ENGLISH -Crash

 It is a 5 lettered word, starts with C, and contains one vowel.

It has got 2 DIFFERENT meanings

One is crack

What is that word?

I have got the following answers

Crack, (Raviraj) break , (AR Viswanthan )

Crazy ( Yoga Naik)Crash (Ashraf Hameeda)

Crack cannot be the answer ; in clue the word is given

Break – has two vowels . So that is eliminated

Crazy doesn’t have 2 meanings to my knowledge

Crash matches with the clues

Congratulations

and Greetings to Ms. Ashraf Hamedaa

Thanks to all those who attempted

What I had in mind was a different one. Which I will put later

07062021mon

SherfuddinP

Like

Comment

Share

களவு -kleptomania

 களவு

களவியல் ,கற்பியல் என்று பண்டை இலக்கியம் பற்றிச் சொல்ல நான் வரவில்லை

பிறர் பொருளை அவர்கள் அறியாமல் எடுத்துக்கொள்ளும் திருட்டைத்தான் களவு என்று குறிப்பிடுகிறேன்

பணம், நகை சொத்து என எல்லாவற்றையும் திருடுவது அவை எதாவது ஒரு வகையில் திருடுபவருக்குப் பயன் தரும்

இதிலிருந்து மாறுபட்ட திருட்டு ஓன்று இருக்கிறது

ஒரு திரைப்படத்தில் ஊர்வசி கமலிடம் புலம்புவார்

“எனக்கு ஒரு பாட்டி இருக்கிறார். எதைப்பார்த்தாலும் திருடுவார் . தூங்கிக் கொண்டிருந்த ஒருவரின் பல் செட்டைக் கூடத் திருடி விட்டார் “ என்று

இப்படி எந்த விதமான பயனும் இல்லாமல் திருடுவது ஒரு உளவியல் பிரச்சினை, நோய்

“கண்களால் கைது செய் “ பட நாயகன் –பெரிய செல்வந்தர் இந்தப் நோய் உள்ளவராய் இருப்பார்

பாரதி ராஜா , சுஜாதா இணைந்த இப்படம் பாரதி ராஜா படம் மாதிரியும் இல்லை சுஜாதா கதைப்படம் மாதிரியும் இல்லை என்று கருத்துச் சொல்லப்பட்டது

க்லேப்டோமேனியா (kleptomania ) என்று சொல்லப்படும் இது பற்றி சில செய்திகளைப் பார்ப்போம்

Kleptomania is the inability to resist the urge to steal items, usually for reasons other than personal use or financial gain

`எந்த விதப் பயனுமில்லாமல் திருடத் தோன்றும் கட்டுப்பாடற்ற மன அரிப்பு “

சுருக்கமாக “ பயனற்ற திருட்டு “ என்று சொல்லலாம்

உற்றார் உறவினர்கள் , நட்புகள் விலகிப்போய் நீண்ட காலம் தனிமையில் இருக்கும்போதுதான் இது போல் உளவியல் நோய்கள் தாக்குவதாய்ச் சொல்கிறார்கள்

இந்த நோய் பாதித்த ஒருவர் பற்றி சுருக்கமாகப் பார்ப்போம்

இருபது வயது இளைஞர் ,உடன் பணி புரியும் ஒருவரின் பேனாவை எடுத்து வைத்துக்கொள்கிறார் . இதுதான் அவரது முதல் திருட்டு, .அந்தப்பேனாவை அவர் பயன்படுத்தவே இல்லை .

