தமிழ் (மொழி) அறிவோம் கூகில் தமிழ் 28072024 ஞாயிறு

 

தமிழ் (மொழி) அறிவோம்

கூகில் தமிழ்

28072024 ஞாயிறு

கணக்கி வந்தது மனக்கணக்கு ,வாய்பாடு மறந்து போனது

கைப்பேசி வந்தது தொலைபேசி எண்கள் நினைவிலிருந்து நீங்கின

கணினி வந்தது அதுவே, எழுத்துப்பிழை ,இலக்கணப் பிழையை spell check , grammar check செய்து நம் வேலையைக் குறைத்தது

கனவு போல் இருந்த செயற்கை நுண்ணறிவு இப்போது நடைமுறைக்கு வந்து விட்டது

செ.நு.வுக்கு முன்னால் வந்தது கூகில் மொழி மாற்றம்(Google translate)

செயலி ,

மிகவும் பயனுள்ள ஒரு எளிதான செயலி

உலக மொழிகள் அனைத்திலுமே செயல்படும்

ஆனால் மொழி பெயர்ப்பை படித்து ,சரிபார்த்து தேவையான திருத்தங்கள் செய்து கொள்ள வேண்டும்

என் கண்ணில் பட்ட ஒரு சில (வேடிக்கையான) மொழி பெயர்ப்புகள்

“இலவச கப்பல் போக்கு வரத்து ’

மெத்தை விளம்பரம் ஒன்றில் வந்தது

15 ,20 ஆயிரம் ரூபாயில் இருக்கும் மெத்தைக்கு இப்படி ஒரு இலவசமா என்ற ஆர்வத்தில் திரும்பத் திரும்ப படித்துப் பார்த்தேன்

ஆனால் அதைப்பற்றி எந்தக் குறிப்பும் இல்லை

சரி இப்படித்தான் இருக்கும் என்று நானே தெளிந்து கொண்டேன்

அடுத்து ஒரு முக நூல் கட்டுரையில்

“பயணத்தின் பெரும்பகுதி சாலையால் மூடப்பட்டது”

மூன்றாவது இணையத்தில் கண்ட ஒரு குறிப்பு

“வயிற்றுப்போக்கு எதிர்ப்பு சொத்து,”

இவையெல்லாம் எடுத்துக்காட்டுகள் மட்டுமே

இன்னும் நிறைய இது போல் வருகின்றன

இப்படியே விட்டால் கூகில் தமிழ் மட்டுமே சரி மற்றதெல்லாம் பிழை என்றொரு நிலை ஏற்படலாம்

இன்றைய வினா

மேலே சொன்ன மூன்றுக்கும் சரியான ஆங்கிலம்/ தமிழ் என்னவாக இருக்கும் ?

விடை

1 Free Shipping- இலவச door delivery

2 Major portion of the journey was covered by road—பயணத்தின் பெரும்பகுதி சாலை வழிப் பயணமாக இருந்தது

3 Anti-diarrheal property,--வயிற்ருப்மூன்றும் போக்கு எதிர்ப்பு பண்பு

சரியான விடை எழுதி வாழ்த்து பாராட்டுப் பெறுவோர்

சகோ

தல்லத் –மூன்றும் சரியான முதல் விடை

கீதா- மூன்றும் சரி

ஹசன் அலி – 1, 2, சரி

ஷிரீன் பாரூக் 1,3 சரி

சிராஜுதீன் – 1 சரி

ஷர்மதா – 1, 3 தமிழ் பொருள் சரி –ஆங்கிலத்தில் என்ன என்று சொல்லவில்லை

பங்கெடுத்த அனைவருக்கும் நன்றி

இறைவன் நாடினால் விடை நாளை ஆங்கிலத்தில் சிந்திப்போம்

௨௮௦௭௨௦௨௪

28 072024 ஞாயிறு

சர்புதீன் பீ