கதைப்பயணம் 3 சில நேரங்களில் சில மனிதர்கள்

வங்கி மேலாளர்களுக்கு மாற்றலாகிப்போகும் இடங்களில் எல்லாம் வங்கி குடியிருப்பு(Quarters) வசதி செய்து கொடுக்கும்

ஆனால் எனக்கென்னவோ பெரும்பாலான இடங்களில் நான் போய்தான் ஒரு நல்ல வீட்டைத் தேடிக்கண்டுபிடித்து அதை வங்கிக்குடியிருப்பாக பதிவு செய்வது போல் அமையும்

ஒரு ஊரில் வங்கிக்கு அருகிலேயே ஓரளவு நல்ல வசதியான குடியிருப்பு இருந்தது. அதன் உரிமையாளர் வங்கி கொடுத்ததை விட அதிக வாடகை வரும்படி வேறொரு அரசு  அலுவலருக்குக் கொடுக்க எண்ணி வங்கியுடன உள்ள ஒப்பந்தத்தை நான் அந்த ஊருக்குப் போகுமுன்பு முறித்து விட்டார்.

நான் அந்த ஊருக்குப்போய் நல்ல வீடு ஓன்று பார்த்து அதைக்குடியிருப்பாக பதிவு செய்தேன்.

வங்கி விதிகளுக்கு உட்பட்டு நான் பேசிய வாடகைத் தொகையைக் கேட்டு அந்த பழைய குடியிருப்பு உரிமையாளர் ஒரு பெருமூச்சோடு

இவ்வளவு வாடகை என்றால் நான் உங்களுக்கே கொடுத்திருப்பேனே என்றார் .

நீங்கள் இதைப்பற்றி என்னிடம் எதுவுமே பேசவில்லையே என்று நான் பதிலுரைக்க

ச்சே பழைய மேனேஜர் எனக்கு சரியான தகவல் சொல்லாமல் விட்டு விட்டார் என்று அங்கலாய்த்தார்  

அந்தப்பழைய குடியிருப்பு சில அரசு நடைமுறைகளால் ஓராண்டுக்கு மேலாக யாரும் குடிவராமல் வாடகை இல்லாமல் பூட்டியே கிடந்தது.

பேராசை பெரு இழப்பு

என்னைப்பார்க்கும் போதெல்லாம் புலம்பித்தள்ளுவார் அந்த உரிமையாளர்..

இதே கிளையில் இன்னும் சில நிகழ்வுகள்:

ஒரு நல்ல வாடிக்கையாளர். அந்த ஊரின் பல நிறுவனங்களின் உரிமையாளர் .தன் நகையை தன் ஊழியர் ஒருவரின் பெயரில் வங்கியில் அடகு வைத்துப் பணம் வாங்கினார்.

அந்த ஊழியர் தன் குடும்பப்பிரச்சனையால் ஒரு இரவில் யாருக்கும் தெரியாமல் ஊரை விட்டுப் போய்விட்டார்.

அவர் கையெழுத்துப் போட்டால்தான்  நகையை திருப்ப முடியும். அந்த நல்ல வாடிக்கையாளர் ஒருநாள் என்னிடம் அந்த நகைக்குப் பணம் கட்டி விடுகிறேன்,, நகையைக் கொடுத்து விடுங்கள் என்று சொன்னார் .

இதன் பின்புலம் எல்லாம் தெரியாத நான், பணம் கட்டினால் நகையைக் கொடுத்து விடலாம் என்று சொன்னேன்.

அடுத்தநாள் அந்த வாடிக்கையாளரின் ஊழியர் ஒருவர்  வங்கிக்கு வந்து பணம் கட்டி விட்டு நகையை வாங்கக் காத்திருந்தார். .என்ன நகை வைத்தீர்கள் என்று வழக்கமான கேள்வியை நான் அவரிடம் கேட்க அதெல்லாம் எனக்குத் தெரியாது .எங்கள் உரிமையாளர் பணத்தைக்கட்டி நகையை வாங்கி வரும்படி சொன்னார் , இது பற்றி ஏற்கனவே உங்களிடம் சொல்லிவிடாராமே என்றார். உங்கள் பெயர் என்ன என்று கேட்டேன், அவர் சொன்னது நகை வைத்தவரின் பெயரில்லாமல் வேறு பேராக இருந்தது.

நகை வைத்தவர் எங்கே என்று கேட்டேன். அவர்தான் ஊரை விட்டுப்போய்விட்டாரே என்றார்.

நான் அந்த வாடிக்கையாளரை தொலைபேசியில் தொடர்பு கொண்டு பேசினேன். இது என்ன குழப்பம் என்று கேட்டேன். குழப்பம் இருப்பதால்தான் உங்களிடம் சொன்னேன். பணம் கட்டினால் நகையைத் தருவதாய் நீங்கள் ஒத்துக்கொண்டீர்களே என்றார்

இந்த வரலாறு எல்லாம் எனக்குத் தெரியாது நீங்களும் ஒன்றும் விளக்கமாக சொல்லவில்லை என்றேன்.

இப்போது நான் அனுப்பிய ஊழியரிடம் நகையைக் கொடுக்க முடியாதா, அது என் நகைதான் என்றார்.

சரி நீங்கள் ஒரு நல்ல வாடிக்கையாளர் என்பதால் ஒரு சிறிய விதி மீறல் செய்து நகையைக் கொடுத்து விடுகிறேன் , நீங்கள் ஒரு சாட்சிக் கையெழுத்துப் போட்டு விடுங்கள் என்றேன்,.

