காரைக்குடி கண்ணன் 26062024 புதன்

 காரைக்குடி கண்ணன்

26062024 புதன்

தொலைபேசி அழைப்பு ஓன்று பெயரில்லாமல் எண்ணுடன் வந்தது

தெரிந்தவர்போல் பேசினார்

“ பெயர்கண்ணன்.

அண்ணாமலை நகரில் கட்டுமானப் பொறியர்

உங்களை ஓரிரு முறை அண்ணாமலை நகரிலும்

ஓராண்டு முன்பு காரைக்குடியில் ஒரு மருத்துவ மனையிலும் சந்தித்திருக்கிறேன் “

என்றார்

நான் அண்ணாமலை நகர் போய் பத்து ஆண்டுகள் ஆகியிருக்கும்

காரைக்குடியில் மருத்துவ மனை எதற்கும் நான் போன நினைவில்லை.

இருந்தாலும்

“சரி இப்போது எதற்காக அழைத்தீர்கள் “ என்று கேட்டேன்

“ வழக்கமாக மகனின் மருத்துவத்திற்காக காரைக்குடி வருவதுண்டு

இந்த முறை மருத்துவக் கட்டணமும் மருந்துகள் விலையும் மிக அதிகமாகி விட்டது

இதை எதிர்பார்க்காத நான் இருந்த பணத்தில் வண்டிக்கு டீசல் போட்டு விட்டேன்

பணம் முழுதாகக் கட்டினால்தான் மருந்து தருவார்களாம்

அந்த மருந்துகள் வேறு எங்கும் கிடைக்காது

அஞ்சலிலும் மருந்து அனுப்பமாட்டார்கலாம்

அண்ணாமலை நகரில் வீட்டில் பணம் இருக்கிறது

ஆனால் நான் ,என் துணைவியுடன் இங்கு வந்து விட்டேன்

எனவே வீட்டுக்குப் போனால்தான் பணம் எடுக்க முடியும்

கடன் அட்டை ,பற்று அட்டை களில் முடிந்த அளவு பணம் எடுத்து விட்டேன்

இப்போது நீங்கள் ஒரு 800/ ரூபாய் அனுப்பினால் போதும் .

மருந்தை வாங்கிக்கொண்டு வீட்டுக்குப் போய் பணத்தை எடுத்து நேரிலோ வங்கி மூலமோ உங்களுக்க்குக் கொடுத்து விடுவேன்

எனக்க G Pay இல்லை . இங்கு நான் சொல்லும் ஒரு கடை எண்ணுக்கு நீங்கள் பணம் அனுப்பினால் அவர் எனக்குக் கொடுத்து விடுவார்” என்றார்

“ அ. நகரிலும் காரைக்குடியிலும் சந்தித்ததாகச் சொல்வது நம்பும்படி இல்லை

அதையும் தாண்டி பணம் அனுப்ப நினைத்தாலும் எனக்கும் G pay கிடையாது “

என்றேன்

“அருகில் உள்ள கடை மூலமாக அனுப்பலாமே “

என்றார்

அதெல்லாம் முடியாது என்று சொல்லி தொடர்பை துண்டித்து ,அவர் எண்ணை தடை செய்து விட்டேன்

அவர் பேசியதில் என்னை சந்தித்ததாகச் சொன்னது தவிர மற்றதெல்லாம் நம்பும்படியாக இருந்தது . நகரத்தார் வட்டார வழக்கில் இருந்தது அவர் பேச்சு

அவர் கேட்ட ரூபாய்800/என்பது பெரும்பாலும் எல்லோரும் அனுப்பலாம் என்று நினைக்கும் தொகை

மேலும் மருந்து விலையில் துண்டு விழும் தொகை மட்டும் கொடுத்தால்

போதும் . சாப்பாடு கூட சாப்பிடாமல் ஊர் போய்ச் சேருகிறோம் என்றெல்லாம் சொன்னார்

மொத்தத்தில் திட்டமிட்டு,ஒத்திகை பார்க்கப்பட்ட ஒரு நிகழ்வு

இது நடந்தது 20 06 24 வியாழன் மாலை 3 மணி அளவில்

94892 74872 எண் பழனியப்பன் என்ற பெயரில் இருப்பதாய்

True caller காண்பித்தது

அவர் பேசிய எனது ஜியோ எண் பெரும்பாலும் சுற்றம் நட்புகளுக்கு மட்டும்தான் தெரியும்

இது எப்படி அவருக்குக் கிடைத்தது என்று தெரியவில்லை

இறைவன் நாடினால் நாளை குர்ஆனில் சிந்திப்போம்

26062024 புதன்

சர்புதீன் பீ