புதியதோர் உலகம்
31122022
பிறகென்ன தனியாக புத்தாண்டுக் கொண்டாட்டம் !
கண், காது மனகை விரிவாகத் திறந்து வைத்தால் ஒவ்வொரு நொடியிலும் வாழ்க்கை அள்ளித்தரும் பாடங்களுக்கு அளவே இல்லை
நிமிடம், மணி , நாள் வாரம் போல் ஆண்டும் ஒரு காலக்கக் கணக்கு
நம் செயல்களை திட்டமிட
செய்தவற்றைத்திரும்பிப் பார்க்க
திரும்பிப் பார்க்க பெரிதாக ஒன்றும் இல்லை
கூடிய மட்டும் வாரம் தவறாமல் நான்கு பதிவுகள் என்று 200க்கு மேல் பதிவுகள் வழக்கம் போல் போட்டேன்
கூடுதலாக சில முகநூல் குழுக்களுக்கு பதிவுகளை அனுப்பினேன் ஓரளவு எதிர்பார்த்ததுக்கு மேல் இறைவன் அருளால் நல்ல வரவேற்பு இருந்தது
ஈகைத் திருநாளுக்கு முந்தைய 30 நாட்களும், தியாகத் திருநாளுக்கு முந்தைய10 நாட்களும் இஸ்லாம் பற்றிய பதிவுகள் வெளியிட்டேன்
இந்த ஆண்டு முகநூல் என் பதிவு எதற்கும் தடை விதித்த நினைவில்லை
ஆனால் பல ஆண்டுகள் முகநூல் வெளியிட்ட நினைவுப் பகிர்வுக்கு ஒரு குழு தடை விதித்ததன் காரணம் வழக்கம் போல் புரியவில்லை
வரும் ஆண்டில் ?
எழுத்துப் பணியில் சில மாற்றங்கள்
குழுவில் உள்ள அனைவரின் திறமை வெளிப்படும்படி எல்லோரையும் எழுதத்தூண்டி உற்சாகப் படுத்தி வருகிறேன்
இது ஒரு புதிய முயற்சி
பழைய பதிவுகள் மீண்டும் வெளியிடும் திட்டமும் இருக்கிறது
எப்படி, எப்போது என்பதெல்லாம் இன்னும் மனதில் உதிக்கவில்லை
கதவடைப்பால் படிப்பு தொடர முடியவில்லை
இறைவன் நாடினால் எல்லாம் சரியாகும்
நல்லவை நாடி இனிய சொல்லி, செய்து அறம் பெருக்குவோம் ஒவ்வொரு நொடியும்
இறைவன் நாடினால் நாளை புதுப்பொலிவில் சிந்திப்போம்
31122022 சனிக்கிழமை
சர்புதீன் பீ