ஐய்யையோ நான் எப்படி சாட்சி போட முடியும் என்றார் .அப்படிஎன்றால் நானும் நகையைத் தர முடியாது என்றேன்.

அப்போ நகையை ஏலம் விடுங்கள் நான் யாரையாவது வைத்து வாங்கிக்கொள்கிறேன் என்றார்.

நகைக்கடன் முழுதும் கட்டிவிட்டீர்கள் , வங்கிக்கு வர வேண்டிய தொகை எதுவும் இல்லை .எனவே ஏலம் விடமுடியாது என்று சொல்லி விட்டேன்,

நான் அந்தக்கிளையை விட்டு மாறுதல் ஆகிப்போகும் வரை நகை வங்கியில்தான் இருந்தது

அடுத்து சில பணியாளர்கள் பற்றி

வேறு கிளையில் இருந்து மாற்றலாகி வந்த அலுவலர் (ஆபிசர்) ஒரு விவசாய அதிகாரி. எங்கள் கிளையில் பெரிதாக விவசாயக்கடன் ஒன்றும் கிடையாது . எனவே விவசாய அதிகாரி தேவையும் இல்லை. இருந்தாலும் அவரை கடன் பிரிவில் அமர்த்தினேன்.

அவரின் சில செயல்பாடுகள் விரும்பத்தகாதவையாக இருந்ததால் கடன் பிரிவில் வேறு ஒரு அலுவலரை அமர்த்தி விட்டு அவரை வைப்பு நிதிப்பிரிவில் அமரச்செய்தேன்.

அவர் எதோ காயம் பட்டது போல் குரல் எழுப்பினார், நான் விவசாய அதிகாரி என்னைக் கண்ட கண்ட வேலையெல்லாம் பார்க்கச் சொல்ல முடியாது என்று வாதிட்டார்.

கிளை மேலாளர் என்ற முறையில் நான் சொல்லும் அலுவலகப்பணியை நீங்கள் செய்துதான் ஆக வேண்டும். மேலும் உங்கள் மாற்றல் ஆணையில் உங்களை ஒரு விவசாய அதிகாரியாகக் குறிப்பிடவில்லை பணி செய்ய மறுத்தால் நான் மேலதிகாரிகளுக்கு எழுத்து மூலம் புகாரளிக்க வேண்டியிருக்கும் என்று சொன்னவுடன்  அரை மனதோடு பணியைத் தொடர்ந்தார் .

அலுவலர் சங்கதிடம் (ஆபிசர்ஸ் அசோசியன்) என்னைப்பற்றி  புகார் செய்தார் .அவர்கள் வங்கிக்கு வந்து பேசிவிட்டு மேலாளர் தரப்பில் எந்தத் தவறும் இல்லை .உங்களை நீங்கள் சரி செய்து மனநிலையை மாற்றிகொள்ளுங்கள் என்று அவரிடம் சொல்லிப்போனார்கள்

அவரோடு தினமுமே பிரச்சனைதான். அவருக்கு ஏதாவது தேவை என்றால் மட்டும்  பல்லைக்காட்டிக்கொண்டு பணிந்து குழைந்து பேசுவார்..அவர் குடும்பம் அவரை விட்டுப் பிரிந்து போய் விட்டதாய் பின்னால் அறிந்தேன்.அதற்காக ஒரு பரிவு காட்ட முடியாத அளவுக்கு அவருடைய நடவடிக்கைகள் எரிச்சல் ஊட்டுவதாய் இருக்கும்.

இப்படி இருந்தும் அவருக்கு ஆண்டு இறுதி மதிப்பீட்டில்(annual appraisal report) நல்ல மதிப்பெண் கொடுத்தேன். அதற்கு நன்றி தெரிவித்து தான் நடந்து கொண்ட முறைக்கு வருத்தமும் தெரிவித்தார் .

இவருக்கு எதிர் மாறாக ஒரு எழுத்தர் அதே கிளையில் .மிகச் சிறப்பாக பணி செய்வார். சற்று பேச்சுத்தான் அதிகமிருக்கும். ஆனால் ஆண்டு இறுதி கணக்கு முடிக்கும் காலம் வந்து விட்டால் பேச்சு நின்று விடும். பணியில் முழு கவனமும் செலுத்தி அவரே மற்ற எழுத்தர்களுக்கும் வேலையைப் பகிர்ந்து கொடுத்து நல்ல முறையில் எளிதில் முடித்து விடுவார் .கிளையின் ஆண்டு இறுதி அறிக்கையில் கையெழுத்துப் போடுவது மட்டுமே என் வேலையாக இருக்கும்..

பொதுவாக ஆண்டு இறுதி கணக்கு முடிக்கும் நேரம் என்றால் அலுவலர்களும் மேலாளரும் இரவும் பகலுமாக பல நாட்கள் கடுமையாக பணியாற்ற வேண்டியிருக்கும். அந்த நிலையை மாற்றி அமைத்த அந்த எழுத்தரை இன்று கூட நன்றியுடன் நினைக்க முடிகிறது.

அவர் மட்டும் அல்ல அந்தக்கிளையில் இருந்த எல்லா எழுத்தர்களுமே மிக நல்ல முறையில் பணியாற்றி ஒத்துழைப்பார்கள்

அதற்கு நேர்மாறாக சில அலுவலர்கள் .ஏற்கனவே ஒருவர் பற்றி குறிப்பிட்டேன். இன்னொருவர் தாமரை இலைத் தண்ணீர் போல் பட்டும் படாமல் ஒட்டாமல் இருப்பார்.

