய்திகள் பல ,படிப்பினை ஓன்று

 செய்திகள் பல , படிப்பிணை ஓன்று

“ஆட்டோ ஏற்றி மாவட்ட நீதிபதி கொலை “

“மருத்துவருக்கு பீர் பாட்டில் குத்து “

“மக்களை விரட்ட வெடிகுண்டு வீசிய சிறுவர்கள் “

இந்த மூன்றும் இன்றைய(30072021) நாளேட்டில் வந்த செய்திகள்

குற்றங்கள் மலிந்து விட்ட நிலையில் இது போன்ற பல செய்திகள் ஒரே நாளில் வருவது இயல்பானதே

ஆனால் இந்த மூன்று செய்திகளுக்கும் ஒரு ஒற்றுமை , ஒரே மாதிரியான பின்னணி

நீதிபதி கொலை ஜார்கண்ட் மாநிலம் தன்பாத்தில் –

அதிகாலை நடைபயிற்சி போன நீதிபதியை போக்கு வரத்தே இல்லாத அந்த நேரத்தில் ஒரு தானி வந்து அவர் மேல் மோதி உயிரைப் பறித்துச் செல்கிறது

அந்தக்காட்சி தற்செயலாக இல்லாமல் தெளிவாகப் படம் பிடிக்கப்பட்டு சமூக ஊடகங்களில் வெளியிடப்படுகிறது

இதன் பின்னணி என்ன ?

தன்பாத் நகரில் உள்ளபன்னாட்டு பயங்கர வாத *மாபியா) கும்பலைச் சேர்ந்தவர்கள் மீதான வழக்குகளை விசாரித்து வந்த அந்த நீதபதி , அண்மையில் அதில் இருவருக்கு பிணை (ஜாமீன்)வழங்க மறுத்து விட்டார் .

அதற்குப் பழி வாங்க, மற்றவர்களுக்கு எச்சரிக்கை விடுக்க இந்தக் கொலை, படப்பிடிப்பு , வெளியீடு

இதில் மேலும் ஒரு செய்தி விபத்து என்பதை மாற்றி கொலை என்று பதிவு செய்வதை காவல் துறை தாமதப் படுத்துகிறது .இதுபற்றி ஜார்கண்ட் தலைமை நீத்பதி காவல் துறைக்குக் கடுமையான எச்சரிக்கை விடுத்துள்ளார்

மற்ற இரண்டு செய்திகளைப் பார்க்குமுன் சில நாட்களுக்கு முன்பு திருவாரூர் அருகில் ஒரு நிகழ்வு

தானியங்கி பணப்பொறி (ATM) யில் கொள்ளை அடிக்க வந்தவர்களைத் தடுக்க முயற்சிக்கிறார் ஒருவர் . விளைவு—கொள்ளையர்கள் கடப்பாரையால் குத்தியதில் உயிரிழப்பு

ஜார்கண்ட் நிகழ்வோடு ஒப்பிட்டால் புதுச்சேரியில் நடந்த இரு நிகழ்வுகள் மிகவும் சிறியவை

“மருத்துவருக்கு பீர் பாட்டில் குத்து “

அரசு மருத்துவக்கல்லூரியில் பணி புரியும் மருத்துவர் ஒருவர் தினமும் வளை மட்டைபந்து (ஹாக்கி) விளையாட்டுப் பயிற்சிக்காக ஒரு விளையாட்டுதிடலுக்குப் போவது வழக்கம் . அங்கு ஒரு ரவுடி இவரிடம் மாமூல் கேட்டுத் தொல்லை கொடுத்து வந்திருக்கிறார் . பலநாள் கேட்டும் மாமூல் வராததால் பீர் பாட்டிலை அவர் தலையில் குத்தி கொலை மிரட்டல் விடுத்திருக்கிறார்

மூன்றாவது செய்தி

“மக்களை விரட்டிய வெடிகுண்டு வீசிய சிறுவர்கள் “

தொடர் திருட்டில் ஈடுபட்ட சிறுவர்களைப் பிடித்து விசாரித்து காவல் துறையிடம் ஒப்படைத்த சிலர் மேல் சிறுவர்களுக்குக் கோபம் .அதன் விளைவு , நாட்டு வெடி குண்டுகளை வீசி மக்களை பயமுறுத்தி எச்சரித்திருக்கிறார்கள் .

சிறுவர்களுக்கு எப்படி வெடி குண்டு கிடைத்தது என்பது தெரியவில்லை

நிறைவாக என் அனுபவம் ஓன்று

எங்கள் பகுதியில் கொஞ்ச நாளாக பன்றித் தொல்லை அதிகமாக இருக்கிறது ..இது பற்றி பல முறை உள்ளூர் கட்செவிக்குழுவில் எழுதியிருக்கிறேன் .

