இசுலாமும் யோகக்கலையும் 31

இசுலாமிய இறைவணக்கமும் யோகாசனங்களும் 3

உளுவின் பயன்கள்:.

ஒரு சிறிய குளியல் போலிருக்கும் உளு பல நோய்களைத்தடுத்து உடல் நலத்தை காக்கிறது.

பொதுவாக காதின் பின்புறம் யாரும் சுத்தம் செய்வதில்லை. உளுவில் அது வலியுறுத்தப்படுகிறது.

கை கழுவது, வாய் கொப்பளிப்பது முகம் கழுவது போன்றவை ஒரு நாளில் ஐந்து முறை செய்யும்போது சர்க்கரை நோய் கூடக் கட்டுப்படுவதாகச சொல்லப்படுகிறது.
மேலும் கழிவுகள் அவ்வப்போது வெளியற்றப்படுகின்ற்ன.

மூக்கு நுனியையும் நாசித் துவாரங்களையும் கழுவுவது பறவைக் காய்ச்சல் போன்ற கடும் தொற்று நோய்களைத் தடுக்கிறது..

கை கால் விரல்கள், காதுகள் ,தலை தேய்த்துக் கழுவப்பபடும்ப்போது நிறைய அகுபஞ்சர் புள்ளிகள் அழுத்தப்பட்டு நலம்காக்கிறது.

யோகாசனம் பிரணாயாமம் தாரணா, தியானம், சமாதி நிலைகளை உள்ளடக்கிய

இசுலாமியத் தொழுகை.
அடுத்த வாரம் அடுத்த பகுதியில்

படித்து பிடித்தால் பகிரவும்

வண்ணச் சிதறல் 8

பதினொன்றும்

பதினொரு ஆயிரம்  கோடியும்

(சொல்லவே மூச்சு வாங்குகிறது . 110,00,00,00,000 எழுத கை வலிக்கிறது )

.இந்தியாவில் சிறைகள் வசதியாக இல்லை .எனவே என்னை இந்தியாவுக்கு அழைத்துச் செல்லக்கூடாது என்கிறார் மிகப்பெரிய அளவில் கடன் வாங்கி அதைககட்டாமல் ஏமாற்றி வெளிநாடு தப்பி ஓடிய ஒரு குற்றவாளி

அவரை மிஞ்சி விட்டார் இன்னொருவர் . முன்னவரைப்போல் பல மடங்கு கடன் வாங்கி கட்டாமல் ஒரு மிகப்பெரிய அரசுடமை வங்கியின் எதிர்காலத்தைக்  கேள்விக்குறியாக்கி விட்டார்.

பொன் எழுத்துகளில் பொறிக்கப்படவேண்டியவை அவருடைய சொற்கள்

நான் செய்த மோசடியை அம்பலப்படுத்தி  என்னை அவமானத்துக்குள்ளாக்கி விட்டீர்கள் . எனவே பணத்தை என்னிடமிருந்து வசூல் செய்யும் வாய்ப்பை முழுவதுமாக இழந்து விட்டீர்கள் என்று வங்கியை பகடி செய்து கெக்கலிக்கிறார் .

குற்ற உணர்வு துளியும் இல்லாமல் இப்படிப்பேசும் துணிச்சல் , நெஞ்சூக்கம் இவர்களுக்குக் கொடுத்தவர்கள் யாராக இருந்தாலும் அவர்களும் குற்றவாளிகளே 

கொஞ்சம் சிந்தித்துப்பார்த்தால் இது எவ்வளவு பெரிய மோசடி என்பது புலப்படும்

 பதினோரு ஆயிரம்  கோடி –

 கோடி கோடியாய் பதினோரு ஆயிரம் பேருக்குக் கொடுத்து

பதினோரு ஆயிரம் கோடீஸ்வரர்களை உருவாக்கலாம்

மில்லியன் மில்லியன் ஆகக்கொடுத்து

ஒருலட்சத்துப்பத்தாயிரம் மில்லியனர்களை உருவாக்கலம்

பதினொரு லட்சம் லட்சாதிபதிகளை உருவாக்கலாம்

இவ்வளவு பெரிய்ய்ய்ய தொகையை கபளிகரம் செய்து  நாட்டின் பொருளாதாரத்தை சீர்குலைக்கும் மிகப்பெரிய சதிகாரர்கள் சில புகைப்படங்களின் அடிப்படையில் மிக எளிதாக நாட்டை விட்டு தப்பிச் செல்கிறார்கள்

பாதிக்கப்பட்டது  மிகப்பெரிய அரசுடமை வங்கி என்பதோடு இன்னொரு சிறப்பும் உண்டு. அன்னியர் ஆதிக்கத்தை எதிர்த்து முழுக்க முழுக்க நம் நாட்டவர்களால் துவங்கப்பட்டது.

