Wednesday, 24 July 2019

வண்ணச் சிதறல் 43 மன(ணி)க்கோட்டை







மன(ணி)க்கோட்டை






Some are born great
Some achieve greatness
And some have greatness thrust upon them

சிலர் புகழுடன் பிறக்கிறார்கள்
சிலர் புகழைத்தேடி அடைகிறார்கள்.
சிலருக்கு புகழ் அவர்களைத்தேடி வருகிறது
(மொழி பெயர்ப்பு என்னுடையது ஓரளவு சரி என நினைக்கிறேன்)

இந்த சொல் வழக்கை பல நேரங்களில் படித்திருப்போம் , கேள்விப்பட்டிருப்போம்

இந்த சொல் வழக்கு எதில் வந்தது என்பது பற்றி பின்பு பார்ப்போம்

இப்போது

குடகு மலைப்பகுதி .-  வண்ண வண்ணப் பூக்கள் வானை முட்டும் மரங்கள் சலசலக்கும் ஓடை, இடியோசையுடன் கொட்டும் அருவி அடர்ந்த காடு ஆண்டு முழுதும் இதமான தட்ப வெப்பம் என  இயற்கை எழில் முழுமை பெற்ற ஒரு பகுதி

அந்தக்குடகுப்பகுத்யில் பரந்து விரிந்த ஒரு பெரிய காப்பித்தோட்டம்

தோட்ட உரிமையாளரின் வீடு – ஒரு மாளிகை, அரண்மனை என்று சொல்லும்படி  வசதியான விசாலமான ஓன்று

வீட்டுப்பணிக்கு, தோட்ட வேலைக்கு சமையலுக்கு என பலதரப்பட்ட பணியாட்கள்

அவர்களை நிர்வகிக்கும் மேலாளர் மணி 

அவர்தான் இந்தக்கதையின் நாயகன்
 
மிக நல்லவர் 
உயர்ந்த குணமுடைய உத்தமர்
 அழகும் அறிவும் மிக்கவர்
 ஆண்மையின் கம்பீரம் மிளிர்பவர்
 இளமை ததும்புபவர்

என்றெல்லாம் தன்னைப்பற்றி    கற்பனை செய்து கொண்டு
நெஞ்சைத் தூக்கி செருக்கு நடை போடும்
சுமாரான நல்லவர்

;நாற்பதை நெருங்கும் இளைய முதியவர் அல்லது முதிய இளைஞர்

சிரிப்பு நகைச்சுவை, ஆடல் பாடல் இசை  இதெல்லாம் அவருக்கு தெரியாது-   பிடிக்காது

தன்னை எல்லோரும் குறிப்பாக பெண்கள் அதிலும் அழகிய  இளம்பெண்கள் விரும்புகிறார்கள்
நட்பு கொள்ளத் துடிக்கிறார்கள்
மணமுடிக்க வரிசையில் மாலையோடு காத்திருகிறார்கள்   என்ற ஒரு மிகத் தவறான எண்ணம், திடமான நம்பிக்கை  அவர் நெஞ்சில் நிறைந்து வழிந்துகொண்டேயிருந்தது

பாலு
மாரியம்மாள்
அந்தோனி

அந்த வீட்டின் மற்ற பணியாளர்களில் குறிப்பிடத்தக்கவர்கள்
மணிக்கும் அவர்களுக்கும்ஏழாம் பொருத்தம்

அவர்கள் மூவரும் எப்போதும் அரட்டை சிரிப்பு ஆட்டம் பாட்டம் என்று குதூகலமாக பணியில் ஈடுபடுவார்கள்

குறிப்பாக பாலு நல்ல குடிகாரர்
நகைச்சுவை உணர்வு மிக்கவர்

 மணியின்  அதட்டல் அதிகாரத்தை கண்டு கொள்ளவே மாட்டார்
மேற்கொண்டு மணியை கிண்டல் செய்து கொண்டே இருப்பார் 
மணி கடுப்பாகி மேலும் அதிகாரத்தை நிலை நிறுத்த முயற்சிப்பார்
இப்படி ஒரு பனிப்போர் தொடர்ந்து கொண்டே இருக்கும்

இதையும் தாண்டி வீட்டு உரிமையாளரிடம் மணி இவர்கள் பற்றி  புகார் செய்வதும் உண்டு

வீட்டு உரிமையாளர் ஓவியா

பெயருக்கேற்ற அழகுப்பதுமை 
திருமணம் ஆகாத இளம்பெண்
அறிவிலும் சிறந்த பெருந்தன்மையான சீமாட்டி
பணச்செருக்கு சிறிதும் கிடையாது


 மணியின்  வயதுக்கு ஒரு மரியாதை வைத்து அவர் சொல்லும் புகார்களை ஒரு புன்னகையுடன் காது கொடுத்துக் கேட்பார்.