உடனே ஒரு தொலை பேசி அழைப்பு வரும் “ எங்கே இதெல்லாம் இருக்கிறது” என்று சற்று அதட்டலான குரலில் ..

“எங்கே இல்லை என்று “ நான் கேட்பேன்

“ எங்கள் தலைவர் உங்களிடம் இது பற்றிப் பேசுவார் “ என்று ஒரு பதில் . அவ்வளவுதான் அதற்கப்புறம் ஒன்றும் இருக்காது .யார் அந்தத் தலைவர் என்று தெரியவில்லை . இது வரை அவர் பேசியதும் இல்லை

சில மாதங்களுக்கு முன்பு நான் மீஎண்டும் கட்செவியில் இது பற்றி எழுதியபோது ஒரு அன்பர் “ பத்தூ முறையாவது இது பற்றி எழுதியிருப்பீர்கள் “ என்று குறிப்பிட்டிருந்தார் .

“பிரச்சினைதீரும் வரை எழுதுவேன் . இதில் உங்களுக்கு என்ன பிரச்சினை ?” என்று நான் கேட்டதற்கு அவர் “ எனக்கு ஒன்றும் பிரச்சினை இல்லை . இது ஒரு பெரிய மாபியா , தீர்க்க முடியாத பிரச்சினை . உங்களுக்கு பிரச்சினை வராமல் பார்த்துக்கொள்ளுங்கள் “ என்று பதில் அளித்கார்

அக்கம் பக்கம் உள்ளவர்களும் “பன்றி வளர்ப்பவர் ஒரு பெரிய ரவுடி “ என்று எச்சரித்தனர் .

இது வரை சொன்ன நிகழ்வுகள் சொல்லும் படிப்பினை ஒன்றுதான்

மிக உயரிய பதவியில் இருப்பதாகக் கருதப்படும் நீதிபதி முதல் சாதாராண மனிதன் வரை யாருக்கும் பாதுகாப்பு இல்லை .குற்றம செய்பவர்களுக்கு எந்த வித பயமும் தயக்கமும் இல்லை

குற்றம் செய்யாதவர்களும் ,குற்றம் செய்பவரை கண்டிப்பவர்களும் தண்டிப்பவர்களும் கடுமையாக தண்டிக்கப் படுகிறார்கள் .

பாதகம் செய்பவரைக்கண்டால் பயந்து விடு பாபபா

மோதி மண்டையை உடைத்துக்கொள்ளதேபாப்பா

முகத்தை மறைத்துக்கொண்டு ஓடி விடு பாப்பா

என்று பாரதி பாடலை திருத்திக்கொண்டு நாம் உண்டு நம் வேலை உண்டு என்று இருக்கவேண்டுமா ?

இறைவன் நாடினால் நாளை வேறொரு பதிவில் சிந்திப்போம்

31072021sat

Sherfuddin P

Like

Comment

Share

குரான் 2:205

 “அவன் திரும்பியதும் அவனுடைய முயற்சிகள் எல்லாம் பூமியில் குழப்பத்தைப் பரப்புவதற்காகவும் வேளாண்மையையும் மனித இனத்தையும் அழிப்பதற்காகவே இருக்கும் “

இது குர்ஆனில் எந்தப்பகுதியில் வருகிறது >

விடை

சுராஹ் அல் பக்ரா வசனம் 205(2:205)

“திரும்பியதும் ‘ என்ற சொல்லுக்குப்பதில் “அதிகாரம் கிடைத்து விட்டால் “ என்றும் சில தமிழ் பதிப்புகளில்(IFT வெள்யீடு)) வருகிறது