அடுத்து தான் பணிபுரியும் இடத்தில் இருந்த ஒரு stapler ஐ எடுத்து வைத்துக்கொள்கிறார்

இப்படியே ஒன்பது ஆண்டுகளில் பென்சில்,ரப்பர் , பென்சில் சீவி, குண்டூசி , குறிப்புப் புத்தகங்கள், பேப்பர் கிளிப் என ஒரு பெரிய குவியலாக சேர்ந்து விட்ட பொருட்கள் எதையும் அவர் பயன் படுத்தியது இல்லை

“ஒவ்வொரு விடியலும் எனக்கு ஒரு வேதனயாக இருக்கும் . -இன்று எங்கு எதைத் திருடி யாரிடம் மாட்டிக்கொண்டு மானமும் உயிரும் போகும் நிலை வருமோ - என்ற எண்ணம் வாட்டி வதைக்கும் “

இறுதியாக அவர் அலுவலக மேலாளர் அறையிலிருந்து இரண்டு விலை உயர்ந்த பேனாக்கள் காணாமல் போக, cctv footageல் அது பதிவானதால் மாட்டிக்கொண்டார்

தாங்க முடியாத அவமானம் . நண்பர்கள் , குடும்பத்தினர் எல்லோரும் இவரை ஒதுக்கி வைத்து விட்டார்கள்

பிறகு பதினெட்டு மாதம் உளவியல் சிகிச்சை . கடந்த ஏழு ஆண்டுகளாக அவர் எதையும் திருடவில்லை இருந்தாலும் கட்டுப்பாட்டை மீறி விடுவோமோ என்ற ஒரு அச்சம் அவரை வாட்டிக்கொண்டே இருக்கிறது

சில மருந்துகள் இதைக் குணப்படுத்தும் என்கின்றார்கள் . ஆனால் அந்த மருந்துகளே இந்த நோயை உண்டாக்கவும் செய்யும் என்றும் சொல்கிறார்கள்

வலுவான குடும்ப அமைப்பு, பெற்றோர் அரவணைப்பு ,கண்காணிப்பு இல்லாததே பல உளவியல் நோய்களுக்கு அடிப்படைக் காரணமாக சொல்லப்படுகிறது

மேல் நாடுகளில் இருந்து நம் நாட்டிலும் இந்தப் பிரச்சினை வேகமாகப் பரவி வருகிறது

தாய் தந்தை இருவரும் வேலைக்குப்போவது,

பெற்றோர் அரவணைப்பு இல்லாததை ஈடு கட்ட பிள்ளைகளுக்கு நிறைய பணம் கொடுப்பது , பெரும்பாலும் ஒரு பிள்ளை போதும் என்ற மனப்பாங்கு நீதி ,நேர்மை ஒழுக்கம் மனிதத்தனம் இவற்றை மறந்த பொருள் சார்ந்த ஒரு கலாச்சாரம் என்று பல காரணங்களை சொல்லிகொண்டே போகலாம்

இறைவன் நாடினால் இவைகள் பற்றி சிறிது விளக்கமாக எப்போதாவது பார்ப்போம்

மீண்டும் சிந்திப்போம் இறைவன் நாடினால்

05062021sat

Sherfuddin P

Like

Comment

Share

குரான் - ரசூல் ,நபி

 ரசூல் ,நபி

-----மூஸா ரசூலாகவும் நபியாகவும் இருந்தார் (குரான் 19:51)

ரசூல், நபி- என்ன வேறுபாடு ?

விடை காணும் முன்பு இரு சொற்களின் பொருளைப் பார்ப்போம் :

ரசூல் – என்ற சொல்லுக்கு அனுப்பப்பட்டவர் என்று பொருள் .

குர்ஆனில் இந்த சொல்

சிறப்புப்பணியில் இறைவனால் அனுப்பபட்ட வானவர்கள் .