பாலு மாரி அந்தோனி மூவரும் ஆடினாலும் பாடினாலும்  தங்கள் பணிகளை நிறைவாகச் செய்வார்கள் என்பது ஓவியாவுக்குத் தெரியும்
எனவே தேவையில்லாமல் அவர்களைக் கண்டிக்க மாட்டார்.
அந்த ஊர் தட்ப வெப்பத்துக்கு குடியை ஒரு பெரிய குற்றமாக யாரும் பார்ப்பதில்லை

ஆட்டைக் கடித்து மாட்டைக் கடித்து மனிதனைக் கடித்தது போல்
மணி  தனக்கு படியளக்கும்  ஓவியாவும் தன்னை மணமுடிக்க விரும்புவதாய்  ஒரு கற்பனயை வலுவான கற்பனையை வளர்த்துக் கொண்டார்

அவர் சொல்லுவதையெல்லாம் ஓவியா புன்னகையுடன் காது கொடுத்துக் கேட்பது இந்த எண்ணத்தை மேலும் வலுவாக்கியது

தான் ஓவியாவை மணம் செய்து அந்த பெருந்தோட்ட உரிமையாளர் ஆகி   பெரிய செல்வந்தர் ஆனது போல் கற்பனையில் வலம்
வந்தார்

அந்த நினைப்பில் பாலு மாரி அந்தோணியை மிகவும் பாடாய்ப்படுத்தினார்

மூவர் குழு  மணியைப் பழி வாங்கத் துடித்தது

குறிப்பாக பாலுவும் மாரியும் சேர்ந்து சிந்தித்தார்கள்

 ஓவியா பற்றி மணியின்  மனக்கோட்டையை அறிந்த அவர்கள் அதன் அடிப்படையில் ஒரு சதித்திட்டம் தீட்டினார்கள்

ஓவியா மணிக்கு எழுதியது போல் ஒரு காதல் மடல் வரைந்தார்கள் வழக்கமான மானே , தேனே சிங்கமே யானையே தேக்கு மரமே  போன்ற காதல் மொழிகள் போக சில சிறப்பு மொழிகளையும் சேர்த்தார்கள்
‘ நீங்கள் என்னைப்பார்த்து புன்னகைப்பது எனக்கு மிகவும் பிடிக்கிறது “
“ இன்னும் நீங்கள் வெற்றிலை போட்டு அந்தக்காவிப்பல் தெரியச்சிரித்தால் என் மனம் மயங்கும் “
“மஞ்சள்  நிற ஆடை உங்கள் அழகுக்கு மேலும் அழகூட்டும் “
அந்தகடிதத்தை மணி கண்ணில் படும்படி தோட்டத்தில் போட்டு விடுகிறார்கள்
அதைப் படித்த மனி கள்ளுண்ட குரங்காகி விட்டார் .காதல் போதையும் செருக்கும் தலைக்கேற தன்னிலை மறந்து ஆடிப்பாடினார்.
உடனே ஒரு மஞ்சள் நிற  உடை வாங்கி அணிந்து கொண்டு வாய் நிறைய வெற்றிலை போட்டு குதப்பிக்கொண்டு விரைந்து சென்று ஒவியாவைப்பார்த்து விடாமல் பல்லிளித்தார்
உண்மை என்னவென்றால்
மஞ்சள்  நிற ஆடை ஓவியாவுக்கு பிடிக்கவே பிடிக்காது
வெற்றிலை போடுபவர்களைக் கண்டாலே விலகிப் போய்விடுவார்  
மேலும் தன் நெருங்கிய உறவினர் ஒருவர் மறைந்த வருத்தத்தில் இருந்த ஒவியா மஞ்சள்  நிற உடையில் வெற்றிலைக்காவி பல் தெரிய விடாமல் புன்னகைத்த மணியைக்கண்டு மிகவும் கடுப்பாகிப் போனார்
காதல் போதையில் நிலைமை புரியாமல் தொடர்ந்து  இந்தக் காட்சியை மணி அரங்கேற்றுகிறார்
ஒரு நிலையில் கடுப்பு தாங்க முடியாத ஓவியா காவல்துறை மூலம் மணியை சிறையில் அடைத்து விடுகிறார்
சிறையில் அடைக்கப்பட்ட மணி ஒரு மனநிலை சரியில்லாதவர் போல் நடத்தப்படுகிறார் .  .அவருடைய செருக்கு அவருக்கு நிறைய பகைவர்களை சம்பாதித்துக் கொடுத்திருக்கிறது  
அதனால் மிகக்கடுமையாக அவர் தண்டிக்கபடுகிறார்
இதை அறிந்து ஓவியா மனம் வருந்துகிறார்  
பலருக்கு, குறிப்பாக என் வயதை ஒத்தவர்களுக்கு இந்தக்கதை எங்கோ கேள்விப்பட்டது போல் தோன்றும்
ஆம். இளநிலை பட்ட வகுப்பில் ஆங்கிலபாடத்தில் படித்த பனிரெண்டாம் இரவு (Twelfth Night or What You will)  என்ற ஷேக்ஸ்பியர் எழுதிய புகழ் பெற்ற நாடகத்தில் வரும் ஒரு பாத்திரம்தான் மணி
பெயர்களை சற்று  மாற்றியிருக்கிறேன்

