குயிலே குயிலே குயிலக்கா

 

உங்களுக்குத் தெரியுமா ?

 

கூவும் குயிலை பெண்ணாக  உருவகப்படுத்தி கவிஞர்கள் நீதானா  அந்தக்குயில் என்றும் குயிலே குயிலே குயிலக்கா என்றும் பாடினாலும் இனிமையான குரலில் கூவுவது பெண் குயில் அல்ல ஆண்குயில்தான்  

 

போன வாரம  குயில் ஓசையைப் பதிவு செய்து வெளியிட்டிருந்தேன் . தொடர்ந்து பல நாட்கள் குயில் ஓசை மணிக்கணக்கில் ஒலித்தது ஒரு சிறிய பறவைக்கு இவ்வளவு  திறமையை திறனைக்கொடுத்த படைப்பின் அற்புதம், படைத்தவன் பெருமையை நினைத்து வியந்தேன்

 

அந்த வியப்பில் குயில் பற்றி மேலும் செய்திகளை வலையில் தேடினேன் . கிடைத்தவற்றில் சிலவற்றை உங்களுடன் பகிர்ந்து  கொள் கிறேன்

 

பெண் குயிலின் குரல் அவ்வளவு இனிமையாக இருக்காதாம் . கிக் கிக் என்று கத்துமாம் .அதிகாலையில் மட்டும் பெண்குயில் பாட அதைத் தொடர்ந்து ஆண் குயில் பாடுமாம்

மற்ற  நேரங்களில் ஆண்குயில் மட்டுமே கூவுமாம் . அதிலும் ஒரு ஒழுங்கு. துவக்கம் ஒரு தாழ்ந்த குரலில் பிறகு படிப்படியாக குரல் உயர்ந்து ஏழு எட்டு முறை ஒலித்து பிறகு ஒரு சிறிய ஒய்வு .பிறகு மீண்டும் தாழ்ந்த குரலில் துவக்கம்

 

எழு சுரங்களின் பிறப்பிடம் இதுதானோ

 

இன்னும் முதலில் ஒரு குயில் கூவ, அதன் எதிரொலி போல சற்றுத் தொலைவில் இருந்து இன்னொரு குயில் கூவ அதைத் தொடரந்து மூன்றாம் குயில் கூவ ஒரு இன்னிசை நிகழ்சியே நடக்குமாம் .

கேட்க முயற்சி செய்ய வேண்டும்

 

இவ்வளவு அழகாக் கூவும் குயில்  ஒரு கள்ளப் பறவை என்பது எல்லோருக்கும் தெரியும் முட்டை இடத் தெரிந்த குயிலுக்கு கூடு கட்ட, அடைக்காக்கத் தெரியாது  அதற்காக இனப்பெருக்கத்தை நிறுத்த முடியுமா ?

 

காக்கைக் கூட்டில் போய் குயில் முட்டை இடுமாம் . அதற்காக குயில் செய்யும் தந்திரங்கள் மீண்டும் நம்மை வியப்பில் ஆழ்த்துகின்றன

 

காக்கைகள எப்படிக் கூடு கட்டும் என்பது ஒரு தனிகதை ,. அது இப்போது வேண்டாம் .ஆண் குயிலும் பெண் குயிலும் சேர்ந்து நல்ல , பாதுகாப்பான காக்கைக் கூட்டைத் தேர்ந்தெடுக்குமாம்

 

அப்படிதேர்வு செய்த கூட்டில் இருந்து ஒரு முட்டையை ஆண்குயில் தூக்கிக் கொண்டு பறக்குமாம் . அதைத் துரத்திக்கொண்டு காக்கை போகும்போது பெண்குயில் அந்தக்கூட்டில் முட்டை இட்டு விடுமாம் . காக்கைக்கு முட்டையின் எண்ணிக்கையில் மாறுபாடு தெரியக்கூடாது என்பதற்காக தேவையான அளவு காக்கை முட்டையை கூட்டை விட்டு வெளியே தள்ளி விடுமாம் குயில்

 

பொறித்த புதிதில் குயில் குஞ்சின் குரலும் உருவமும் காக்கைக் குஞ்சு போலவே இருப்பதனால் தாய் காக்கை அதற்கும் சேர்த்து உணவூட்டுமாம்

 

இப்படி ஓவ்வொரு உயிரையும்  துல்லிதமாகப் படைத்த அந்த ஏக இறைவனை மீண்டும் மீண்டும் நினைக்காமல் இருக்க முடியவில்லை

 

நிறைவாக ஒரு சிறிய வினா

 

காக்கை பற்றி புனிதத் திருமறை குரான் சொல்லும் செய்தி என்ன ?