இரண்டுமே பொருத்தமாகத்தான் தெரிகிறது

இறைவன் நாடினால் மீண்டும் சிந்திப்போம்

30072021fri

Sherfufddin P

[11:46, 7/30/2021] ISPeer mohamed: Explanation mama? [12:50, 7/30/2021] Sherfuddin: Obvious meaning you can understand easily For full meaning you have to refer to previous Verse 2: 204 also I'll come with explanation soon if He wishes [19:55, 7/30/2021] Sherfuddin: (2:204) Among people there is a kind whose sayings on the affairs of the world fascinate you: he calls Allah again and again to bear testimony to his sincerity;223 yet he is most fierce in enmity.224 223. Such a person tends to claim again and again that he was merely a well-wisher and was simply striving to uphold what is true and right, and to promote the welfare of the people rather than doing things for the sake of personal aggrandizement. 224. The words aladd al-khisam mean 'the most fierce in enmity'. This would apply to someone who concentrates all his energies on opposing truth, and who resorts to whatever falsehood, dishonesty, treachery and breach of faith he thinks necessary to achieve his ends. (2:205) Whenever he attains authority,225 he goes about the earth spreading mischief and laying to waste crops and human life, even though Allah (whose testimony he invokes) does not love mischief. 225. The expression idha tawalla can be translated in two ways. First, in the manner of our translation of the text. It can also be translated to make the verse mean that when such people return from sweet and apparently genuine talk, they engage in arrogant and destructive action. (Source- Towards understanding Quran ) My words Spreading mischief, laying to waste crops and human life—either way ( attains authority or returns) is very much applicable to the situation prevailing now . He has attained authority and has returned I think no further explanation is needed 30072021fri Sherfuddin

Like

Comment

Share

இலக்கிய இன்பம்- 2

 இலக்கிய இன்பம் -2

காதல் வீரம் அழகு தத்துவம் இறைவன் என பலவற்றையும் பற்றி விளக்கும் இலக்கியத்தின் சில பயன்கள் பற்றி இப்போது பார்ப்போம்

இலக்கிய ரசனை என்பது ஆறறிவு படைத்த மனிதனுக்கு மட்டுமே உள்ள ஒரு சிறப்பு என்று பார்த்தோம்

இலக்கியங்களைப் படித்து உணர்ந்து சுவைப்பது மனித மனதை அமைதிப் படுத்தும் , பண்படுத்தும்

வாழ்வில் பொருள் வளம் பெருக 'இரவு பகலாய் உழைக்கிறோம் . மேலே கீழே என பலதரப்பட்ட மனிதர்களை சந்தித்து ,அங்கும் இங்கும் அலைந்து திரிய வேண்டிய சூழ்நிலையில் மனதுள் ஒரு அலுப்பு , சலிப்பு வெறுப்பு ஏற்படுவது இயல்பு

இந்த சூழ் நிலையில் என்ன இந்த வாழ்க்கை என்ற எண்ணம் தோன்றாமல் மனதுக்கு உற்சாகம் ஊட்டும் ஊக்க மருந்தாக இலக்கியங்கள் அமைகின்றன

அந்த அளவுக்கு நம் முன்னோர்கள் தங்கள் வாழ்கையில் கண்டு ,கேட்டு பட்டு அறிந்த உண்மைகளை இலக்கியங்களில் சொல்லி வைத்திருக்கிறார்கள்

ஈன்ற பொழுதின் பெரிதுவக்கும் தன் மகனைச்

சான்றோன் எனக் கேட்ட தாய்

என்ற அறிவியல் உண்மையை மிக எளிதாய்ச் சொன்ன வள்ளுவர் எவ்வளவு ஆழமாக இது பற்றிப் படித்து சிந்தித்திருக்க வேண்டும்

அழகு என்றாலே மனதுக்கு இதம்தானே !

அது பெண்ணின் அழகாக இருக்கலாம், குழந்தையின் மழலைப் பேச்சாக இருக்கலாம் ,இயற்கை அழகாக இருக்கலாம் , நல்ல மனதின் அழகாக இருக்கலாம் .

இவற்றைக் கண்டு களித்துப் பழகி விட்டால் வாழ்வில் சலிப்புக்கு இடம் ஏது ?

குழலினிது யாழினிது என்ப தம் மக்கள்

மழலைச் சொல் கேளாதவர்

கம்பன் காட்டும் இயற்கை அழகு :

சேலுண்டவொண்கனாரில் திரிகின்ற செங்கால் அன்னம்

மாலுண்ட நளினப்பள்ளி வளர்த்திய மழலைப் பிள்ளை

காலுண்ட சேற்றுமேதி கன்றுள்ளிக் களைப்பச் சோர்ந்த

பாலுண்டு துயிலப் பச்சைத் தேரைதா லாட்டும் பண்ணை

(மீன் போன்ற கண்கள் உடைய பெண்கள் நடக்க வேண்டும் என்பதற்காக அன்னைப்பறவைகள் தண்ணீருக்கு அருகில் நடக்கின்றன . அன்னக் குஞ்சுகள் தாமரை இலையில் படுத்து ஓய்வெடுக்கின்றன

தண்ணீரில் மூழ்கிக் குளிக்கும் எருமைகள கன்றுகளை நினைக்கும்போது பெருகி வரும் பால் தாமரரை இலை தெறிக்கிறது . பாலை உண்ட் அன்னக்குஞ்சுகள் தவளை தாலாட்ட உறங்குகின்றன )