 மணி      மல்வோலியோ
ஓவியா.   ஒலிவியா
பாலு      சர் டோபி பெல்ச். 
மாரி மரியா
அந்தோனி ஆன்ட்ரூ

பொள்ளாச்சி நல்ல முத்துக் கவுண்டர் மகாலிங்கம்  கல்லூரியில் ஆங்கிலப் பேராசிரியர் திரு நாயர் அவர்களின் குரல் அரை நூற்றாண்டு தாண்டியும் என் காதுகளில் ஒலிக்கிறது

Charles Lamb said of Malvolio that 
Malvolio is not a ludicrous character but becomes one by accident

சரி அந்தக்கதை இப்போது எதற்கு என்கிறீர்களா ?

சில நிகழ்வுகள், சில மனிதர்களைப் பார்க்கும்போது , கேள்விப்படும்போது மல்வோலியோவை நேரில் பார்த்த உணர்வு . ஏற்படுகிறது

நீங்களும் இது போன்ற ஒரு எண்ணத்தை உணர்ந்திருப்பீர்கள்

யார் கண்டது என்னையே மல்வோலியோவோடு ஒப்பிடுபவர்களும் இருக்கலாம்

எனவே இதை மேற்கொண்டு விளக்காமல் உங்கள் சிந்தனை,கற்பனைக்கு விட்டு விடுகிறேன்

நிறைவாக
 இந்தப் பதிவின் துவக்கத்தில் நீங்கள்  புகழ் பெற்ற சொல்வழக்கு


Some are born great
Some achieve greatness
And some have greatness thrust upon them

 நாம் இப்போது பார்த்த பனிரெண்டாம் இரவு  Twelfth Night   என்ற நாடகத்தில் வருவதாகும்

 இதைச்சொல்லும்போது மீண்டும் சிந்தனை பொள்ளாச்சிக்குப் பறக்கிறது .இப்போது சமத்தூர் ராம ஐயங்கார் நகராட்சி உயர்நிலைப்பள்ளி –

பதினொன்றாம் (பள்ளியிறுதி) வகுப்பு. ஆங்கில ஆசிரியர் பெயர் நினைவில் இல்லை. குடுமி, பஞ்சகச்சத்துடன் மிகத்தெளிவான அழகான ஆங்கில உச்சரிப்பு

நேரு பற்றிய பாடம்

Nehru was born great
Achieved greatness and
Had greatness thrust upon him

எங்கள் அத்தா – நகராட்சி ஆணையராக இருந்த ஹாஜி கா. பீர்முகம்து இந்த வரிகளுக்கு மிகப் பொருத்தமாக  பிறப்பிலும் சிறப்பு வாழ்வும் சிறப்பு மறைவும் சிறப்பு, மறைந்த பின்னும் சிறப்பு என வாழ்ந்தவர்கள் .