 

இதற்கான விடையுடன் இறைவன் நாடினால் நாளை சிந்திப்போம்

 

17092020thu

sherfuddinp.blogspot.com

Please support and subscribe my channel

My channel link : https://www.youtube.com/channel/UCyi4-LNhZc_24HdcEEgNvNA

 

 

 

 

 

தனி ஒருவனுக்கு --------

 

ஆடுவோமே பள்ளுப்பாடுவோமே என்று ஆடிப்பாடி மகிழ்ந்த பாரதி விடுதலைக் காற்றை நுகராமலே மறைந்து விட்டான்

இனியொரு விதி செய்வோம் அதை எந்நாளும் காப்போம்

தனியொருவனுக்கு உணவிலையெனில் ஜகத்தினை அழித்திடுவோம்

என்று அவன் பாடி நூறாண்டுக்கு மேலாகி விட்டது  

இன்னும் பாரதி சொன்ன விதியை நடைமுறைப்படுத்த முடியவில்லை

 

உணவைப்பார்த்து , அரிசியைப் பார்த்து பல நாட்களாகி விட்டன . பிஸ்கட்டும் தண்ணீரூம் மட்டுமே அவர்கள் உணவாக இருக்கிறது உணவில்லாமல் ஐந்து வயது குழந்தை உயிரையே விட்டுவிட்டது .

அக்கம்பக்கத்தில் உள்ளவர்கள் எதாவது கொடுத்தால்தான் எங்களுக்கு சாப்பாடு என்கிறார் அந்தக் குழந்தையின் தாய்

 

அதே பகுதியில் இன்னொரு வீட்டில் பதினாறு வயதுப்பெண்ணுக்கு குளுக்கோஸ் ஏறிக்கொண்டிருக்கிறது – என்ன நோய்? சரியான உணவின்மைதான்.

இந்தபஞ்சமும் பட்டினிச் சாவும் எங்கோ ஆப்ரிக்க நாடுகளில் இல்லை .பாருக்குள்ளே நல்ல நம் பாரத நாட்டில்தான்

 உலகப்புகழ் பெற்ற ,உலக அதிசயங்களில் ஒன்றான தாஜ்மஹால் இருக்கும் ஆக்ராவுக்கு அருகில்தான் இந்தத் துயரம் நடைபெற்றது

சிறிய அளவில் காலணிகள் உறபத்தி செய்து விற்பனை செய்வது அந்தப்பகுதியில் உள்ளவர்களுக்கு  தொழில்

ஊராடங்கால் தொழில் முடங்கி பிழைய்பு கெட்டுப்போய்விட்டது வேறு வருமானம் இல்லை . அரசு ஒன்றும் செய்யவில்லை

“ ஒரு இரண்டு வாரம் சிறிய வேலைகள் செய்து நானூறு ரூபாய் கிடைத்தது . அதுவும் ஒரு மாதம் முன்பு . .அந்தப்பணத்தில் அவ்வப்போது மூன்று, நான்கு ரூபாய்க்கு கொஞ்சம் பருப்பு வாங்கி, பொது விநியோகத்தில் கிடைக்கும் அரிசியோடு சேர்த்து கிச்சடி செய்து சாப்பிடுவோம். காய்கறி , பால், பழம் இதெல்லாம் பார்த்தே நீண்ட காலம் ஆகி விட்டது “ இது ஒரு குடும்பத் தலைவரின் கண்ணீர்க் கதை

மிக மிக அடிப்படைத் தேவையான உணவு கூட எல்லோருக்கும் கிடைக்கவில்லை . இதில் பறக்கும் தொடரி ,,  நேர்த்தி நகரங்கள்  , விண்வெளிப்பயணம்  என்றெல்லாம் பேச நமக்கு என்ன அருகதை இருக்கிறது ?