அருகிலுள்ள நீதிமன்றத்துக்கு வங்கிப் பணிக்காக சென்ற அவர் அடுத்தநாள் காலையில்தான் வங்கிக்கு வந்தார்.வந்து நீதி மன்றம் போய்வந்ததற்காக பயணப்படிப் பட்டியலை என்னிடம் கொடுத்தார்  அன்று நீதியரசர் விடுமுறையில் சென்று விட்டதால் வழக்குகள் எதுவும் எடுதுக்கொள்ளப்படவில்லை என்பதும் அந்த அலுவலர் அன்று முழுதும் தன் சொந்த வேலையாக வேறு ஒரு ஊரில் உள்ள கிளையில் இருந்தார் என்பதும் எனக்கு ஒரு நண்பர் மூலம் தெரிய வந்தது .

இது பற்றி மேலதிகாரியை நேரில் சந்தித்துத் தெரிவித்தேன் , அவர் சொன்ன பதில் எனக்கு திகைப்பை ஏற்படுத்தியது

“ அவரைப்பற்றிஎல்லாம் என்னிடம் சொல்லாதீர்கள் . அவர் மேல் நடவடிக்கை எடுத்தால் எனக்குப் பிரச்சினை வரும் “

என்று அச்சத்துடன் பேசினார்.

“அச்சம் என்பது மடமையடா  “ என்று பாட  நினைத்தேன். . நாக்கைக் கட்டுப்படுத்திக்கொண்டேன்

அந்த அலுவலர் கொடுத்த பயணப்படிப்பட்டியலை  நான் மேலிடத்துக்கு அனுப்பவும் இல்லை. அவரும் அது பற்றிக் கேட்கவும் இல்லை –

குற்றமுள்ள நெஞ்சு

பொதுவாக அந்தக்கிளை வாடிக்கையாளர்கள் நல்லவர்கள் . ஓரளவு நல்ல சேவை செய்தால் நிறைய வைப்பு நிதி வரும் வரும் என்பதை விட வந்து குவியும் என்பதே பொருத்தமாக இருக்கும்

கடன் கேட்டு வருபவர்கள் மிகக்குறைவே .  காலை பத்து மணிக்கு ஒரு வாடிக்கையாளர் வந்து எனக்கு இன்றே ஒரு லட்சம் ரூபாய் டிராக்டர் வாங்க கடன் தர முடியுமா என்று கேட்டார். அவருடைய வரவு செலவுகளைப் பார்த்து விட்டு

மதியம்  ஒருமணிக்குள்  நான் சொல்லும் ஆவணங்கள் எல்லாம் கொண்டு வந்தால் இன்றே கடன் தர முயற்சிக்கிறேன் என்றேன்

அதே போல் எல்லா ஆவணங்களையும் கொண்டு  வந்து, அன்றே கடன் பெற்று மகிழ்ச்சியாகச் சென்றார்.

இது என் தனி முயற்சி அல்ல. முன்பு குறிப்பிட்டதுபோல் நல்ல எழுத்தர்கள் , நல்ல ஒரு சில அலுவலர்களின் ஒத்துழைப்பினால்தான் இது சாத்தியமாயிற்று

இன்னும் சில வாடிக்கையாளர்கள் தொலைபேசியில் தொடர்பு கொண்டு வைப்பு நிதியில் பணம் செலுத்த வருகிறேன் . வைப்பு நிதிச் சீட்டு எழுதி வையுங்கள் என்று விபரங்கள் சொல்வார்கள். அவர்கள் வருமுன் சீட்டு எழுதி வைத்து அவர்கள் பணம் செலுத்தியவுடன் கொடுத்தால் மிகவும் மகிழ்ச்சி அடைந்து அடுத்தடுத்து நிறைய  பணம் போடுவார்கள்

இப்போதுள்ள முழுதும் கணினி மயமான சூழ்நிலையில் இது போல் விரைவில்  கடன் கொடுப்பதோ , வைப்பு நிதிச் சீட்டு  முன்பே எழுதி வைப்பதோ  முடியுமா என்று தெரியவில்லை

இன்னும் ஒரேயொரு நிகழ்வைச்சொல்லி தொடரின் இப்பகுதியை நிறைவு செய்கிறேன்.

பெரிய கட்டைப்பையோடு லுங்கி கட்டிய ஒருவர் என் அறைக்குள் வந்தார் .இதற்குமுன் அவரைப்பார்த்த நினவு இல்லை.ஒரு ஐம்பதுக்கு மேற்பட்ட வைப்பு நிதி விண்ணப்பங்களை என் முன் வைத்தார். எல்லாம் முறையாகப் பூர்த்தி செய்து கையொப்பம் இட்டு அறிமுகப்படுத்தியவரின் கையெழுத்தும் இருந்தது .

எல்லாவற்றிலும் தொகை இருபதாயிரம் ரூபாய்க்கும் சற்று குறைவாக..

மொத்தத்தொகை பத்து லட்சம் ரூபாயை கட்டைப்பையில் இருந்து எடுத்து என்னிடம் கொடுத்தார்

 . அந்தக் கால கட்டத்தில் அது மிகப்பெரிய தொகை..எந்த ஒரு வங்கி மேலாளருக்கும் அவ்வளவு பெரிய வைப்பு நிதியை வேண்டாம் என்று சொல்ல மனம் வராது

ஒரு சில நொடிகள் குழப்பம் தயக்கம் .இதில் எதாவது விதி மீறல் இருக்கிறதா என்று. .ஒரு நபரிடமிருந்து மொத்தம் இருபதாயிரத்துக்கு மேல் பணமாக வைப்பு நிதி வாங்கக்கூடாது ஆனால் இதில் எல்லாம் வேறு வேறு பெயர்கள், முதிர்ச்சி தொகை கூட இருபதாயிரத்தைத் தாண்டாது .