இ(க)டைச்செருகல்

இளமை நினைவுகள் அதிலும் மாணவப்பருவ நினைவுகள் மனதை வருடும்போது தென்றல் வீசும் சோலையில் மரக்கிளையில்   ஊஞ்சல் கட்டி ஆடுவது போன்ற ஒரு இனிமை சுகம் .பரவசம்

இறைவன் நாடினால் மீண்டும் சந்திப்போம்

வலைநூல் முகவரி
sherfuddinp.blogspot.com

B F W 24072019 Wed


Friday, 19 July 2019

English 52 RHYTHMS





RHYTHMS
 is the longest English word
without containing the
 normal vowels, a, e, i, o, or u.

20072019



Thursday, 18 July 2019

நலவாழ்வு 5 அழுத்தப்புள்ளிகளின் அற்புதம்

Print all
In new window



A
அழுத்தப்புள்ளிகளின் அற்புதம்
Inbox
x

https://ssl.gstatic.com/ui/v1/icons/mail/profile_mask2.png

https://mail.google.com/mail/u/0/images/cleardot.gif
https://mail.google.com/mail/u/0/images/cleardot.gif


மன அழுத்தம் குறைய உதவும்
அழுத்தப் புள்ளி பற்றி சென்ற பகுதியில் பார்த்தோம்

மணிக்கட்டுக்கு சற்று கீழ் இருக்கும் இந்தப்புள்ளி மன அழுத்தம் படபடப்பு வயிறு
கனமான இருப்பது வாந்தி குமட்டல் வருவது  போன்றவற்றை கட்டுப்படுத்தும்

அடுத்து சில புள்ளிகள் பற்றிப்பார்ப்போம்

அதற்கு முன்

-
அக்குபஞ்சர் புள்ளிகள் அழுத்தப் புள்ளிகள் இரண்டும் ஒன்றுதான்
-
ஊசியால் புள்ளிகளை அழுத்தினால் அக்குபஞ்சர்
-
விரலால் அழுத்தினால் அக்குபிரஷர்
-
இரண்டும் ஏறத்தாழ ஒரே மாதிரி பயன் தரும்

-
நான் சொல்வது உடல்நலம் பற்றிய குறிப்புகள்தான் -- புள்ளிகள் பற்றிய பாடம்
அல்ல
-
எனவே P 6  K 1 என்று புள்ளிகளின் பெயர்கள் இவற்றை எல்லாம் விளக்கவில்லை
-
இந்த இடத்தில் அழுத்தினால் இந்த விளைவு என்ற செய்தியை மட்டும் சொல்ல
 முயற்சிக்கிறேன்

-
ஆள்காட்டி விரல் அல்லது பெருவிரலால் அழுத்தலாம்

-
மிகத்துல்லிதமாய் புள்ளிகளை அறிய மெனக்கெட வேண்டாம்
ஒரு சிறிய வட்டம் அளவுக்கு புள்ளியின் விளைவு இருக்கும்

-1/2
நிமிடம் முதல் 3 நிமிடங்கள் வரை அழுத்தலாம்

இனி புள்ளிகள்

1.
மணிக்கட்டுக்குக் கீழ் உள்ள புள்ளி பற்றி ஏற்கனவே பார்த்தோம்


 


2 .
உச்சி மண்டையில் விரலால் தடவிப்பார்த்தால் ஒரு மேடும் அதனருகில் ஒரு பள்ளமும் தெரியும்
இது பல பயன்கள் தரும் ஒரு புள்ளியாகும்
குறிப்பாக தூங்க வைப்பதற்கு இது உதவும்
எல்லா நலக்குறைபாடுகளுக்கும் மற்ற புள்ளிகளோடு இதையும் அழுத்தலாம்


 

3.மூக்குக்கீழ் மேல்உதட்டுக்குமேல் நடுவில் ஒரு பள்ளம் இருக்கும்
மயக்கம் போட்டு விழுந்தவர்கள் தெளிந்து எழுந்திருக்க இந்தப் புள்ளியை அழுத்தலாம்
(***
மது மயக்கத்திற்கு இது பயன்படாது**)

 
4. உள்ளங்காலின் நடுப்பகுதியில் உள்ள ஒரு புள்ளியும் மயக்கம் தீர உதவும்
(K1)


 


5. கை பெருவிரலுக்கும் ஆட்காட்டி விரலுக்கும் இடையில் உள்ள இந்தப்புள்ளி
உடலில்
ஏற்படும் எல்லா வலிகளையும் தீர்க்கப்பயன்படும்