இதெற்கெல்லாம் மேல் ட்ரில்லியன் டாலர் பொருளாதாரத் திட்டம் வேறு

வாய்ச்சொல்லில் வீரரடி என்பதா!

நெஞ்சு பொறுக்கிதில்லையே  என்று புலம்புவதா !!

(Source The Hindu 14092020)

15092020tue

sherfuddinp.blogspot.com

 

Please support and subscribe my channel

My channel link : https://www.youtube.com/channel/UCyi4-LNhZc_24HdcEEgNvNA

 

 

 

letter U ENGLISH

 

Once in June, once in July and twice in August it occurs

What is it ?

13092020sun

sherfuddinp.blogspt.com

The answer is letter U

More than 10  correct  answers I have received.   Thanks, greetings and Congratulations to all those who responded – Names given below.

Riffaath         Parvez           Aathikka       Ajmeer Ali    M.Ibrahim                Panneer        Yacin              Meharaj        Ganesa Subramani            AR Viswanathan     Ashraf Hameeda    Shahe Anees             Faseehul Hasan D.Geetha

 

And I welcome all the new comers

Once again I clarify

This posting is not to test your knowledge or exhibit mine

To cultivate dictionary habit- that is the purpose  

14092020mion

sherfuddinp.blogspt.com

 

 

Please support and subscribe my channel

My channel link : https://www.youtube.com/channel/UCyi4-LNhZc_24HdcEEgNvNA

ட்ரிலியன்

 

மேல் மாநில  மக்கள் மிக மிகக் கொடுத்து வைத்தவர்கள்

ட்ரிலியன் டாலர் பொருளாதாரத் திட்டத்தை வகுத்திருக்கிறார் முதல்வர்

ட்ரிலியன்= பத்து லட்சம் x பத்து லட்சம்

அதாவது ஒரு லட்சம் கோடி டாலர்

மாநில மக்கள் தொகை இருபது கோடி என்று பார்த்தால் தலைக்கு ஐயாயிரம் டாலர் .= இந்திய ரூபாய் மூன்றரை லட்சம் 

 

இந்திய அரசு அறிவித்தது  இருபது லட்சம் கோடி ரூபாய்

அது நூற்றுமுப்பத்தி ஐந்து கோடி மக்களுக்கு –தலைக்கு பதினைந்தாயிரம் ரூபாய்

கணக்கு சரியா என்று பார்த்துகொள்ளுங்கள்

ஏற்கனவே எனக்கு கணக்கு சரியாக  வராது இதில் ட்ரிலியன் டாலர், இருபது லட்சம் கோடி – நினைக்கவே தலை சுற்றி மயக்கம் வருகிறது

(இந்த மயக்கம்தான் அவர்கள் எதிர்பார்ப்போ )

அதெல்லாம் போகட்டும் கொசுறு கொண்டைக்கடலை என்னாயிற்று ?

 

 

12092020sat

sherfuddinp.blogspot.com  

 

QUAIL

 

QUAIL

It is a word made of 5 letters out of which 3 are vowels

It Is a noun and verb

And in noun Ii is a bird

What is that word,?

06092020sun

sherfuddinp.blogspot.com

 

A mistake and omission in my yesterday’s posting

It         was printed as        li (And in noun it is a bird)

And I have not mentioned 3 different vowels

Whatever may be the valid reason a mistake is a mistake and omission is omission .I am sorry

In spite of these I received correct answer which I had thought

Quail

From M/ S Somesekar (immediate response) and Riffaath

Ms Aathikka came with the answer

Goose

Greetings and Congratulations

I got a reply Eagle also .I cannot find the verbal form for it

 

Quail              verb-             fear

Goose            verb              to increase the activity

 

Thanks to all those who responded

07092020

sherfuddinp.blogspot.com

 