அறிமுகக் கையெழுத்துப் போட்டவர் வங்கியின் மிகப்பெரிய நல்ல வாடிக்கையாளர். அவரிடம் தொலைபேசியில் தொடர்பு கொண்டேன். .

“வேறு வங்கிக்குப் போக வேண்டிய தொகை அது. நான்தான் உங்களுக்காக, உங்கள் சிறப்பான சேவைக்காக உங்களிடம் அனுப்பி வைத்தேன். அங்கு வந்திருப்பவர் எனக்கு நன்கு தெரிந்தவர், உறவினரும் கூட. எந்தத் தயக்கமும் இன்றி நீங்கள் தொகையை வாங்கிக்கொள்ளலாம். இதில் சிக்கல் எதுவும் வராது “

என்று உறுதியளித்தார்

கடன் வழங்குவதில் மட்டுமல்ல , வைப்புநிதி, சேமிப்புக்கணக்கு இவற்றிலும் விதிமுறைகளை மீறக்கூடாது . . மீறினால் குற்றப்பத்திரிகை , புலனாய்வுத்துறை விசாரணை ஏன் பணி நீக்கம் வரை போகும் வாய்ப்புண்டு,.

பலருக்கு இது நடந்திருகிறது .

நீ மட்டும் எப்படி மீறினாய் என்று கேட்கிறீர்களா ? நான் செய்தது விதி மீறல் அல்ல. .வங்கியின் நலனுக்கும் , மேலாளரின் நலனுக்கும் பாதிப்பு ஏற்படாமல் விதியை சற்று வளைத்தல்.,வளைக்கும்போது ஒடியாமல் பார்த்துக்கொள்ள  வேண்டும் .

சென்ற பகுதி

பற்றி கருத்துகளும் பாராட்டுக்களும் தெரிவித்த

ஜோதி அக்கா , ரவிராஜ் ராஜா சுப்ரமணியம் அனைவருக்கும் நன்றி   

 [11:37, 7/16/2017] Cb rtd Raviraj:

_Really good introspection _                       

[11:3 8, 7/16/2017] :

 All good individuals are looking alike …

Jothy Liakath                      

[11:47, 7/17/2017] : எதிர்ப்புகளை கண்ணியத்துடன் அணுகி கட்டுப்பாடு குறையாமல் கடமைகள் பணியாற்றுவது சினிமா கா நாயர்களுக்கு மட்டு மல்ல. சாதாரணமான மனிதர் மனிதர் களுக்கும் அத்திய மே என்பது வங்கி ஊழியர் சரவணன் கதை மூலம் நிரூபனமானது.சம்பவங்களை அழகான வரிகளாகச் கோர்த்து சுவாரசியமா க வெளிக்கொண்டு வரும் உன் எழுத்து நடைக்கு மீண்டும் ஒரு சபாஷ்.                       

CB rtd Raja Subramaniaiam                     

  It is all in the game!

இ(க)டைச்செருகல்

சாந்தியும் சமாதானமும் நிறைந்த (சலாமத்தான) இம்மை வாழ்வும் , மறைவும் மறுமை வாழ்வும் அருள இறைவனிடம் இறைஞ்சி வேண்டுவது இசுலாமியர் வழக்கம்

ஒரு ஊழியரின் தந்தையின் மறைவுக்கு வங்கியில் இருந்து போயிருந்தோம் . மறைந்தவர் .தொடரி துறையில் பணியாற்றி ஓய்வுபெற்றவர்

சாதிப்பிரச்சனையால் எங்களுக்கு இடுகாட்டில் இடம் கிடயாது. ஆற்றங்கரையில்தான் புதைப்போம். ஆற்றில் வெள்ளம் வந்தால் மண் கரைந்து மிதக்கும் என்று அந்த ஊழியர் சொன்னது நெஞ்சைப் பிசைவது போல் இருந்தது .

சலாமத்தான மறைவு என்பதில் நல்லடக்கமும் உள்ளடக்கமோ என்ற  சிந்தனை வந்தது

நள்ளிரவில் விடுதலை பெற்றோம் விடியவே இல்லை என்ற வரிகளும் நினைவில் வந்தன.

தங்கள் கருத்துக்களை எதிர்நோக்குகிறேன் .

இறைவன் நாடினால்

மீண்டும்

சந்திப்போம்

வலை நூல் முகவரி

கூகிள் தேடலில்

sherfuddinp.blogspot.com

கதைப்பயணம் 2 கடமை கண்ணியம் கட்டுப்பாடு

முன் குறிப்பு

குழுவில் சேருவது பற்றி இன்னும் சிந்தித்திக்கொண்டே இருக்கிறேன். இப்போதைக்கு கருத்துகளை குழுக்களுக்கு அனுப்புவதோடு  என் கட்செவிக்கும் அனுப்பும்படி கேட்டுக்கொள்கிறேன்  –81242 45405 Sherfuddin .P--

                           ௦௦௦௦

“Less corrupt”

வங்கி ஊழியர்கள் பற்றி  ஒரு தொலைக்காட்சிப் பேச்சு நிகழ்ச்சியில் நிகழ்ச்சி ஒருங்கிணைப்பாளர் குறிப்பிட்டசொல் இது . குறைந்த தொகை கையூட்டாக வாங்குவார்கள் என்று பொருளல்ல இந்தச் சொல்லுக்கு ..வாங்குபவர்களின் விழுக்காடு மற்ற பல துறைகளோடு ஒப்பிட்டால் குறைவு என்பதே உண்மை

வங்கி ஊழியர்கள் , குறிப்பாக கிளை மேலாளர்கள் சமுதாயத்தில் மதிப்புக்கும் மரியாதைக்கும்  உரியவர்களாகத்தான் இருக்கிறார்கள்  என்பது    ஒரு பொதுக்  கருத்து. அது உண்மையும் கூட. . .