இப்போதைக்கு இது போதும்
மேலும் மேலும் சொன்னால் மனதில் பதியாது

இன்னும் சில புள்ளிகள் அடுத்த பகுதியில்



வலைநூல் முகவரி
sherfuddinp.blogspot.com


B F W 18072019 thu






Sunday, 14 July 2019

கதை நேரம் 15 மார்ட்டின்




மார்ட்டின்


மார்ட்டின்
நல்ல உழைப்பாளி .காலணிகள் செய்வதில் கை தேர்ந்தவர் சொன்னதைச் செய்யும் செய்வதை மட்டுமே சொல்லும் ஒரு உன்னத மனிதர்
தன் பணிக்கூடத்தில் எப்போதும் எறும்பின் சுறுசுறுப்புடன் இயங்கிக்கொண்டிருப்பார் . அடித்தளத்தில் உள்ள அந்த அறையில் ஒரே ஒரு சன்னல்தான் இருந்தது . அதன் வழியே தெருவில் செல்பவர்களின் கால்களைப் பார்த்தே இவர் இன்னார் என்று கண்டுகொள்ளும் அளவுக்கு அந்த ஊர் மக்கள் அனைவருக்கும் காலணி செய்து கொடுத்திருக்கிறார்.
ஒரு மூன்று வயது குழந்தை மட்டுமே அவர் குடும்பம். துணைவியும் மற்ற குழந்தைகளும் காலமாகிவிட்டார்கள்
   பல சிரமங்கள் இருந்தாலும் குழந்தையை தானே வளர்த்து வந்தார். ஆனால் அந்தக் குழந்தையும் நோய்வாய்பட்டு மறைந்து விட மனம் உடைந்து போனார் மார்ட்டின் . உண்மையில் இறைவன் என்ற ஒருவன் இருக்கிறானா என ஐயம் கொண்டார்
தன்னை சந்திக்க வந்த ஒரு சமயப் பரப்பாளரிடம் தன் துயரங்களையும் இறை பற்றிய மன நிலையையும் எடுத்துரைத்தார் மார்ட்டின்
அவரோ இறைவனை மறுக்க நமக்கு எந்த உரிமையும் கிடையாது . இறைவழியில் வாழ்வது நம் கடமை என்று அறிவுரை கூறினார் . மார்ட்டினின் மனதில் இது ஆழமாகப் பதிந்து ஒரு மாற்றத்தை உண்டு பண்ணியது .மறை நூல்களை வாங்கி வந்தார்
 தயக்கத்துடன் மறை நூலைப் படிக்கத்துவங்கினார். போகப்போக அதில் நாட்டம் அதிகமாகி அதில் மன அமைதியும் மகிழ்ச்சியும் அடைந்தார் . ஒரு நாள் மறை நூலில் இயேசு பிரானின் கால்களைத்தன் கண்ணீரால் ஒரு பெண் கழுவியது பற்றிபபடித்தார் .தன்னையே அந்தப்பெண்ணாக கற்பனை செய்து கொண்டு அப்படியே உறங்கி விட்டார்  
.உறக்கத்தில் ஒரு நினைவோட்டம் .” மார்ட்டின் உன்னைப்பார்க்க நான் நாளை வருவேன் “ என இறைவன் சொல்வது போல்-
  அடுத்த நாள் காலை ஒரு ஐயம் கலந்த பதற்றத்துடன் இறைவனை எதிர்பார்த்து சன்னல் ஓரமாக அமர்ந்திருந்த மார்ட்டின்

தெருவில் பனி அள்ளிக்கொண்டிருந்த ஒரு முதியவரை அழைத்து குளிருக்கு இடமாக சூடான தேனீர் கொடுத்து அன்பாக ஆறுதலாகபேசினார் .இறைவன் வருவது பற்றியும்சொன்னார் .உடலுக்கும் மனதுக்கும் இதமளித்த மார்ட்டினுக்கு கண்ணீர் மல்க நன்றி தெரிவித்துச் சென்றார் அந்த முதியவர்