இறைவனின் செய்தியை மனித குலத்துக்கு கொண்டு வந்த மனிதர்கள் இருவரையும் குறிக்கிறது

நபி என்ற சொல்

செய்தி கொண்டு வருபவர்,

மிக உயர்ந்த நிலையில் இருப்பவர்,

நேர்வழி காண்பிப்பவர் என மூன்று பொருட்கள் கொண்டது

குர்ஆனில் இந்த இரண்டு சொற்களும் மிகத் தெளிவாக பொருள் பிரித்துப் பயன் படுத்தப்படவில்லை

ஒருவரையே ஒரு இடத்தில் ரசூல் என்றும் ,இன்னொரு இடத்தில் நபி என்றும் குறிப்பிடுகிறது,

ஒருவருக்கே இரண்டு சொற்களும் ஒன்றாக பயன்படுவதும் உண்டு

ஆனால் இரண்டுக்கும் உள்ள வேறுபாடு என்ன என்பது தெளிவாகக் குறிப்பிடாவிட்டாலும் இரண்டும் வேறு பொருள் கொண்டவை என்பது போல் வருகிறது

தெளிவாக இருக்கும் ஒரே செய்தி –

எல்லா ரசூல்களும் நபிகள்

ஆனால் எல்லா நபியும் ரசூல் இல்லை

நபியை விட ரசூலுக்கு பொறுப்புகள் அதிகம்

“இவ்வுலகுக்கு அனுப்பப்பட்ட ரசூல்களின் எண்ணிக்கை

313/315

நபிகளின் எண்ணிக்கை 1,24.000”

என்ற நபி மொழி இதைத் தெளிவாக்குகிறது

குர்ஆனில் பெயர் இடம்பெறும் 25 நபி மார்களில் இறைமறை அருளப்பட்டஐந்து நபிகள்--- நுஹ்,, இப்ராகிம். மூஸா , ஈசா , முஹம்மது (ஸல்) ஆகியோர் உலுல் அஸ்ம்(Ulul Azm)என்ற சிறப்புப் பெயருடன் ரசூல்கள் என்று சொல்லப்ப்படுகிறார்கள்

ஆனால் சபூர் வேதம் அருளப்பட்ட நபி தாவூத் ரசூலா என்ற தெளிவு இல்லை .

நுஹ், இப்ராஹீம் நபிகளுக்கு வழங்கப்பட்ட வேதம் பற்றி செய்தி இல்லை

உலுல் அஸ்ம்(Ulul Azm) என்ற சொல் குர்ஆனில் (46:35) ல் "(நபியே!) நம் தூதர்களில் திடசித்தமுடையவர்கள் பொறுமையாக இருந்தது போல், நீரும் பொறுமையுடன் இருப்பீராக!” என்ற வசனத்தில் திட சித்தமுடையவர்கள் என்ற பொருளில் வருகிறது

42 : 13நூஹுக்கு எதனை அவன் உபதேசித்தானோ, அதனையே உங்களுக்கும் அவன் மார்க்கமாக்கியிருக்கின்றான். ஆகவே (நபியே) நாம் உமக்கு வஹீ மூலம் அறிவிப்பதும், இப்றாஹீமுக்கும், மூஸாவுக்கும், ஈஸாவுக்கும் நாம் உபதேசித்ததும் என்னவென்றால்; "நீங்கள் (அனைவரும்) சன்மார்க்கத்தை நிலை நிறுத்துங்கள், நீங்கள் அதில் பிரிந்து விடாதீர்கள்' என்பதே

33:7(நபியே! நம் கட்டளைகளை எடுத்துக் கூறுமாறு) நபிமார்(கள் அனைவர்)களிடமும், (சிறப்பாக) உம்மிடமும்; நூஹு, இப்ராஹீம், மூஸா, மர்யமுடைய குமாரர் ஈஸா ஆகியோரிடமும் வாக்குறுதி வாங்கிய போது, மிக்க உறுதியான வாக்குறுதியையே அவர்களிடம் நாம் வாங்கினோம்

எனவே தெளிவாக இருக்கும் ஒரே செய்தி

எல்லா ரசூல்களும் நபிகள்

ஆனால் எல்லா நபியும் ரசூல் இல்லை

நபியை விட ரசூலுக்கு பொறுப்புகள் அதிகம் .