இன்று நம்மவர்களே அதன் கழுத்தை நெரித்து விட்டரகள்

வங்கிக்கு  மலர் வளையம் வைத்துஅஞ்சலி செய்கிறார்கள் என்கிறது ஊடகச் செய்தி

வழக்கம் போல் இதெல்லாம் எனக்கு சம்பந்தம் இல்லாதவை எனபது போல் அமைதி காக்கும் தலைமை

மற்றவர்கள் மேல் பழி சுமத்தத்துடிக்கும்  சம்பந்தமே இல்லாத ஒரு அமைச்சர் .

இந்தத் தொகையை வசூல் செய்வது சிரமம் என்று முதல் செய்தியிலேயே அறிக்கை விடும் வங்கி உயர் அதிகாரிகள்

 அமைதியாக வேடிக்கை பார்க்கும் நாமாகிய நாம் .

 நமக்குத்தான் எதுவுமே உரைக்காதே . நம் பணத்தை எடுக்கத் தடை போட்டு கட்டுப்படுத்திய போதும் என்ன பொங்கியா எழுந்தோம் .

      தேடிச் சோறு நிதந் தின்று

பல சின்னஞ் சிறு கதைகள் பேசி

மனம் வாடித் துன்பமிக உழன்று

பிறர் வாடப் பல செயல்கள் செய்து

நரை கூடிக் கிழப்பருவம் எய்தி

கொடுங் கூற்றுக் கிரை யெனப்பின் மாயும்

பல வேடிக்கை மனிதரைப் போலே

என்ற பாரதியார் வரிகளுக்கு நாம் பொருத்தமாகி விட்டோமோ ?

எனக்கும் வங்கியில் எழுத்தராக, அதிகாரியாக, மேலாளராக முதுநிலை மேலாளராகப் பணியாற்றிய நீண்ட அனுபவம் இருக்கிறது . அதெல்லாம் நினைத்தால் இப்போது உண்மையிலேயே வேடிக்கையாக இருக்கிறது

ஒர சில ஆயிரங்கள் கடன் கொடுக்க தொழில் / வணிகம் நடக்கும்இடம் , உரிமையாளர் வீடு எல்லாம் நேரில் போய்ப் பார்த்து அவர் குடும்பம் பற்றி அக்கம் பக்கம கேட்டறிந்து தொழிலுக்கு உரிமம் இருக்கிறதா தொழில் நடத்தும் இடத்துக்கு உரிமையாளர் யார், அதற்குரிய ஒப்பந்தம் இருக்கிறதா தொழில் செய்ய தகுதி, திறமை இருக்கிறதா  வேறு வங்கியில் கடன் இருக்கிறதா இப்படி ஒரு முழுமையான தெளிவான தெரிதலுக்குப்பின்தான் கடன் கொடுப்பது பற்றி ஒரு முடிவு எடுப்போம்

முதி நிலை மேலாளரான எனக்கே தகுதியுள்ள ஒரு கடன் தகுந்த காரணம் இன்றி மறுக்கப்பட்டதும்  , இன்னொரு சிறிய கடனை மேலிடம் பலமாதங்கள் இழுத்தடித்ததும் உண்டு

அரசியல் தலையீடு ,பிறர் பரிந்துரைகளை தவிர்த்து விடுவோம்..பரிந்துரைகளை தவிர்க்க முடியாவிட்டால் அவரை பிணையாமக  இணைத்து விடுவோம் .

ஊழியர்கள் பரிந்துரைத்தால் அவர்களிடம் எழுத்து மூலமாக வாங்கி பதிவு செய்து விடுவோம்

ஒரு மாதத் தவணை தவறிப்போனால் கூட அறிவிப்பு அனுப்புவது , தொலைபேசியில் தொடர்பு கொள்வது நேரில் போய்ப்பார்ப்பது ,, பரிந்துரை செய்தவரிடம் கேட்பது  என்று வசூல் நடவடிக்கைகள் தொடங்கப்படும்

தொடர்ந்து பணம் கட்டாமல் இருந்தால்  வழக்கறிஞர் அறிக்கை , வழக்குத் தொடர்வது  சொத்துப்பறிமுதல் என்று நடவடிக்கை தொடரும்

சிறிய தொகை என்றால்  அதிகப்படியான நீதி மன்றச் செலவுகளைக் கருதி அனுமதி பெற்று கடன் தொகையை தள்ளுபடி செய்து விடுவோம் ,

இதையும் மீறி ஒரு நிகழ்வு – ஒரு மிகச்சிறிய தொகைக்கு –

வெறும்

பதினோரு ரூபாய்க்கு

வழக்குத் தொடரப்பட்டது மொத்தமாக பல கடன்களோடு சேர்த்து இதுவும் மேலிடம் போய் அவர்களும் வழக்குத்தொடர அனுமதி அளித்து வங்கி வழக்கரிஞரிடம் போய் நீதி மன்றம் வரை போய்விட்டது.