தவளைச் சத்தத்தை தாலாட்டாகப் பார்ப்பது கம்பனின் கற்பனை வளம்

பெண்களின் அழகைப்பாடுவதில் புலவர்களுக்குள் கடும்போட்டி

கம்பனாகட்டும் , வள்ளுவனாகட்டும் , இளங்கோவாகட்டும் ஒருவோருவோருக்கொருவர் சளைத்தவர் அல்ல

இது பற்றி எழுதினால் அது தனி நூலாகும் . எடுத்துக்கட்டாக ஒன்றே ஓன்று – மீண்டும் வள்ளுவன்தான்

அணங்கு கொல் ஆய்மயில் கொல்லோ கனங்குழை

மாதர்கொல் மாலும் என் நெஞ்சு

தன் நெஞ்சம் கவர்ந்த பெண்ணின் அழகைப் பார்த்து ஆணின் மனதில் ஒரு மயக்கம் – வானத்திலிருந்து இறங்கிய தேவதையா இல்லை இறைவன் தேர்வு செய்து படைத்த அழகிய மயிலா இல்லை பெரிய காதணி அணிந்த மனித குலப் பெண்ணா!!

வாழ்க்கை நெறிகள் பலவும் இலக்கியங்களில் நிறைய காணலாம்

அரசியல் பிழைத்தோர்க்கு அறம் கூற்றாகும் என்பது சிலப்பதிகாரம்

நாடோ வீடோ வரவுக்குள் செலவு செய்யவேண்டும் என்பது பொருளாதார நெறி .இதை மிக அழகாக சொல்கிறது குறள்

“ஆகாறு அளவிட்டிதாயினும் கேடில்லை

போகாறு அகலாக்கடை “

இந்த விதியை மறந்து நாடும் வீடும் கடனில் சிக்கித் தவிக்கின்றன

லட்சக்கணக்கில் சம்பாதிக்கிறேன் ஆனல் போதவில்லை என்று பெருமை பேசுகிறார்கள்

பற்றாக்குறை நிதிநிலை அறிக்கை (deficit budget ) என்பது மிக இயல்பான ஒன்றாகி விட்டது

விளைவு – கடுமயான விலை வாசி உயர்வு , பொருளாதார ஏற்றத் தாழ்வு

இன்னும் நகைச்சுவை, அவலச் சுவை , இல்வாழ்வு நெறி ,பிரிவுச் சுவை

என எல்லாவற்றையும் கரைத்து சாறு பிழிந்து இனிய இலக்கியமாகப் படைத்திருக்கிறார்கள் நம் முன்னோர் .

எழுதினால் எழுதிக் கொண்டே போகலாம் .

படிப்பவர்கள் வேண்டுமே

எனவே ஒரு சங்கப்பாடல் .ஒரு குறள் மட்டும் சொல்லி இந்தப் பகுதியை நிறைவு செய்கிறேன்

“உண்டாலம்ம இவ்வுலகம் இந்திரர் அமிழ்தம் இயைவதாயினும் இனிது எனத்

தமியர் உண்டலும் இலரே ; முனிவிலர் ;துஞ்சலும் இலர்;

பிறர் அஞ்சுவது அஞ்சிப் புகழ் எனின் உயிருங் கொடுக்குவர்

பழிஎனின் உலகுடன் பெறினும் கொள்ளலர் ;அயர்விலர்

அன்னமாட்சி அனையராகித் தமக்கென முயலா நோன்தாள்

பிறர்க்கென முயலும் உண்மையானே “

ஒரு சில வரிகள் , மிக எளிமையான சொற்களில் உலகம் இயங்குவதற்காண நெறியை, வழிமுறைகளை தெளிவாக்குகிறது இந்தப் புற நானூற்றுப் பாடல்

நிறைவாக நல்ல இல்வாழ்க்கை பற்றி ஒரு குறள்:

இல்லதென் இல்லவள் மாண்பானால் உள்ளதென்

இல்லவள் மாணாககடை

இலக்கியம் என்பது பல கடல்களின் சங்கமம் . அதில் நான் படித்து சுவைத்தது ஒரு சிறிய துளி . அந்தத்துளியில் ஒரு பகுதியை உங்களுடன் பகிர்ந்து கொண்டேன்