கிளை மேலாளருக்கு இருக்கும்  பண பலம் (Money Power )- கடன் வழங்கும் அதிகாரம்  மிக அதிகம். வட்ட அலுவலகத்திலும் தலைமை அலுவலகத்திலும் உள்ள உயர் அதிகாரிகளுக்கு கிளை மேலாளரை விட பன்மடங்கு அதிகமான கடன் வழங்கும்  அதிகாரம் இருந்தாலும்  கிளை மேலாளரின் பரிந்துரை இல்லாமல் அவர்கள் கடன் வழங்க முடியாது என்பது ஒரு பொதுவான நடைமுறை

எனவே  கிளை மேலாளருக்கு நிலை தவறும் வாய்ப்புகளும் மிக மிக அதிகம்

நிலையில் திரியாது இருந்தால் மலை போல் உயரா விட்டாலும் மடு அளவுக்கு தாழாமல் இருக்கலாம் .

இனி  கதைக்கு வருவோம்.

சரவணகுமார் (சுருக்கமா சரவணன் ) வெளி  மாநிலத்தில் உள்ள அந்தக்கிளைக்கு மேலாளராக வந்து சில நாட்களே ஆகின்றன, ,இன்னும் முழுதாகப் பொறுப்பு எடுத்து முடிக்கவில்லை.

சரவணன் இங்கு வருவதற்கு முன்பே கிளையின் மேலாளர் , மூத்த அலுவலர்கள் எல்லாம் பதவி உயர்வு பெற்று வேறு வேறு கிளைகளுக்கு மாறிப்போய்விட்டார்கள் . ஏதேனும் ஐயம் வந்தால் விளக்கம் கேட்கக்கூட ஆளில்லை .

இது போன்ற மாறுபட்ட சூழ்நிலைகள் வங்கி ஊழியர்களுக்கு அதிலும் மேலாளர்களுக்கு ஒன்றும் புதிதல்ல .

உனக்கு போகும் இடத்தின் மொழி தெரியுமா அந்த சூழ்நிலை உனக்கு ஒத்து வருமா இதைப்பற்றியெல்லாம் வங்கி நிர்வாகம் அக்கறை கொள்ளாது .

நீச்சல் தெரியுமா என்று கேட்க மாட்டார்கள் .கடலில் தூக்கிப்போட்டு விடுவோம் நீந்திக் கரை சேருவது  உன் திறமை . இதுதான் வங்கியின் கொள்கை .இதனால் வங்கிக்குப் பெரிய இழப்பு ஒன்றும் வரவில்லை பெரும்பான்மையாக .எந்த அலுவலரும் அச்சம் தயக்கம் கொண்டு வேலையை விட்டு ஓடவும் இல்லை

வெளியில் இருந்து பார்ப்பவர்களுக்கு மலர்ப்படுக்கையாகத்தோன்றும் வங்கி மேலாளர் பணி அப்படி ஒன்றும் மென்மையானது அல்ல.

தன நீண்டகால பணியில் இதையெல்லாம் நன்கு அறிந்த சரவணன்.தன் பணியை செவ்வனே துவங்கி விட்டார் .கோப்புகள், கடன் ஆவணங்கள் எல்லாவற்றையும் குறிப்பிட்ட நாட்களுக்குள் சரி பார்த்து .பெரிய அளவில் தவறுகள் குறைகள் இருந்தால் மேலிடத்துக்குத் தெரியப்படுத்த வேண்டும். அப்படிச்செய்யத் தவறினால் அந்தத் தவறுகளுக்கு  அவரே முழுப்பொறுப்பாகி விடுவார் .

ஐந்து நிமிடத்தில் மதிய உணவை முடித்து விட்டு வந்து தொடர்ந்து கோப்புகளைப் பார்த்துக்கொண்டிருந்தபோது  உள்ளே வந்த ஒருவர் தன் பெயர் கார்மேகம் , இந்தக்கிளையின் முந்தைய மேலாளர் என்று தன்னை அறிமுகம் செய்து கொண்டார்.

கோப்பை மூடி விட்டு அவருடன் உரையாடிக்கொண்டிருந்தார் சரவணன். அப்போது ஒரு இளைஞர் வேகமாக உள்ளே வந்தார். வந்த வேகத்தில் கார்மேகத்தைப்பார்த்து வசை பாடத்துவங்கினார். .சட்டயைப்பிடித்து இழுக்காத குறை .

சரவணனுக்கு ஒரே திகைப்பு. இப்படி ஒரு நிலையில் எந்த ஒரு  வங்கி மேலாளரையும்  அவர் பார்த்ததே இல்லை.. சட்டென்று சுதாரித்துக்கொண்டு அந்த இளைஞரைப் பார்த்து இப்படியெல்லாம் ஒருமேலாளரிடம் பேசக்கூடாது என்று சொல்லிப்பார்த்தார் .. அதற்கு அவர் சார் உங்களுக்குத் தெரியாது இவரைப்பற்றி. எனக்கும் இவருக்குமிடையில் பல பிரச்சனைகள் இருக்கிறது என்றார்.