சுண்டைக்காய் சுமைக்கூலி கதையாகி விட்டது

ஒரு முன்னூறு ரூபாய்க்கடனை தள்ளுபடி செய்ய அனுமதி கேட்டபோது இதில் வங்கி ஊழியர் சம்பந்தப்பட்டிருக்கிறார்  ( staff angle/ staff involvement).எனவே அனுமதிக்க முடியாது என்று சொல்லி விட்டார்கள்

வாராக்கடன் (NPA) என்பது ஒரு முப்பது ஆண்டுகளுக்கு முன்புதான் நடைமுறைக்கு வந்தது . இது நல்லதா கெட்டதா என்பது பற்றி சொல்ல வரவில்லை .

ஆனால் வங்கிகளில் துவக்க நிலையில்  இது மிகப்பெரிய அளவில் குழப்பத்தையும் , நடை முறைச் சிக்கலையும் உண்டாக்கி வேலைப்பளுவை அதிகரித்து மன உளைச்சலை உண்டாக்கியது

வாராக்கடன் என்றால் என்ன என்பதை ஒரு மிக எளிதான எடுத்துக்காட்டு மூலம் பார்ப்போம் .

உங்களுக்கு ஒரு பெரிய வீடு இருக்கிறது. அதை நீங்களும் பயன்படுத்தவில்லை , வாடகைக்கும் விடவில்லை என்றால் அந்தச் சொத்து உங்களுக்கு பயன் அளிக்காத சொத்து ஆகி விடுகிறது .இதுதான் nonperforming asset சுருக்கமாக NPA

வருமானம் இல்லாவிட்டாலும் வீட்டின் பாதுகாப்பு, பராமரிப்பு, வீட்டு வரி, மின்கட்டணம் ,குடிநீர் கட்டணம் போன்ற செலவுகளை தவிர்க்க முடியாது .உங்கள் மற்ற வருமானத்தில் ஒரு தொகையை ஒதுக்கி இந்தச் செலவுகளை சமாளிக்க வேண்டும்

வங்கிகள் கொடுக்கும் கடன்கள் வட்டி வருமானம் ஈட்டித் தரும் சொத்துக்கள் (Assets)ஆகும்

நான் ஒரு வங்கியில் பத்தாயிரம் ரூபாய் கடன் வாங்கியிருக்கிறேன் . மாதம் ஆயிரம் ரூபாயும் மூன்று மாதத்திற்கு ஒரு முறை வட்டியும் செலுத்த வேண்டும்,

பழைய முறையில் நான் பணம் கட்டினாலும் கட்டாவிட்டாலும் மூன்று மாதத்திற்கு ஒரு முறை கடனுக்கு வட்டி ஏற்றப்பட்டு அது வங்கியின் வட்டி வருமானத்தில் சேர்க்கப்படும்..

கடனை வசூல் செய்ய வழக்குத் தொடரும் வரை இது தொடரும்.

புதிய முறையில் இப்படி செய்ய முடியாது .ஒழுங்காக தவணைகளும் வட்டியும் வசூல் ஆகாவிட்டால் அது வாராக்கடனில் சேர்க்கப்படும்

தொடர்ந்து வட்டி போட முடியாது.

மேலும் வாராக்கடனின் நிலை,(Stage of NPA)தொகை ,கடனுக்கு உள்ள பிணைய சொத்துக்கள்(Securities) இவற்றின் அடிப்படையில் பல விழுக்காடுகளில் Percentage)( சில கடன்களுக்கு 100% வரையிலும் , அதற்கு மேலும் கூட தொகை ஒதுக்கீடு(Provision)செய்ய வேண்டும்.

ஏற்கனவே வட்டி போடாததால் வங்கியின் வருமானம் குறைகிறது. இந்த ஒதுக்கீடு என்பதும் நேரடியாக வங்கி வருமானத்தில் குறைக்கப்படும்

இதனால் பல வங்கிகள் தங்கள் இருப்பு நிலை அறிக்கையில் (Balance Sheet) இழப்பு( Loss) காண்பிக்கும் நிலை ஏற்பட்டது  

விதிப்படி செய்தால் பெரும்பாலான கடன்கள் வாரக்கடன்களாகிவிடும். . அப்படி அதிகமாக் காண்பித்தால் மேலிடம் ஒத்துக் கொள்ள மறுக்கும்

இப்படி இது ஒரு  இரட்டை முனைக் கத்தியாகி விட்டது

இதனால் விதிகளுக்கு உட்பட்டும் வெளிப்பட்டும் சில பல சரிக்கட்டுதல்கள் (Adjustments)(செய்யப்பட்டன. மிக எளிய சரிக்கட்டு கடன் தவணையைத் தள்ளிப்போடுதல்