மற்றபடி ரசூல் , நபி இரண்டுக்கும் பெரிய வேறுபாடு எதுவும் இருப்பதாய்த் தெரியவில்லை

(source- Towards understanding Quran, Wikipedia)

சரியான விடை அனுப்பி பாராட்டுப்பெறுவோர் சகோ அஷ்ரப் ஹமீதா, சிராஜுதீன், யோக நாயக்

ஐயம் தீர்த்த சகோ தல்லத்துக்கு நன்றி வாழ்த்துகள்

முயற்சித்த அனைவருக்கும் நன்றி

இறைவன் நாடினால் மீண்டும் சிந்திப்போம்

04062021fri

Sherfuddin P

Like

Comment

Share

தமிழ் - லோராண்டி

 “லோராண்டி”

தன் பிள்ளைக்கு "லோராண்டி " என்று பெயர் வைத்தால் அவர் எந்த நாட்டுக்காரர்?

இலங்கை, இத்தாலி, பிரான்ஸ் , தென் ஆப்ரிக்கா என பல விடைகள் அனுப்பிய அனைவருக்கும் நன்றி

ஆனால்

அவர் தமிழ் நாட்டில் வசிக்கும் தமிழர், தமிழ்ப் பற்று உடையவர் என்பதே சரியான விடை

விளக்கம் கீழே

என்னப்பா உன் மகனுக்கு லோராண்டி என்று பேரா? இது வரை கேள்விப்படாத பேராக இருக்கிறதே

என்ன அப்படிச் சொல்லிட்டீங்க .

“நந்த வனத்தி

லோராண்டி

அவன் நாலாறு மாதமாய் குயவனை வேண்டி ------------ “

என்ற பிரபலமான சித்தர் பாடலில் வரும் பெயர் அது

இது போல் சொற்களைத் தவறாகப் பிரித்தல்,சேர்த்தல் ,சந்திப்பிழை ,வல்லின மெல்லின வேறுபாடுகள் , ஆங்கிலம் தமிழ் குழப்பம் என பலவற்றால் பொருள் மாறி சில நகைச்சுவையாகவும் சில வேறு மாதிரியாகவும் வருகின்றன

அது போல் நான் படித்தவை, பார்த்தவை ,கேட்டவை மனதில் தோன்றியவற்றில் சிலதை உங்களோடு பகிர்ந்து கொள்கிறேன்

“அவர் ஊக்குவிக்கும் பேச்சாளர் “

ஒரு டசன் என்ன விலை ?

“மகிழ்ச்சியில் பூரித்துப் போனார் “

அப்போ கவலையில் சப்பாத்தித்துப் போவாரா ?

“இறும்பூது எய்தினார் “

ஏன் செம்பு வெள்ளி தங்கம் ஏதும் கிடைக்கவில்லையா

“அங்கு ஈ காக்கயைக் காணோம் .ஒரே ஒரு பேன் மட்டும் ஓடிக்கொண்டிருந்தது “

பேன் fan

“என்ன எல்லோரும் கூட்டத்துக்கு பாத்திரம் கொண்டு வந்திருக்கிறார்களே ஏன்?

சீதாராம் கேசரி வருகிறார் என்பது சீதாராம் கேசரி தருகிறார் என்று பிரிண்ட் ஆகி விட்டது “

“தூத்துக்குடி போனியே முத்துக் குளிக்கிறதைப் பார்த்தியா ?”

எனக்கு மற்றவர்கள் குளிப்பதைப் பார்க்கும் பழக்கம் இல்லை

“மங்கிபாத்குக்கு எட்டு கொடி செலவு “

குரங்கு குளிக்க கோடிக்கணக்கில் செலவா ?

“உங்க கிட்னி பெயில் ஆயிருச்சு “

கிட்னியை படிக்க வைக்கவே இல்லையே பின் எப்படி பெயில் ஆச்சு

வாஸ்கோடகாமா இப்ப இருந்தால் அவர் பெயர் என்ன தெர்யுமா ?