இறைவன் நாடினால் மீண்டும் சிந்திப்போம்

28072021wed

Sherfuddin P

Like

Comment

Share

இலக்கிய இன்பம் - 1

 இலக்கிய இன்பம்

இலக்கியமா அதெல்லாம் நமக்கு ஒத்து வராது .எதோ பள்ளியில் கல்லூரியில் வேறு வழியில்லாமல் அதெல்லாம் படித்தோம் .படித்து தேர்ச்சி பெற்று வந்து விட்டோம் .இனி எதற்கு அதெல்லாம்---

இதுதான் பலரின் எண்ணமும் சொல்லும் –இலக்கியம் என்று யாராவது சொன்னாலே

நானும் அப்படித்தான் இருந்தேன் . இவ்வளவுக்கும் அத்தா இலக்கியத்தின் சுவையில் திளைத்தவர்கள் .பல உரைகள் நிகழ்த்தி கட்டுரைகளும் எழுதியவரகள்

அதனால்தான் எனக்கு தமிழில் ஓரளவு பிழை இல்லாமல் எழுத வருகிறது .கூடிய மட்டும் பிறமொழிக் கலப்பில்லாமல் எழுதுகிறேன்

அத்தாவின் கம்ப இராமாயணக் கட்டுரைகள் என்ற நூலை ஒவ்வொரு பகுதியாக சமூக ஊடகங்களில் வெளியிட்டேன்

அப்போது பாடல்களை சரி பார்க்க இணையத்தில் மேய்ந்த போது இராமாயணம் மட்டுமல்லாது இன்னும் பல இலக்கியப் பாடல்களும் கண்ணில் பட்டன

அவற்றின் சுவை மனதில் பட்டபோது மாணவனாக படித்த பாடல்கள் அவற்றிற்கு ஆசிரியர்கள் கொடுத்த அழகிய விளக்கங்கள் எல்லாம் ஓரளவுக்கு புரியத் துவங்கியது .போல இருந்தது

எட்டிக்காயாகத் தெரிந்த இலக்கணமும் சிறிதளவு புரிந்தது

இலக்கியங்கள் யாருக்கோ அல்ல .அவை ஒவ்வொருவரின் வாழ்விலும் கலந்து நிற்கும் ஒரு இனிமையான பகுதி என்பதும் விளங்கியது

செடிகொடிகள், விலங்குகள் , பறவைகள் எல்லாம் உணவு உட்கொள்கின்றன உறங்கி விழிக்கின்றன. இனப்பெருக்கம் செய்கின்றன, இசையை உணர்கின்றான

ஆனால் இலக்கிய ரசனை என்பது ஆறறிவு படைத்த மனிதனுக்கு மட்டுமே உள்ள ஒரு சிறப்பு

அந்த அந்த கால கட்ட வாழ்வை நம் கண்முன்னே நிறுத்தும் காலக்கண்ணாடியாக இலக்கியங்கள் திகழ்கின்றன

“வண்மை இல்லையோர் வறுமை இன்மையால்” என்னும்போது அந்தக் கால கட்டத்தில் நாட்டின் செல்வச் செழிப்பு கண்முன்னே தெரிகிறது

“கையது கொண்டு மெய்யது பொத்தி -----

ஏழையாளனைக் கண்டனம் எனுமே “

எனும் நாரை விடு தூதில் புலமையோடு சேர்ந்தே இருக்கும் வறுமை தெரிகிறது

அந்த வறுமை, பசி குளிரிலும் நாரையின் பவளக் கூர்வாயை இரண்டாகப்பிளந்த பனங்கிழங்கோடு ஒப்பிடும் புலமை மிளிர்கிறது

எங்கே உன் மகன் என்று கேட்டதற்கு “ஈன்ற வயிறோ இது தோன்றுவன் மாதோ போர்க்களத்தானே “ என்ற விடையில் சங்க காலத் தாயின் வீரம் தெரிகிறது

மொழி இனம் நிறம் நாடு என்ற எல்லைகளைக் கடந்து நிற்கும் உலக ஒற்றுமை , சமத்துவம் , சகோதரத்துவத்தை உணர்த்தும் அறைகூவல் “யாதும் ஊரே யாவரும் கேளிர்”

ஒன்னரை வரியில் ஒரு அழகான காதல் காட்சி , காவியம் :

“யான் நோக்கும் காலை நிலன் நோக்கும் நோக்காக்கால்

தான் நோக்கி மெல்ல நகும் “

இப்படி காதல் வீரம் அழகு தத்துவம் இறைவன் என பலவற்றையும் பற்றி விளக்கும் இலக்கியத்தின் பயன்கள் பற்றி

அடுத்த பகுதியில்

இறைவன் நாடினால் நாளை சிந்திப்போம்

27072021tue

Sherfuddin P

Like

Comment

Share