புதிய கடன் கொடுத்து பழைய கடனை அதிலிருந்து வசூல் செய்வதும் நிகழ்ந்தது இதன் மிகப்பெரிய பூதாகரமான பரிமாணம்தான் பதினோரு ஆயிரம் கோடி- உண்மையிலேயே கை வாய் மனம் எல்லாம் வலிக்கிறது

இப்போதைக்கு இந்த விளக்கம் போதும்

வங்கி நடைமுறைகள் முழுவதும் கணினி மயமாகி விட்டதால் முன்போல் சரிக்கட்டுதல் செய்ய முடியாது என சொல்லப்படுகிறது .நம்பத்தானே வேண்டும்

இலக்க முறை பயன்பாடு(digital transaction) முழுக்க முழுக்க ஊழலை ஒழித்து (ஒளித்து? )விடும் என்றும் சொல்லப்பட்டது

பதினொரு ஆயிரம் கோடி ஊழல் முழுக்க முழுக்க இலக்க முறையில்தான் நடைபெற்றுள்ளது

யாரைத்தான் நம்புவது எல்லாமே வஞ்சமாக இருக்கிறதே ?

 வங்கி தணிக்கை அதிகாரிகள் என்ன செய்தார்கள்,

வெளியிலிருந்து வரும் இருப்பு நிலை தணிக்கையாளர்கள் external auditors for Balance Sheet Audit)என்ன செய்தார்கள்

வங்கிகளைக் கண்காணிக்கும் நடுவண் வங்கி( RBI) என்ன செய்தது

என்றெல்லாம் கேள்வி மேல் கேள்வி எழுப்பிப் பயனில்லை

எல்லாவற்றிற்கும் மேலாக   மாபெரும்  , வல்லமை படைத்தவர்கள்  ஆட்டுவிக்கிறார்கள் ஆட்டிப்படைக்கிரார்கள்

ஒரு நாட்டின் பொருளாதாரத்தை சீர் குலைக்க எதிரிநாடுகள் கள்ளப்பணத்தை பெருமளவில் புழக்கத்தில் விடுவார்கள்

இது அதைவிட ஒரு மோசமான வலுவான தாக்குதல் மிக அழகாக திட்டமிட்டு செயல்படுத்த்பட்டிருக்கிறது .என்ன இது முழுக்க முழுக்க நம நாட்டுத் தயாரிப்பு

 எதையும் தாங்கும் இதயம் கொண்ட நாம் இதையும் தாங்குவோம்.இதை விடப் பெரிதாக ஏதவாது வந்தால் இரு கோடுகள் தத்துவத்தில் இதை மறந்து விடுவோம் இப்போதைக்கு து வேந்தர்களை மறந்துவிட்டோமே அது போல

சென்ற வாரம்

மரு சர் ஏ எல் முதலியார் அவர்களின் மருத்துவ நுண்ணறிவு பற்றி இரண்டு கெள்விகள் கேட்டிருந்தேன்.

முதலாவதில்

அந்தப்பெண் அணிந்திருந்த மூக்குத்தியில் இருந்த வைரக்கல்லின் மிளிரும் ஒளி கண்ணில் பட்டதுதான் தலைவலிக்குக் காரணம்.

முதலியாரின் சொல்கேட்டு மூக்குத்தியை கழற்றியவுடன் தலைவலி மறைந்து விட்டது

அடுத்ததில்

மருத்துவ மனைக்கு வந்த முதலியார் இளம் மருத்துவரிடமிருந்து வெண் சுருட்டைபிடுங்கி வெளியே நீட்டிகொண்டிருந்த விரலுக்கு அருகில் கொண்டு செல்ல அந்த வெப்பம் தாளாமல் விரலை உள்ளே இழுத்துக்கொண்டது கருவில் இருந்த குழந்தை .சிறிய தையல் போட்டு சிறிது நேரத்தில் அங்கேயே அழகான குழந்தை பிறந்தது

விடைகள் பதிவு செய்த உடன்பிறப்புக்கள் மெகராசு,(ஓன்று சரி அடுத்தது பாதி சரி) சோதிக்கும் (இரண்டும் சரி) இதயத்துக்கும்( இரண்டும் சரி ஓன்று அம்மா சொன்னது மற்றொன்று சகா மாமா சொன்னது என்று குறிப்பிட்டிருந்தார் ) பாராட்டுக்கள் வாழ்த்துக்கள்

இ(க)டைச் செருகல்

இந்த வாரம் வெளியிட சுவையான ஒரு பதிவு எழுதி முடித்து விட்டேன் .இதற்கிடையில் ஓய்வு பெற்ற வங்கி ஊழியன் என்ற முறையில் எனக்குத் தெரிந்த சிலவற்றை பகிர்ந்துகொள்ள எண்ணம் தோன்றி ஒரே நாளில் இதை எழுதி முடித்தேன் ..சுவைப்பதிவு பின்னால்

குறை நிறைகளை சுட்டிக்காண்பிக்குமாறு வங்கி நண்பர்களையும் மற்றவர்களையும் கேட்டுக்கொள்கிறேன் .