உங்களுக்குள் உள்ள பிரச்சனைகளை வெளியில் போய் பேசிக்கொள்ளுங்கள். இது என் அறை. என்னைப்பார்க்க வந்தவரிடம் இப்படியெல்லாம் பேசுவதை நான் அனுமதிக்க முடியாது .தேவைஎன்றால் நான் காவல்துறையை அழைக்கத் தயங்க மாட்டேன் என்று சரவணன் உறுதியாகச் சொன்னதும் அந்த இளைஞர் எதோ முனகிக்கொண்டே வெளியே போய்விட்டார்.

இதற்குள் வங்கி வாயிலில் ஒரு சிறிய கூட்டம் கூடி விட்டது , வங்கிக்கு அடுத்து உள்ள  ஒரு வணிகர் வந்து கார்மேகத்திடம் ஏன் இப்படி எல்லாம் செய்கிறீர்கள் என்று உரக்கப்பேசினார்.,

சரவணன் அவரைப்பார்த்து இங்கு என்ன பிரச்சனை என்று உங்களுக்குத் தெரியுமா என்று கேட்டார். அதெல்லாம் எனக்குத்தெரியாது. கூட்டம் கூடியதால் ஏதாவது பிரச்சனயாகத்தான் இருக்கும் என்றுஎன் பங்குக்கு  உள்ளே வந்தேன்  என்றார் அந்த வணிகர்.

அந்த வணிகருக்கு வங்கிக்கு மின்னாக்கி (ஜெனேரட்டர்) இயக்கும்  ஒப்பந்தம் கிடைக்காததால் கார்மேகம் மேல் உள்ள கடுப்பை இப்படி தீர்த்துக்கொண்டார் என பின்னால் தெரிய வந்தது .

அடுத்து இன்னொருவர் உள்ளே நுழைந்து ஒரு விசாரணை நடத்த வந்திருக்கிறேன் என்றார். .என் அறைக்குள் என் அனுமதியில்லாமல் நுழைந்தது தவறு வெளியே போங்கள் என்று சரவணன் சொல்ல , நான் காட்சி ஊடகத்தின்.குற்றவியல் செய்தியாளர் (Crime reporter). என்னையா வெளியே போகச் சொல்கிறீர்கள் என்று அச்சுறுத்தினார். இங்கு குற்றம் ஏதும் நடக்கவில்லை எனவே உங்களுக்கு இங்கே வேலையில்லை என்று ஒரு வழியாக அவரையும் வெளியே அனுப்பினார் சரவணன்

நான் இங்கிருந்தால் உங்கள் வேலை கெட்டுவிடும் .நான் புறப்படுகிறேன் என்று கிளம்பினார் கார்மேகம். பத்திரமாகப்போங்கள் என்று சொல்லி ஒரு ஊழியரையும் துணைக்கு அனுப்பிவைத்தார் சரவணன் ..

கார்மேகம் போனபின் அவரைப்பற்றி பலரும் பலவிதமான கருத்துக்களைத் தெரிவித்தனர். அவரால் பயன் பெற்றவர்கள் நல்ல விதமாகவும் மற்றவர்கள் மாறுபட்டும் பேசுவார்கள். இது உலக நடப்பு .

.கிளை மேலாளருக்கு மாறுதல் என்றால் மிகப்பெரும்பாலான, நெருக்கமாகப் பழகிய  நல்ல வாடிக்கையாளர்கள் கூட எந்த ஊருக்கு மாறுதல் என்று  கேட்க மாட்டார்கள்.. அடுத்து வருவது யார், அவரிடம் என்னை அறிமுகம் செய்து வைத்துவிடுங்கள் என்றுதான் சொல்வார்கள் . உண்மையான நட்போடு பழகுபவர்கள் மிகக்குறைவே

இந்தகிளையில் நடந்த இன்னொரு சிறிய நிகழ்வைச் சொல்லி இந்தபகுதியை நிறைவு செய்ய எண்ணுகிறேன்.

பெரியசாமி – கிளையில் உள்ள பல எழுத்தர்களில் ஒருவர். சிறிய உருவம், அமைதியான பேச்சு. செயல்கள் சற்று அதிகமாகவே மாறுபாடாக இருக்கும் .அவர்மேல் குற்றப்பத்திரிகை, விசாரணை எல்லாம் உண்டு.,

பல தவறுகளில்  ஒரு தவறுக்காக நீதி மன்ற ஆணைப்படி பல மாத ஊதியம் வழங்கப்படாமல் பிடித்து வைக்கப்பட்டிருந்தது . அந்த வழக்கு முடிந்து ஊதியத்தைக் கொடுக்க நீதிமன்றம் அனுமதியளித்து சில காலமாகியும் வங்கி வட்ட அலுவலகம் அதற்கான அனுமதியை வழங்காததால் பெரியசாமிக்கு அதைக் கொடுக்க முடியாத நிலை .