“இஸ்கோட காமா “

தினமும் ஒரு பச்சை முட்டை சாப்பிடனுமா –முடியாது டாக்டர்

எங்க வீட்டுக் கோழி வெள்ளை முட்டைதான் இடும்

நான்தான் உங்களுக்கு கால் ஆப்பரேஷன் பண்ணப்போற டாக்டர்

“அப்போ மீதி முக்கால் ஆப்பரஷன் யார் பண்ணுவார்கள் “

ஒரு தலைக்குக் கட்டிங் பண்ணால் ஒன்பது தலைக்கு இலவசம் என்று போட்டிருந்ததே .போய்க் கேட்டாயா ?

கேட்டேன் ,பத்துத் தலயும் ஒரே உடம்பில் இருக்கனுமாம்

இன்ஸ்பெக்டர் இன்டர்நெட் பைத்தியம் போலிருக்கிறது

குற்றவாளியை கூகிள் சர்ச்சில் தேடிக்கொண்டிருக்கிறார்

“பின் தூங்கி முன் எழுவாள் பத்தினி”

அதெப்படிங்க உங்க முதுகுக்குப் பின்னால் தூங்கி உங்கள் முகத்துக்கு முன்னால் எந்திரிக்க முடியும் ?

ஐயா சாப்பாட்டைப் பாத்து நாலு நாள் ஆச்சு

கொஞ்சம் பொறு

நான் இப்ப சாப்பிடபோறேன் ,

பாத்துட்டுப்போ

மாடியில் கிளினிக் வைத்து

மேலே போகும் வழி என்று போர்ட் வைத்தால் எப்படி

பேஷண்ட்ஸ் வருவாங்க ?

குடி போதையில் கிணற்றில் விழுந்து கிடந்தவன் சொன்னான்

ஆல் இஸ் வெல்

கழுத்து சுளுக்குக்கு படியில் விளக்கெண்ணை தடவி தலை வைத்துப் படுக்கச் சொன்னேனே , சுளுக்கு சரியாகிவிட்டதா ?

சுளுக்கு சரியாகவில்லை . மேற்கொண்டு வீட்டில் எல்லோரும் படியில் வழுக்கி விழுந்ததுதான் மிச்சம்

வெங்காய வேனும் பெருங்காய வேனும் மோதியதில் வெங்காய வேன் வெங்கய்யவுக்குப் பெருங்காயம்

“முகமது சந்திர பிம்பமே”

அவரு எங்க இங்க வந்தாரு ?

நிறைவாக ஒரு புலவர் காளமேகம் பாடலின் ஒரு பகுதி .நன்கு தெரிந்த எளிமையான பாடல்

“பூனைக்கி யாறுகால் புள்ளினத்துக் கொன்பதுகால்

ஆனைக்குக் கால்பதி னேழானதே –--“

பூனைக்கி(கு) ஆறு கால் புள்ளினத்துக்கு ஒன்பதுகால் ஆனைக்குக் கால் பதினேழ் ஆனதே காண் .:

:பூனைக்கு 6 கால், புள்-இனத்துக்கு 9 கால், யானைக்கு 17 கால் என்று இல்லாததைச் சொல்லி இருப்பதை உறுதிப்படுத்தியது.

பூ(ன்) நக்கி ஆறு கால் = பூ நக்கி உண்ணும் தேனீக்கு ஆறு கால்

புள்ளினத்துக்கு ஒன்பது கால் = பறவைக்கு இரண்டேகால் (9 x ¼ = 2¼)

ஆனைக்குக் கால் பதினேழ் ஆனதே = யானைக்கு நாலே கால் ஆனதே (17 x ¼ = 4¼)

முதலில் சொன்ன லோராண்டி பாடல் ஒரு மிகப் பெரிய தத்துவப் பாடல்

இறைவன் நாடினால் மீண்டும் சிந்திப்போம்

02062021 wed

.Sherfuddin P

Like

Comment

Share