இறைவன் நாடினால்

மீண்டும்

சந்திப்போம்

வலை நூல் முகவரி

கூகிள் தேடலில்

sherfuddinp.blogspot.com

Islam and Yoga 30

Islamic Prayer and Yogasanas 2

Cleanliness of  body, place and dress is a precondition for prayer .Periods and conjugal union make  bathing compulsory before prayer.

Wudu is the process of ablution before prayer .Wade  a cleansing process plays a vital role in upkeep of  health and prevents many diseases . Let us go a little further about this health process

As already seen Islam very much emphasis the importance of cleanliness. Any dirt on body/dress should be thoroughly cleaned.

Not only after motion but after urination also body parts should be cleaned 

Steps of Wudu

1 To truly perform wudu, one  should make a decisive intention  remembering Almighty

2. Hands to be washed thoroughly up to wrist so that water passes between the fingers

3.Mouth to be thoroughly rinsed  taking water by right palm  in such a way that water passes to cheeks and throat and all  food remaining in mouth is expelled

4. Water to be taken in right palm and inhaled through nose without getting choked

5. Face to be washed using both hands right ear to the left, and from the hairline to the chin.

6. Lower arms to be cleaned from wrist to elbow leaving no part dry

7. Entire Head to be cleaned by wiping with wet hands from forehead to back of the head

8. Ears to be wiped inside and out. Back of the ear is cleaned using thumb from bottom upward

9. Both feet are washed up to ankle so that water passes through toes. Finger is passed through toes to remove any dirt in between

Steps 7,8  to be done once . All others 3 times

Benefits of wudu

Next week Next Part

Share if you like

இசுலாமும் யோகக்கலையும் 30

இசுலாமிய இறைவணக்கமும் யோகாசனங்களும் 2

தொழுவதற்கு உடல் சுத்தம் உடை சுத்தம் 
இடம் சுத்தம் அவசியம்..
உடலுறவு கொண்டவர்களும் மாத விலக்கானவர்களும் குளித்து சுத்தம் ஆன பிறகே தொழ முடியும்.

இது போக ஒவ்வொரு தொழுகைக்கு முன்பும் உளு எனப்படும் உடல் சுத்தி செய்வது அவசியம்.. இந்த உளு உடல் நலத்திற்கு ஒரு அடிப்படைப் பயிற்சியாய் அமைகிறது..எனவே இது பற்றி சிறிது விரிவாகப் பார்ப்போம்.

இசுலாத்தில் பரிசுத்தம் எவ்வாறு வலியுறுத்தப்படுகிறது என்பதை ஏற்கனவே குறிப்பிட்டுள்ளோம்.. மலம், சிறுநீர் கழித்தவர்கள் அந்த உறுப்புகளை முழுமையாக சுத்தம் செய்யாமல் தொழுக முடியாது..
கழிவுகள ஏதேனும் உடலிலோ ஆடையிலோ சிறிதளவு பட்டிருந்தாலும் சுத்தம் செய்வது அவசியம்.,
.
உளு செய்யும் முறை

இறைவனின் திருப்பெயரை நினைந்து உடலை சுத்தி செய்ய உறுதி கொண்டு ஆரம்பம் செய்து.முதலில் வலது கையையும் பிறகு இடது கையையும் மணிக்கட்டு வரை விரல்களுக்கிடையில் தண்ணீர் படும்படி கழுவவேண்டும்(மூன்று முறை)

அடுத்து வலது கை நிறைய தண்ணீர் எடுத்து வாயில்விட்டு நன்றாகக் கொப்பளிக்க வேண்டும் (மூன்று முறை)

அடுத்து நாசிகளின் உள்ளே நீர் செலுத்தி, மூக்கு நுனியைக் கழுவ வேண்டும் (மூன்று. முறை)

முகத்தை வலது காது முதல் இடது காது வரை, நெற்றியிலிருந்து தொண்டை வரை நன்றாக தாடியின் முடியும் நனையுமாறு) மூன்று முறைகழுவவேண்டும் .

முதலில் வலது கையையும் பிறகு இடது கையையும் மணிக்கட்டில் இருந்து முழங்கை வரை நன்றாக மூண்று முறை கழுவ வேண்டும்.

கைகளை நனைத்து நெற்றியில் தொடங்கி பிடரி வரை தடவ வேண்டும்..

இரு காதுகளின் உள்புறமும் வெளிப்புறமும் காதுகளின் பின்புறமும் நன்றாக சுத்தம் செய்ய வேண்டும்.

