வறுமையிலும் செம்மை

வெளியிலிருந்து வீடு திரும்பிய பெருமானார் (ஸல்) அவர்கள் அருமை மகள் பாத்திமா (ரலி ) விடம் எங்கே என் பேரன்களைக் காணோம் என்று கேட்டார்கள் .

“என் துணைவர் அலி (ரலி) அவர்கள் வெளியூர் சென்று சில நாட்களாகி விட்டன . என் மக்களின் பசியைத் தீர்க்க பணமும் இல்லை உணவுப்பண்டங்களும் தீர்ந்து விட்டன. பசியில் அழுதவண்ணம் அவர்கள் வெளியே போய்விட்டார்கள் “ என்று கலங்கிய கண்களுடன் பாத்திமா ரலி} பதிலுரைத்தார்கள்.

மனம் பதைபதைத்த பெருமானார் (ஸல்) அவர்கள் பேரன்களைத் தேடிப் போனார்கள்.. வழியில் ஆடுகளை மேய்த்துக்கொண்டிருந்த  ஒருவரிடம் “இந்தப்பக்கம் இரண்டு சிறுவர்கள் போனதைப்பார்தீர்களா?” என்று வினைவ அவர் “ என்ன வயதிருக்கும் ?” என்று கேட்டார்.

“நான்கைந்து வயதுச் சிறுவர்கள் “ என்று பெருமானார் (ஸல்) அவர்கள் பதிலுரைக்க

“ ஆம் இரண்டு சிறுவர்கள் அழுது கொண்டே வந்தார்கள் . பசியினால் அழுவதை அறிந்த நான்- சற்றுப்பொறுங்கள் நான் ஆட்டில் பால் கறந்து உங்களுக்குத் தருகிறேன் -என்று சொல்ல அவர்கள் அமர்ந்தார்கள். நான் பால் கறந்து குவளைகளில் ஊற்றி அவர்களுக்குக் கொடுத்தேன்,

குவளையில் வாய் வைக்குமுன் ஒரு சிறுவன் -இந்த ஆடுகள் உங்களுக்குச் சொந்தமானதா -என்று கேட்டான். -முதலில் பாலைப்பருகி உங்கள் பசியைத் தணித்துக்கொள்ளுங்கள் ; மற்றதை பிறகு பேசிக்கொள்ளலாம்- என்று சொல்லிப்பார்த்தென்.

ஆனால் அந்தச்சிறுவன் பிடிவாதமாகப் பாலைக்குடிக்க மறுத்து -இது உங்கள் ஆடுகளா என்பதைத் தெளிவு படுத்துங்கள்- என்றான்,.

-இல்லையப்பா நான் இந்த ஆடுகளின் உரிமையாளன் அல்ல. வேறொருவருடைய ஆடுகளை நான் மேய்துதத்துக்கொண்டிருக்கிறேன் என்று சொன்னேன்,.

உடனே சிறுவர்கள் இருவரும் எழுந்து- உங்களுக்கு உரிமை இல்லாத பாலை நீங்கள் எங்களுக்கு கொடுப்பதும் தவறு நாங்கள் அதைப் பருகுவதும் தவறு- என்று சொல்லி விட்டுப்போய்விட்டார்கள் “

என்று சொல்லி அவர்கள் அவர்கள் சென்ற வழியைக் காண்பித்தார். .

அந்த வழியே சென்ற பெருமானர்ர் (ஸல்) அவர்கள் பேரன்கள் ஹசன் ஹுசைன் இருவரும் ஒரு ஈச்ச மரத்தடியில் படுத்து உறங்குவதைகண்டு .வாரி அணைத்துத்துத் தோளில் சுமந்து வீடு வந்து சேர்ந்தார். .

பாத்திமா (ரலி)யிடம்  .

“ அருமை மகளே என்ன ஒரு ஒழுக்கத்துடன், கட்டுப்பாட்டுடன் உன் பிள்ளைகளை வளர்த்திருக்கிறாய் என்று நினைக்க நினைக்க என் உள்ளம் பெருமிதம் கொண்டு பூரிப்படைகிறது .

இந்த ஒன்றுக்காகவே சுவர்க்க வாசிகளின் தலைமைப்தவியை உமக்கு இறைவன் நல்குவான், உம தொழுகை, வணக்கம் எல்லாம் இதற்குப் பின்தான் “

என்று சொல்லி வாழ்த்தினார் .

பெருமானார் (ஸல்) அவர்களின் மறைவிற்குப்பின் அவர்கள் வீடு  கூட ஒரே அருமை மகள் பாத்திமா (ரலி) க்கு கொடுக்கப்படவில்லை என்பது வரலாற்று உண்மை