திரு மறை குரான் 12:15 24052024 வெள்ளி

 

திரு மறை குரான் 12:15

24052024  வெள்ளி

"--------------------நீர் அவர்களின் இச்செயலைப்ற்றி அவர்களுக்கு (ஒரு காலத்தில்) உணர்த்துவீர். அது சமயம் அவர்கள் உம்மை அறிந்து கொள்ள மாட்டார்கள்-----------------"

திருமறையின் எந்தப் பகுதியில் வரும் வசனத்தின் பகுதி இது ?

யாருக்கு யார் யாரைப்பற்றி சொன்னது ?

விடை

சுராஹ் 12 (யூசுfப்)வசனம் 15

(இவ்வாறாக) அவர்கள் அவரை அழைத்துச் சென்று ஆழமான கிணற்றில் தள்ளிவிட ஒன்று சேர்த்து முடிவு செய்த போது, "நீர் அவர்களின் இச்செயலைப்ற்றி அவர்களுக்கு (ஒரு காலத்தில்) உணர்த்துவீர். அது சமயம் அவர்கள் உம்மை அறிந்து கொள்ள மாட்டார்கள்" என்று நாம் யூஸுஃபுக்கு வஹீ அறிவித்தோம். 12:15

 

சரியான விடை எழுதி வாழ்த்து, பாராட்டுப் பெறுவோர்

சகோ

ஷர்மதா – முதல் சரியான விடை

ஹசன் அலி

 

விளக்கம் (சுருக்கமாக)

யூசுfப் நபி அவர்கள் யாகூப் நபியின் இரண்டாவது துணைவியின் மகன்

யாகூப் நபியின் முதல் துணைவிக்கு நிறைய ஆண் பிள்ளைகள்

அவர்களுக்கு யாகூப் நபி தங்களை விட சிறுவன் மேல்

யூசுfப்பிடம் அதிக பாசமும்  பரிவும் காட்டுவதை பொறுக்க முடியாமல் தந்தையின் விருப்பத்துக்கு மாறாக வேட்டைக்கு  போகும்போது சிறுவன் யூசுfப்பை அழைத்துச் சென்று  ஒரு கிணற்றில் தள்ளி விட்டு ஓநாய் கடித்துத் தின்று விட்டது  என்று தந்தையிடம் பொய் சொல்கிறார்கள்

 

சிறுவன் யூசுfப்பை கிணற்ர்ல் தள்ளும் நேரத்தில் யூசுfப்புக்கு வஹி மூலம் இறைவன் அறிவித்த செய்தி இந்த வசனம்

இதில் நாம் என்பது இறைவனையும் நீர் என்பது  யுசுfபையும் குறிக்கும்

ஒரு  இடைவெளிக்குப்பின் நீண்ட சிறைவாசம் உட்பட பல நிகழ்வுகளுக்குப்பின் யூசுfப் நபி நாட்டின் தலைமைப் பதவியில் உணவுப்பொருள் பொறுப்பாளராகிறார்

 

நாட்டின் உணவுபற்றாக்குறை ஏற்பட, யூஸுfபின் சகோதரர்கள்

தங்கள் குடும்பத்துக்கு வேண்டிய உணவுப்  பொருட்களை வாங்கிச்செல்ல   யூசுfபிடம்          வருகிறார்கள்

யூசுfபை     அவர்களுக்கு அடையாளம் தெரியாத நிலையில் யூசுfப் அவர்களிடம்                                                                                                          "நீங்கள் அறிவீனர்களாக இருந்த போது, யூஸுஃபுக்கும் அவர் சகோதரருக்கும் நீங்கள் என்ன செய்தீர்கள் என்பதை நீங்கள் அறிவீர்களா?" என்று வினவினார்        (12:89)         

(அப்போது அவர்கள்) "நிச்சயமாக நீர் தாம் யூஸுஃபோ? என்று கேட்டார்கள்; (ஆம்!) நான் தாம் யூஸுஃபு  ----------என்றார் (12:90)

யூசுfப் சுராஹ் பற்றி விரிவாக பலமுறை எழுதியிருக்கிறேன்

எனவே இதோடு நிறைவு செய்கிறேன்

இறைவன் நாடினால் நாளை தமிழில் சிந்திப்போம்                                                                                                                                                                                          

15 துல்ஹதா (11)1445

24052024 வெள்ளி

சர்புதீன் பீ