இறுதியாக இரண்டு பாதங்களையும் கணுக்கால் வரை ஒவ்வொரு பாகமும் ஒவ்வொரு விரல் இடை வெளியும் நனையுமாறு மூன்று முறை கழுவ வேண்டும்
.
உளுவின் பயன்கள்:

அடுத்த வாரம் அடுத்த பகுதியில்

படித்து பிடித்தால் பகிரவும்

வண்ணச் சிதறல் 7

 

நெஞ்சு பொறுக்குதில்லையே

இந்தியத்திரு நாட்டில் - மைய அரசு, மாநில அரசு, தனியார் துறை என எல்லாவற்றிலும் எண்ணற்ற மிக உயர்ந்த பதவிகள் உள்ளன

குடியரசுத்தலைவர் , தலைமை அமைச்சர் ,உச்ச நீதி மன்ற நீதியரசர்கள்,, முப்படைத் தளபதிகள், மக்களவைத் தலைவர் , புலனாய்வு அமைப்புத் தலைவர், தலைமைச் செயலர் , உள்துறை செயலர் , தலைமைக் கணக்காயர் மாநில ஆளுநர், முதல் அமைச்சர், உயர்நீதிமன்ற நீதியரசர்கள்,, மாநிலத் தலைமை காவல் அதிகாரி, இந்திய ஆட்சிப்பணி, காவல் பணி அதிகாரிகள் என்று அடுக்கிக் கொண்டே போகலாம.

இந்த உயர் பதவிகள் எதற்குமே இல்லாத ஒரு சிறப்பு ,கல்வித்துறை பதவிகளுக்கு உண்டு

வேந்தர் என்ற பெயர்தான் அந்தச் சிறப்பு , கௌரவம்

பல்கலைக் கழக வேந்தர், இணை வேந்தர், துணை வேந்தர் என பல இருந்தாலும் எல்லோரும் அதிகம் அறிந்தது துணை வேந்தரைத்தான்

துணை வேந்தர் என்று சொன்னால் உடன் என் நினைவுக்கு வருவது

மரு .சர் ஆற்காடு லட்சுமான .சாமி முதலியார்தான்

தலைப்பாகை அணிந்த கம்பீரமான உருவம்

கால் நூற்றாண்டுக்கு மேல்( இருபத்தியேழு ஆண்டுகள்) சென்னைப் பல்கலைக்கழக துணை வேந்தராகப் பணியாற்றி அந்தப் பதவிக்கே பெருமை சேர்த்தவர்.

 இது இந்திய கல்வி வரலாறில் ஒரு சாதனை

அதோடு சென்னை மருத்தவக் கல்லூரியின் முதல்வராகவும் பணி புரிந்தார் .அவர் எழுதிய மகப்பேறு மருத்துவம் பற்றிய நூல் இன்றும் மருத்துவ மாணவர்களால் படிக்கப்படுகிறது

சட்டம் பயின்று அதில் பல சிறப்புகள் பெற்ற ஆற்காடு இராமசாமி முதலியாரும் இவரும் ஒரே உருவமுடைய இரட்டையர்கள் .

.திருவிதாங்கூர் பல்கலைக்கழகத்தில் துணை வேந்தராய்  திரு ராமசாமி முதலியார் பணியாற்றி  இரட்டைத் துணை வேந்தர் என்ற பெருமையும் பெற்றனர் .

இருவருடைய ஆங்கிலப்புலமையும் சொல்வன்மையும் உலக அளவில் போற்றப்பட்டது

இந்த இரட்டையர்கள் பெயரில் கடலூரில்  ஏ ஆர் எல் எம் உயர்நிலைப்பள்ளி  சிறப்பாக இயங்கி வருகிறது .

அரை நூற்றாண்டுக்கு முன் திரு ஏ எல் முதலியார் அவர்களை பல்கலைக்கழகத்தில் அவர் அறையில் சந்தித்து முது நிலை வகுப்பு சேர்க்கை பற்றி பேசியிருக்கிறேன்

அத்தாவின் பதவி இட மாறுதலால் திரு முதலியார் கையொப்பமிட்ட பட்டச் சான்றிதல் பெறும் வாய்ப்பு எனக்கு கிடைக்கவில்லை

என்னுடைய பட்டச் சான்றிதழில் கையொப்பமிட்டவர் மதுரைப் பல்கலைக்கழகத்தின் முதல் துணை வேந்தர் முனைவர் தெ பொ மீனாட்சி சுந்தரம் அவர்கள் நல்ல தமிழ் அறிஞர், ஆராய்ச்சியாளர்

அடுத்து நான் கேள்விப்பட்ட நல்ல ஒரு து.வே பாண்டிச்சேரி நடுவன் பல்கலைக்கழகத்தில் பணியாற்றிய திரு டரீன் (.J. A. K. Tareen)

பல்கலைக் கழக மானியக்குழுவில் பணியாற்றிய இவர் அந்தத் தொடர்பை ஆக்க பூர்வமாக பயன் படுத்தி பாண்டி பல்கலைக்கழகம் ஒரு தரமான ஒன்றாக முயற்சி எடுத்து அதில் வெற்றியும் கண்டார் .