வட்ட அலுவலகத்தை தொடர்பு கொண்டு சரவணன் பேசியபோது பெரியசாமி போன்றவர்களுக்கு பரிவு காட்ட வேண்டிதில்லை என்பது போல் பதில் வந்தது. இது பரிவு பற்றிய பிரச்சினை இல்லை சட்டம் பற்றியது என்று சரவணன் சொல்ல அவ்வளவு அக்கரை இருந்தால் நீங்களே முடிவு செய்து கொள்ளுங்கள் என்று ஒரு பதில்

வங்கியின் சட்ட ஆலோசகரிடம் கலந்து, அவரிடம் எழுத்து மூலமாக கருத்து வாங்கிகொண்டு பெரியசாமிக்கு தொகை கொடுக்கப்பட்டது

குற்றம் செய்தவர் தண்டனைக்குரியவர் என்பதில் யாருக்கும் மாறுபட்ட கருத்து இல்லை . ஆனால் அவருக்கு சட்டப்படி கிடைக்க வேண்டிய பலன்களை வழங்குவதில் ஏனோ வங்கியில் ஒரு தயக்கம் ,சுணக்கம் .I am the boss  என்கிற மன நிலை

இது போல் இன்னொரு நிகழ்வு பற்றி வேறு பகுதியில் சொல்கிறேன்

பெரியசாமி சில காலம் கழித்து வங்கியை விட்டே நீக்கப்பட்டார் என்று  கேள்விப்பட்டேன்  

௦௦௦௦  ௦௦௦௦ ௦௦௦௦௦

பி கு

தொடரந்து சில பகுதிகள் வங்கி பற்றி எழுத இருப்பதால் வங்கியின் அமைப்பு பற்றியும் ஊழியர் அமைப்பு பற்றியும் ஒரு சுருக்கமான விளக்கம்

வங்கி அமைப்பு (நான் ஓய்வு பெறும்போது)

கிளைகள்(Branches) ---வட்ட அலுவலகங்கள்  (Circle offices)--- தலைமை அலுவலகம்  (Head Office)

ஊழியர் அமைப்பு

கடை நிலை ஊழியர்கள்(Sub Staff), எழுத்தர்கள்( clerks) இந்த இரண்டு பிரிவினரும் உழைக்கும் வர்க்கம் (working class ) எனக்குறிப்பிடப்படுவர்

மற்றவர்கள் எல்லாம் உழைக்காத வர்க்கம் என்று பொருளல்ல .இவர்களுக்கு தொழிற்சங்க உரிமைகள், குறிப்பிட்ட வேலை நேரம் எல்லாம் உண்டு.

இதற்கு மேல் படியில் உள்ளவர்கள் உழைக்காதவர்கள் அல்ல .நேரம் காலம் பார்க்காமல் 24x7 உழைக்க வேண்டியவர்கள்

அலுவலர்,(officer)-- மேலாளர்(manager) ---முதுநிலை மேலாளர்(senior manager ) SM --முதன்மை (கோட்ட) மேலாளர் chief /Divisional Manager CM/DM --,உதவிப்பொது மேலாளர்(Assistant General Manager )AGM , --துணைப்பொது மேலாளர் (Deputy General Manager )Dy.G.M, ---பொது மேலாளர்(General Manager) GM

இதற்கும் மேலாக

 செயல் இயக்குனர் Executive Director ED , -- தலைவர் & நிர்வாக இயக்குனர் Chairman & Managing Director CMD

இவை இரண்டும் மைய அரசு நியமனப்பதவிகள்

Chairman – CMD  சர்வ அதிகாரம் படைத்தவர். ஒரு வங்கிக்கு ஒருவர்தான் இருப்பார் அவருக்குக்கீழ் ஒன்றிரண்டு EDs

அதற்கடுத்து வட்ட அலுவலத்தின் தலைமைப்பொறுப்பில் உள்ள Dy.G.M/ G.M

இது ஒரு அதிகாரக்குவியல் மையம்.

இதற்கு அடுத்த அதிகார மையம் கிளையின் பொறுப்பு  மேலாளர்தான் (Branch in Charge). கிளையின் அளவைப்பொறுத்து அவர் officer, manager senior manager ,chief manager AGM  or Dy G M ஆக இருக்கலாம் .முன்பே குறிப்பிட்டது போல் கிளையின் பரிந்துரை இல்லாமல் வட்ட அலுவலகமோ தலைமை அலுவலகமோ பொதுவாக கடன் வழங்குவதில்லை  

                           --------------

 சென்ற பகுதி

பற்றி கருத்துக்களும் பாராட்டுக்களும் தெரிவித்து தொடர்ந்து எழுத ஊக்குவித்த அஜுமல், ரவிராஜ்,ராஜா சுப்பிரமணியன், ஐ எஸ் பீர் முகம்மது  பீர் முகமது (பீயண்ணா)  நெய்வேலி ராஜா,தல்லத், சித்திகா காதர், சாகுல்,   பாப்டி, அமீதா,,அக்காமார்  மெஹராஜ் , ஜோதி ,நூர்அனைவருக்கும் நன்றி

. 

 Ajmal

Nice to read a real life story told in a very interesting style 👍

Raviraj

HR people are always like that..

After their tenure also behaving like that one...

Don't have real and affectionate friends in the service

Raja Subramanian

Interesting. All the best.

[11:19, 7/7/2017] ISPeer mohamed:

 Your writings about your career incidents are superb Masha Allah. Please continue                       

Peer Mohamed Peeyannaa

: மரியாதைக்குரிய சச்சா அவர்களுக்கு

உண்மை சம்பவங்களை சுவாரஸ்யமாக தருவதற்கு ரொம்பத் திறமையும் பயிற்சியும் வேண்டும்.

சுஜாதாவின் நளினமும் ராஜேஷ் குமாரின் விறுவிறுப்பும் ஒருங்கே பயணித்ததுதான் இந்த அறிந்த அனுபவ சம்பவத்தின் சிறப்பம்சம்.