அடுத்து கைக்குழந்தயுடன் ஒரு பெண் குளிரில் நடுங்கிக் கொண்டிருந்ததைப் பார்த்த மார்ட்டின் அந்தப்பெண்ணுக்கு உணவும் உடையும் பணமும் கொடுத்து உதவி செய்தார். இறைவன் வருகை பற்றி அந்தப் பெண்ணிடமும் சொன்னார்
சிறுவன் ஒருவன் ஒரு மூதாட்டியிடம் திருடி மாட்டிக்கொண்டான் . மார்ட்டின் அவர்களிடம் போய் அன்பாகப்பேசி அவர்கள் சண்டையை தீர்த்து வைத்தார்
 இறைவன் வரவில்லை என்ற ஏக்கத்துடன் தூங்கி விட்டார் மார்ட்டின் .
அப்போது
 தான் அன்று உதவி செய்த மூவரும் ஒருவர் பின் ஒருவராய் வந்து
“ மார்ட்டின் நான்தான்   எனக்கு நீ  செய்தத உதவி  இறைவனுக்கு செய்த உதவி ” “ என்று சொல்வதை கேட்டார்  
உண்மையில் இறைவன் மூவர் வடிவில்  வந்து போனதையும் தான் இறைவனுக்கு நன்கு பணிவிடை செய்ததையும் அறிந்து மன நிறைவுற்றார்

இது ரசிய எழுத்தாளர் டால்ஸ்டாய் எழுதிய புகழ்பெற்ற கற்பனைக்  கதை ஒன்றின் சுருக்கமான மொழிமாற்றம்