.

 சிறந்த செயல்பாட்டுக்காக குடியரசுத்தலைவர் விருது பாண்டி பல்கலைக்கழகம் பெற்றது   இவரது முயற்சிக்குக் கிடைத்த பரிசு

அண்மையில் செய்திதாள்களில் சில துணை வேந்தர்கள்   பற்றி மிகச்சிறப்பான செய்திகள் பார்த்தேன்

தமிழ் பல்கலைக்கழகத்தின் முதல் துணை வேந்தராக   நியமிக்கப்பட்ட திரு வ.அய். சுப்ரமணியம் மிக எளிமையானவர் . அவருக்கென்று சிறப்பாக உருவாக்கப்பட்ட ஆடம்பரமான நாற்காலியை வேண்டாம் என்று ஒதுக்கி விட்டு எளிமையான இருக்கையில் அமர்ந்து  சிறப்பாக 100% நேர்மையுடன் பணியாற்றினார்

அலுவலக ஊர்திகள் அலுவலகப்பணிக்கு மட்டுமே என்ற கொள்கையில் தப்பித்தவறி அவரோ அவர் குடும்பத்தினரோ வேறு பணிக்குப் பயன்படுத்தினால் அதற்குரிய கட்டணத்தை கணக்கிட்டுக் கட்டி விடுவார்

மதுரைப் பல்கலைக்கழகத்தில் துணை  வேந்தராகப்   பணியாற்றிய திரு வ சுப மாணிக்கம் ஒரு எளிமையான விடுதியில் தங்கியிருந்து , நடந்தே அலுவலகத்துக்கு வந்து விடுவாராம்

இப்படிப் பதவிக்குப் பெருமை சேர்த்து பீடு நடை போட்ட  துணை  வேந்தர்கள் இருந்த தமிழ்நாட்டில் இன்றைய நிலை – சொல்ல நா கூசுகிறது

வேந்தர்கள் பணத்தாசையால் தலை குப்புற வீழ்ந்து ஊழல் குட்டையில் மூழ்கி சேற்றை அப்பிக்கொண்ட அவலம்

இரண்டு து வே க்கள் .ஊழல் குற்றத்துக்காக  .சிறையில் அடைப்பு

.அடைக்கப்பட்டதை பல்கலைக்கழகமே இனிப்பு வழங்கிக் கொண்டாடுகிறது

கையூட்டுப் பணத்தை வாங்க அலுவலகம் விட்டு தன் இல்லத்துக்கு விரைகிறார் .

கையும் களவுமாய் பிடிபட்டவுடன் பணத்தை கழிவறையிலும்  உள்ளாடையில் மறைக்கும் அவலம்

நல்லவேளை கழிவறையை சாட்சியாகச் சேர்க்காமல் உள்ளாடையோடு நிறுத்திக்கொண்டார்கள்

குற்றவியல் படித்தது குற்றம் புரியத்தானோ

பொய்ச்சான்றிதழ் கொடுத்து  தகுதி அற்றவர்கள து வே பதவி பெற்ற இழிநிலை

பெரிய இடம் துணையிருக்கும் துணிச்சல்

பதவி நீக்கத்துக்கு தடை ஆணை பெற்ற  து வே ஊரெங்கும் பதாகை அமைத்து விழா கொண்டாடும் ஆடம்பரம்

ஐம்பது மகிழுந்துகளோடு அணிவகுத்து  வந்து து வே பதவி ஏற்கும் அரசியல் தனம்

இப்படி அடுக்கிக்கொண்டேபோகலாம்

 .

ஒரு வகையில் பார்த்தால் து வே க்களை மட்டும் குற்றம் சொல்ல முடியாது .இது ஒரு கூட்டுக் கொள்ளை

பதவிக்குப் பல கோடி கொட்டிக்கொடுத்தவர்கள் அதை ஆதாயத்துடன் அறுவடை செய்ய எண்ணுவது இயல்புதானே 

,

ஐமபது கோடி வரை விலை போனதாய் அறிகிறோம்.

இப்படிக் கொட்டிகொடுக்கும் அளவுக்கு அவர்களுக்கு ஏது பணம் என்று அடுத்த வினா எழுந்து ஒரு நச்சு வட்டமாகச் சுழல்கிறது ஊழல் .