பறவை ஒலி

மணிக்கணக்கில் ஒலி எழுப்பும் பறவை
பார்க்க முடியவில்லல
ஒலிப்பதிவு செய்ய நினைக்கும் போது ஓசை நின்று விடும்
மிகப்பொறுமையுடன் பதிவு செய்தேன்
பறவை பெயர் தெரிந்தால் சொல்லுங்கள்

Also please support and subscribe my channel

My channel link : https://www.youtube.com/channel/UCyi4-LNhZc_24HdcEEgNvNA

02092020wed

sherfuddinp.blogspot.com

விஞ்ஞானக் கனவுகள்

மாணவப் பருவம் –பள்ளியா கல்லூரியா – நினைவில்லை

நீ பிற்காலத்தில் என்னவாக விரும்புகிறாய் என்று கரீம் அண்ணன் கேட்டது.

ஒரு விஞ்ஞானி ஆவது என் விருப்பம் என்று சொன்னேன்

தனக்கே உரிய நகைச்சுவை கலந்த கிண்டலுடன் கரீம் அண்ணன் பலரிடம் இதை சொல்லி மகிழ்ந்தது

புகுமுக வகுப்பில் நல்ல மதிப்பெண்கள்தான். இருந்தாலும் வயது மூன்று மாதம் குறைவாக இருந்ததால் மருத்துவம் படிக்க முடியவில்லை

புகுமுக வகுப்பு படித்த அதே பொள்ளாச்சி ந ம கல்லூரியில் வேதியியல் பட்டப்படிப்பில் சேர்ந்தேன்

அந்தக் கல்லூரியின் சிறப்பான ஆசிரியர் குழு பற்றி நான் ஏற்கனவே எழுதியிருக்கிறேன் .நானும் நன்றாக ஒரு ஈடுபாடோடு படித்தேன்

முதலாம் ஆண்டு படிப்பு முடிவதற்குள் அத்தாவுக்கு வேலூர், சில மாதங்கள் பின் திருநெல்வேலி இடமாற்றம்

நெல்லை ம தி தா இ கல்லூரியில் இரண்டு மூன்றாம் ஆண்டுப் படிப்பு இந்த மாற்றம் என் படிப்பையும் உற்சாகத்தையும் நிறையவே  பாதிதது  ஒரு வழியாக நல்ல மதிப்பெண்களுடன் பட்டப்படிப்பு நிறைவுற்றது

பிறகு வேலை தேடும் படலம் ஒரு ஆண்டு . நூறு வேலைகளுக்கு எழுதிப்போட்டிருப்பேன்

காரைக்குடி மைய மின் வேதியியல் ஆராய்சிக் கழகம் (Central Electro Chemical Research Institute  சுருக்கமாக  CECRI ) இங்கிருந்து எழுத்து, நேர்முகத்தேர்வுக்கு அழைப்பு வந்தது . சில நாட்கள் முன்னதாகவே காரைக்குடியில்  மும்தாஜ் அக்கா வீட்டுக்குப்போய் விட்டேன் ரஹீம் அண்ணன் செக்ரியில் பணி புரியும் நண்பர் கமால் என்பவருக்கு என்னை அறிமுகப்படுத்தியது

ஜனாப் கமால் தேர்வு முறை, நேர்முகம் பற்றியெல்லாம் விரிவாக எடுத்துச் சொன்னார்

எழுத்துத் தேர்வு முடிந்து அதில் தகுதி பெற்றவர்களுக்கு அன்றே நேர்முகம்

நான்கு வேதியியல் அறிஞர்கள் முழுக்க முழுக்க வேதியியல் பற்றியே வினாக்கள் கேட்டார்கள்

சில நாட்களில் பட்டதாரி பயிற்சியாளர் வேலைக்கான பணி நியமன ஆணை வந்தது

அத்தா காரைக்குடியில் பணியாற்றியபோது நான் ஏழு எட்டாம் வகுப்பு படித்துக்கொண்டிருந்தேன், . காரைக்குடி அழகப்பா பொறியியல் கல்லூரியில் ஐந்து ஆண்டுகளுக்கு ஒரு முறை அறிவியல் கண்காட்சி நடக்கும்