அடுத்கு ஒரு வரலாற்று நிகழ்வு

அந்த மிக  நல்ல மனிதருக்கு ஒரு மிக மிக  நல்ல பழக்கம் .விருந்தாளி இல்லாமல் சாப்பிட மாட்டார்.. சுற்றம் நட்பு மட்டும்தான் விருந்தாளி என்று இல்லை . பசி என்று யார் வந்தாலும் அவர் விருந்தாளிதான்.அவரோடு சேர்ந்து உட்கார்ந்துதான் சாப்பிடுவார்
ஒரு நாள் இப்படி விருந்தாளியை எதிர்நோக்கி வெகு நேரம் காத்திருந்து ஒரு வழியாக வழிப்போக்கர் ஒருவரைக்கண்டு மகிழ்ந்து அவரை அழைத்து வந்து சாப்பிட இருவரும் உட்கார்ந்தனர்
தன் வழக்கப்படி இறைவனை புகழ்ந்து  வணங்கி விட்டுசாப்பிடத் துவங்கிய அந்த நல்லவர் விருந்தாளியிடம் நீங்கள் இறைவணக்கம் செய்யவில்லையா என்று கேட்க எனக்கு இறைவன் மேல் பெரிய நம்பிக்கை எல்லாம் கிடையாது என்று அவர் சொன்னார்
இறை வழியில் முழுமையாக இருந்த அந்த அன்பருக்கு கட்டுக்கடங்காத சினம் வந்து “இறை நம்பிக்கை இல்லாதவருக்கு என் வீட்டில் சாப்பாடு கிடையது “ என்று விரட்ட அந்த வழிப்போக்கர் பசியோடு எழுந்து போய்விட்டார்.
இப்போது அந்த நல்லவருக்கு குழப்பம் . தான் செய்தது சரியா , பசியோடு உணவு உண்ண உட்கார்ந்தவரை விரட்டி விட்டோமே இது மிக இழிவான செயல் அல்லவா ஏன் இந்தத் தடுமாற்றம் என்று பலவாராக எண்ண ஓட்டங்கள்
இந்த நிலையில் அந்த நல்லவரோடு இறைவன் பேசுகிறான்
“ மிகப்பெரிய தவறு செய்து விட்டிர்கள் . என் மேல் நம்பிக்கை கொள்ளாத அவருக்கு நான் அறுபது ஆண்டுகளாக உணவு அளித்து பாதுகாத்து வருகிறேன் .ஒரு வேளை உணவு அளிக்க உங்களால் முடியவில்லை .
அவர் நல்லவரா கெட்டவரா என்பதை படைத்த நான்தானே தீர்மானிக்க வேண்டும் ! உங்களுக்கு யார் அந்த உரிமையைக் கொடுத்தது
. .உங்களையும் அவரையும்  படைத்த ஏக இறைவன் அளவற்ற அருளாளன் நிகரற்ற அன்புடையோன் என்பது உங்களுக்கு மறந்து விட்டதா “
பதைபதைத்துப்போன அந்த நல்லவர் தாம் விரட்டிய முதியவரைத் தேடிக்கண்டுபிடித்து உணவருந்த வரும்படி அழைத்தார்..
பசியில் வாடியிருந்த அவர் உடனே வந்து உணவருந்தினார். பசி,, சோர்வு நீங்கியபின்  தங்கள் மனமாற்றத்துக்கு என்ன காரணம் என்று கேட்டார்
தனக்கு இறைவன் தெரிவித்ததை அவரிடம் எடுத்துச்சொல்ல அந்த முதியவர் கண் கலங்கி மனம் மாறி இதுவரை செய்த தவறுக்கு வருந்தி இறை நம்பிக்கையாளராக மாறி விட்டார்
நபி இப்ராஹீம் அலை அவர்கள் வாழ்வில் நடந்த நிகழ்வு இது . இறைவனே நட்பு கொள்ள விரும்பிய அந்த மாமனிதர் இப்ராஹீம் நபியின் சிறப்புகளை சொல்லிக்கொண்டே போகலாம் .
.இறைவன் ஆணையிட்டால் எதையும் இழக்கத் துணிந்த தியாகச்செம்மல். அந்த இறைவனையே கேள்வி கேட்ட பகுத்தறிவாளர்  கடும் தண்டனை கிடைக்கும் என்று தெரிந்தும் சிலை வணக்கத்தை எதிர்த்து போராடிய புரட்சியாளர் .இறைவன் உன்னை பலிகொடுக்கச் சொல்கிறான் இது பற்றி உன் கருத்தென்ன என்று சிறுவனாகிய தன மகனிடம் கேட்ட சமத்துவவாதி  இதற்கெல்லாம் மேல் அன்பும் பண்பும் இரக்க சிந்தனையும் நிரம்பியவர்
இத்தனை நற்குணங்கள் கொண்ட அந்த மாமனிதருக்கு இறைவன் மிகப்பெரும் சிறப்புகளை வழங்கியிருக்கிறான்
அவரை நினைவு கூறும் ஒரு கட்டாயக் கடமை- புனித ஹஜ் பயணம் , ஒரு தியாகத்திருநாள் , அவர் பெயரில் புனித மறை குர்ஆனில் ஒரு முழு அத்தியாயம் , ஒவ்வொரு தொழுகையிலும் அவர் பெயர் உச்சரிக்கப்படும் சிறப்பு புனித மறையாம் குரானில் அவர் பெயர் 69 இடங்களில் சொல்லப்படுவது  தாடி வளர்த்தல், மீசைகுறைத்தல் நகம் வெட்டுதல் போன்ற அவரின் வழிமுறைகள் இன்றளவும் பின்பற்றப்படுவது 
இப்ராகிம் நபி அவர்கள் வாழ்வில் ஒரு நிகழ்வு பற்றிப்பார்த்தோம். சிறிய நிகழ்வென்றாலும் உயர்ந்த வாழ்வியல் சிந்தனைகளைத் தருகின்றது
ஒன்று பசியென்று யார் வந்தாலும் உணவளிப்பது மனித நேயக்கடமை .அவர் இனம் என்ன மொழியென்ன, தேசமென்ன இதெல்லாம் ஆராயக்கூடாது
அடுத்து ஒரு மனிதனை நல்லவனா தீயவனா   இறை அருளுக்கு உரியவனா என்பதெல்லாம் தீர்மானிக்கும் உரிமை படைத்த ஏக இறைவனுக்கு  மட்டுமே உரியது .படைப்புகளான நமக்கு அந்த தகுதி கிடையாது   
இந்த நிகழ்வு பற்றி பலமுறை பலரும் கேட்டு, படித்து இருக்கலாம். நல்ல செய்திகளை எத்தனை முறை படித்தாலும் நல்லதுதான் 

கற்பனைக்கதையும் வரலாற்று நிகழ்வும் நமக்கு கற்பிக்கும் பாடம் இதுதான்
மக்கள் சேவையே இறைவன் சேவை
இதை முழுமையாக உணர்ந்து செயல்பட்டால் பல குழப்பங்கள் சண்டை சச்சரவுகள் போர்கள் நீங்கி வீடும் நாடும் உலகும் அமைதிப்பூங்காவாக மாறும்
மீண்டும் அடுத்த பகுதியில் சந்திப்போம்

வலைநூல் முகவரி
sherfuddinp.blogspot.com

B F W 14072019 sun








Saturday, 13 July 2019

English 51 CHICKEN GAME-







CHICKEN GAME

What is it ?

Chicken Game is dangerous game in which  two drivers drive towards each other in a collision course.

One must swerve or both may die in the crash

If one swerves and the other does not the driver who swerved is called a CHICKEN           meaning     Coward

This term is used by media to describe the confrontation between US and Iran



B F W 13072019 Wed