இதற்கெல்லாம் மேல் தகுதி இருந்தும் பணம் இல்லாதவர்களை விண்ணப்பிக்காமல் தடுக்கும் மிரட்டல்கள் இந்த நச்சுச் சுழலை மேலும் விரிவாக்கி ஒரு பன்னாட்டுப் பரிமாணத்துக்கு இட்டுச் செல்கின்றன 

ஒரு சேவை நிறுவனம் தொடர்ந்த பொது நல வழக்கில் நம் மாநில பல்கலைக் கழகங்களில் நடந்த இருபது ஊழல்கள் பட்டியலிடப்படுகின்றன . அனைவற்றிலும்பெரும்பங்கு து வே களுடையதுதான்

கல்வித்துறையே வெட்கித் தலை குனியும் நிகழ்வு பத்து து வேக்கள் எந்த அரசு பதவியிலும் இல்லாத ஒரு கட்சித் தலைவரை சந்தித்தது

.தலைவர் வழியில் இப்போது து வேக்கள் ஒன்றன் பின் ஒன்றாக சிறைக்கு

நாலை நாற்பதாகவும் ஆறை அறுபதாகவும் மதிப்பெண் கூட்டிய அவல நாடகம் அம்பலத்துக்கு வந்தது

இதற்கு மேல் (கீழ்) தரம் தாழ்ந்து போக முடியாது என்று சொல்லும் அளவுக்கு பயணப்படியிலும் ஊழல்

என்ன செய்ய முடியும் நம்மால் என்ற மன நிலை நம் போன்றவர்களிடம்  வளர்ந்து கொண்டே போகிறது

ஏன் நம் மாநிலம் மட்டும் இப்படி ?

ஒரு சமுதாயத்தை அழிக்க எளிய வழி கல்வியை தரம் கெட்டுப் போகச் செய்வதுதான்

பல்கலைக்கழக தர வரிசைப்பட்டியலில் அண்ணாமலை எண்ணூறாவது இடம் . தமிழ் நாடு விவசாயப் ப. கழகம் இறுதியான ஆயிரமாவ்து இடத்தில் 

.

பழம் பெருமை மிகு சென்னை, , அண்ணா பல்கலைக்கழகங்கள் பட்டியலில் இடம் பெற முடியவில்லை

தரமான பன்னாட்டு ஆராய்ச்சி இதழ்கள் எதிலும் அண்மைக்காலமாக நம் மாநில பல்கலைக்கழக மாணவர்களின் கட்டுரைகள் ஏதும் வெளியாகாதது ஊழலின் நேரடி விளைவு என்று ஆதங்கப்படுகிறார் ஒரு கல்வியாளர்

தமிழன் யார் இந்தியன் யார்  யார் யாருக்குப் பிறந்தவர்கள் என்ற ஆராய்ச்சியை எல்லாம் சற்று ஒதுக்கி  வைத்து விட்டு ஆக்கபூர்வமாக சிந்தித்து செயல் படுவோம்.

நமக்கும் நம் சமுதாயத்துக்கும் நல்லது செய்ய முயற்சிப்போமே!

இ(க)டைச் செருகல்

 மரு. ஏ எல் முதலியாரின் மருத்துவ நுண்ணறிவு பற்றி இரு நிகழ்வுகள் கேள்விப்பட்டிருக்கிறேன்

முதலாவது

தன செல்வச் செழிப்பைப் பறை சாற்றும் வகையில்  . அங்கமெங்கும் தங்கம் வைரம் வைடூரியம் என நகைகள் மிளிரும் ஒரு பெண்மணி

நீண்ட காலமாக அவருக்குப் பொறுக்க முடியாத தலைவலி

,பார்க்காத மருத்துவம் இல்லை பயன்படுத்தாத உள் வெளி மருந்துகள் இல்லை . தலை வலி தீராத நோயாக அவரை வாட்டியது

அந்தப்பெண் திரு முதலியாரின் மருத்துவத்தில் மிக  எளிதாக உடனடியாக குணமடைந்தார்

அடுத்து

மேலும் சிக்கல்

நிறை சூலி ஒருவரின் வயிற்றில் கூரான துரட்டி (கத்தி) பட்டு வயிறு சிறிது கிழிந்து கருவில் இருக்கும் குழந்தையின் கை விரல் வெளியே நீட்டிக் கொண்டிருக்கிறது .

மிகுந்த பதற்றத்துடன் மருத்துவ மனைக்குக் கொண்டு செல்லப்பட்டார் அந்தபெண்.

அங்கிருந்த இளைய மருத்துவர் இதற்கெல்லாம் நான் ஒன்றும் செய்ய முடியாது .பெரிய மருத்துவர் வரும் வரை காத்திருங்கள் என்று சொல்லி விட்டு புகைக்கத் துவங்கி விட்டார்.

சற்று நேரத்தில் அங்கு வந்த திரு முதலியார் இதையும் மிக எளிதாக சரி செய்தார்

எப்படி என்பதற்கு விடை தெரிந்தவர்கள் எழுதலாம்

மற்றவர்கள் அடுத்த வாரம் வரை காத்திருக்க வேண்டியதுதான்

இறைவன் நாடினால்

மீண்டும்

 சந்திப்போம்

வலை நூல் முகவரி

கூகிள் தேடலில்

sherfuddinp.blogspot.com