மிகப்பல பிரிவுகளாக இருக்கும் அந்தக்கண்காட்சியை முழுமையாகப் பார்க்க பல நாட்கள் ஆகும். ஒரு முறை அனுமதி சீட்டு வாங்கி விட்டால் அதை வைத்தே மறுபடி போய் பார்க்காத பிரிவுகளைப் பார்த்து வரலாம் பொறிஇயல்  மாணவர்கள் நடத்தும் இந்தக் கண்காட்சி நல்ல பொழுதுபோக்காகவும் அறிவை வளர்ப்பதாகவும் இருக்கும

அந்தக் கண்காட்சிக்குப் போகும்போது செக்ரியைப் பார்த்து வியந்ததுண்டு

அதே செக்ரியில் பணி புரியும் வாய்ப்பு இறைவன் அருளால் கிடைத்தது

மும்தாஜ் அக்கா வீட்டில் தங்கி ரஹீம் அண்ணன்வாங்கிக் கொடுத்த  மிதி வண்டியில் போய் வருவேன்

மிகப் பரந்து விரிந்த வளாகம் (முன்னூறு ஏக்கர் )

பல்லாயிரக்கணக்கான நூல்கள் கொண்ட பெரிய நூலகம் கல்லூரி ஆய்வகம் போன்ற பணியிடம் இதெல்லாம் எனக்கு மிகவும் பிடித்திருந்தது

.மின்.கரிம வேதியியல் பிரிவில் எனக்குப் பணி திரு அனந்தராமன் எனக்கு மேலதிகாரி .தங்கவேல், சுப்பையா, திருநாவுக்கரசு, பூராசாமி( புதுச்சேரியை சேர்ந்த இவரது பெயர் பிரெஞ்சுமொழி எழுத்தமைப்பில் Pourasamy என்று வரும்) இவர்கள் அந்தத் துறையில் பணியாற்றியவர்கள் .

அணிலின் என்ற கரிம வேதியியல் பொருள் பற்றி ஆராய்ச்சி வேலைப்பளு பெரிதாக ஒன்றும் இருக்காது

கல்லூரியில் இயற்பியல் தராசு (Physical Balance) பார்த்த நான் அங்கு வேதியியல் தராசைப் பார்த்தேன் , பயன்படுத்தவும் கற்றுக்கொண்டேன்

கல்லூரி வாழ்க்கையின் நீட்சி போல்தான் இருந்தது இந்தப்பணி. மாதம் ஒரு முறை அங்குள்ள பெரிய அரங்கத்தில் ஆராய்ச்சிப் பணிகள் பற்றிய அறிக்கைகள் வாசிக்கப்படும் ( ஒன்றும் புரியாது )

மாதம் ஒரு தமிழ் திரைப்படம் போடுவார்கள் கட்டணம் இரண்டு அணா (பனிரெண்டுகாசு) என நினவு , அதையும் சம்பளத்தில் பிடித்துக்கொள்வர்கள்

மாதம் நூற்றி ஐமபது ரூபாய் ஊதியம் எனக்கு

பணியாளர் ஒருவர் நடத்திய  ஜெர்மன் மொழி வகுப்பிலும் சேர்ந்து படித்தேன்

செக்ரி போன்ற ஆராய்ச்சி நிறுவனங்களில் பணி புரிபவர்கள் தங்கள் கல்வித் தகுதியை மேம்படுத்திக்கொள்ள Potters Exam  என்ற தேர்வு நடக்கும் இதில் தேறினால் முது நிலைப் பட்டம் பெற்றது போன்று என்று சொல்வார்கள்

அதற்கும் ஆயதம் செய்தேன்

ஆனால் இறைவன் நாட்டம் வேறு விதமாக இருந்தது 

மூன்றே மாதம்தான் கனரா வங்கி நெல்லைக்கிளையில் பணி கிடைக்க ,வங்கிப்பணி என்பது கிடைக்காத ஓன்று என்று பேசப்பட ஒரு  விஞ்ஞானக் கனவு நனவாகாமல் போனது