Neyveli Raja                         

'கடவுளின் கணக்கு'

- தலைப்பு கன கச்சிதம்! யோசனையே வேண்டாம்..அப்படியே தொடரலாம்! அருமையான ஆரம்பம்!! வாழ்த்துக்கள் மாமா!

Thallath                      

: Arumaiyana Nadai Matram devai illai

Sithiga kathar

: All along I have been handling financial transaction in S.B. account and CC account &operating lockers but was surprised to read your text highlighting issues I never knew, keep it up👍     

Meharaj                 

: வெல்கம் ஷர்புதீன்!                       

: ஷர்புதீன் திரும்ப வந்தது,  வாட்ஸ் அப்  உற்சாகமாக உள்ளது.                       

: ஷர்புதீன் வங்கி ஊழியர்கள் பற்றிய அனுபவங்களையும்

நமக்குச் சலிப்பு ஏற்படாமல் கதை போல் எழுதிய விதம், நடை எல்லாம் மிக அற்புதம்.

தொடரட்டும்.

மிகவும் சந்தோஷமாயிருக்கிறது.

Shahul                      

: மாமா வின் எழுத்துக்கள் இனிமை.Not permitted to retire இது ஒரு கொடு மையான சொல் அரசு ஊழியர்கள் அகராதியில். பணி ஒய்வு தேதி அன்று இதை Serve செய் வார்கள் , இதை தடை கோரி வழக்கு தாக்கல் செய்து உள்ளேன். இது அரசு ஊழியர் கள் திர்ப்பாயம் என்ற நீதிமன்றத்தில் Practice செய்ய ஆரம்பித்த போது தெரிந்து கொண்ட சமாச் சாரங்கள். Inspetor of police, EXecutive Engr. , Sub- Registrar போன்ற உயர் பதவி வகிப்பவர் கள் இந்த உத்தரவு வழ ங்கப்பட்டவுடன் மிகவும் வேதனை அடைவர்                       

Jothy liakath

பெரிய அதிகாரிகள் சிறிய அதிகாரிகளை பயமுறுத்தி , காலில் போட்டு மிதித்து கேவலப்படுத்தும் சீரியல்கள் பார்க்கும் போது, இது அதிகப்படியான செயற்கை தனம் என்று தோன்றுவது மிகையல்ல, நடப்பதுதான் என்பது உன் எழுத்தைப் பார்த்த பின் தெரிகிறது. நடை முன்பு போல் இலகுவாக இல்லாமல் கொஞ்சம் கடின மோ என்று தோன்றுகிறது. புரியாத அலுவலக வார்த் தைகளால் கூட அப்படித் தோன்றலாம். எப்படியோ உன் எழுத்து மறுபடியும் வரப் போவது மகிழ்ச்சி யே |

Noor

[20:11, 7/10/2017] : மறுபடியும் வாட்ஸ் அப்புக்கு ஒரு interesting topic கிடைத்துள்ளது.                        

 [20:22, 7/10/2017] : "சிறிய தவறுகள் பெரிய இழப்பு" இது முற்றிலும் உண்மை. சிரீன் அத்தா விற்கும் இது நடந்தது. ஆனால் அது தவறு அல்ல. அவருடைய நேர்மை  promotionக்குத் தடைக்கல்லாகிவிட்டது.ன. ஒரு தவறான செயலுக்கு மேலதிகாரிகளுடன் ஒத்து வராததால் officer post கிடைக்கவில்லை.

ஆனால் முஸ்தபா வா அவர் மிகவும்  நேர்மையானவராயிற்றே என்ற பெயர் மட்டும் இன்னும் நான் சந்திக்கும் பழைய ஊழியர்களிடம்் நிலைத்து இருக்கிறது.                       

[20:26, 7/10/2017]2: இதுதான் உண்மையான வெற்றி.

அமீதாவும் பாப்டியும் .பாராட்டுத் தெரிவித்தர்கள்

                                                                              oooooo

தொடரின் இப்பகுதி சற்று வறட்சியாகவும் சலிப்புத்தட்டுவதாகவும் இருப்பது போல் எனக்குத் தோன்றுகிறது. அதை மாற்ற ஒரு வசந்தமான வங்கிக்கு சிறிதும் தொடர்பில்லாத

இ(க)டைச்செருகல்

வண்ண வண்ண பட்டாம்பூச்சிகள் சில நாட்களுக்கு முன்பு பறந்ததைப்பார்த்து மனதில் மகிழ்ச்சியும் அதை மீறி வியப்பும் தோன்றியது 

இந்த வெய்யிலும் அனல் காற்றும் வண்ணத்துப்பூச்சிகளை ஒன்றும் செய்யாதா என்ற வியப்பு .என்பிலதனை வெயில் போல என்று ஐயன் சொன்னதும் மாறி விட்டதோ  என்றொரு ஐயம்

ஐயம் தெளிய வைப்பது போல் அன்று மாலையே ஒரு மழை பெய்து சட்டென்று வானிலை மாறி வசந்தம் வந்தது போல் ஒரு தோற்றம்

பருவ மாற்றத்தை தெரிவிக்க ரமணன் போன்றவர்கள் தேவையில்லை எங்களுக்கு .

நாங்கள் வந்தாலே கோடை வசந்தமாக மாறும் என்று பட்டாம்பூச்சிகள் சொல்வது போல் இருந்தது

இறைவன் நாடினால்

மீண்டும்

சந்திப்போம்

வலை நூல் முகவரி

கூகிள் தேடலில்

sherfuddinp.blogspot.com

.