என்ன செய்வது கனவு மெய்ப்பட வாய்ப்பு கிடைத்தும் அதை விட்டு வந்தது இறைவன் நாட்டம் என்றுதான் சொல்லிக்கொள்ள வேண்டும்

மூன்று மாத காரைக்குடி மறு வாழ்வு- சில நினைவலைகள்

மும்தாஜ் அக்கா வீட்டில் தங்கியிருந்தேன் .அக்காவின் அன்பும், அண்ணனின் முரட்டுத்தனமான பாசமும் அண்ணனின் அம்மாவின் உபசரிப்பும் எங்கள் வீட்டில் இருப்பது போலவே உணர வைத்தது ராஜாவும் சாலிகாவும் குழந்தைகள்.

மதிய உணவு எடுத்துக்கொண்டு மிதி வண்டியில் போவது எங்கள் வீட்டிலிருந்து கல்லூரிக்குப் போவது போலவே இருந்தது

அழகப்பா கல்லூரியில் பொருளாதார விரிவுரையாளராகப் பணியாற்றிய  ரஹீம் அண்ணனிடம் நான் கண்டு வியந்தவை-( ஆனால் கற்றுக்கொள்ளதவை)

 கலகலப்பான பேச்சு, ஆழ்ந்த அறிவு , நினைவுத்திறன்,, சிக்கனம், பண மேலாண்மை பிறருக்கு உதவும் மனம், எல்லாவற்றிற்கும் மேலாக உடல் உழைப்பு

அக்கா வீட்டுத் தோட்டத்தில் இருக்கும் ஒவ்வொரு செடியும் அண்ணனின் உழைப்புக்கு சான்று சொல்லும். கிணற்றில் நீர் இறைத்து  இரண்டு பெரிய வாளிகளில் கொண்டு போய் செடிகளுக்கு ஊற்றுவதைப் பார்க்கும்போது  இவ்வளவு சிரமம் தேவையா என்று தோன்றும்

வீட்டில் பால் மாடு இருந்ததாய் ஒரு நினவு

ஒரு துணிக்கடையும் வைத்திருந்தது

புயல்ராசன் என்று ஒரு பள்ளி மாணவன் – அவனுக்கு நான் வீட்டில் பாடம் சொல்லிக்கொடுக்க சிறிய கட்டணத்துடன் அண்ணன் ஏற்பாடு செய்திருந்தது . அவனுக்கு நகைச்சுவை உணர்வு அதிகம் தொலை தூரத்தில் யாராவது பேசுவது காதில் விழுந்து , வாய்விட்டுச் சிரிப்பான். அந்த அளவுக்கு படிப்பில் கவனம் இருக்காது

ஒரு நாள் மாலை ஈனா கடைக்கு பீ மூ மாமாவைப் பார்க்கப் போயிருந்தேன் . இரவு ஒரு உணவு விடுதிக்குப் போனோம் .அங்கு மேலாளராக இருந்த தாவண்ணா பெரியத்தாவின்  அன்பான உபசரிப்பால் திக்குமுக்காடிப்போனேன் ஆனால் கூச்சத்தில் சங்கடமாக உணர்ந்தேன்

நிறைய திரைப்படங்களுக்கு அண்ணனுடன் போயிருக்கிறேன்

பெரியத்தா மகன்அஜ்மல்  நான் அக்கா வீட்டில் இருக்கும்போது ஒரு முறை வந்தார்

செக்ரியில்  பணி புரிபவகளுக்கு அங்கேயே குடியிருப்பு வசதி,, மையப் பள்ளி , கூட்டுறவுப் பண்டகசாலை என எல்லா வசதிகளும் உண்டு. அமைதியான வாழ்க்கை .

காரைக்குடி பற்றி ஏற்கனவே மிக விரிவாக எழுதியிருக்கிரேன் இது இரண்டாம் முறை எனவே இத்துடன் நிறைவு செய்கிறேன்

இறைவன் நாடினால் மீண்டும் சிந்திப்போம்

01092020tue

sherfuddinp.blogspot.com

.