தலைமுறை இடைவெளி

ஐந்தாம் தலைமுறையைப் பார்க்கும் அளவுக்கு ஒருவருக்கு வாழ்நாள் நீடித்தால் அது மிக அரிய நிகழ்வாகப் போற்றப்படுகின்றது

பத்து தலைமுறை இடைவெளியில் இருவர் சந்திப்பது முடியுமா என்ற எண்ணம் வரும்

இறைவன் நாடினால் எதுவும் நடக்கும் 

.

முதிய வயதில் நபி இப்ராஹிமுக்கு மகனை அருளிய இறைவன் அருளால்

அந்த நபி தனக்கு பத்து தலைமுறை முந்திய நுஹ் நபி அவர்களை சந்திக்கிறார்

வெறும் சந்திப்பல்ல . மூத்தவர் இளையவருக்கு நாற்பது ஆண்டுகள்  ஆசிரியராக இருந்து ஞானத்தைக் கற்பிக்கிறார் . மனிதன் படைக்கப்பட்ட நாளில் இருந்து ஏக இறைவன் பற்றிய அனைத்து செய்திகளையும் கற்பிக்கிறார் 

நுஹ் நபி அவர்களுக்கு இறைவன் வழங்கிய வாழ்நாள் ஏறத்தாழ ஆயிரம் ஆண்டுகள்

 மேலும்; திடனாக நாம் நூஹை அவருடைய சமூகத்தாரிடம் அனுப்பினோம்;

ஆக, அவர்கள் மத்தியில் அவர் ஐம்பது குறைய ஆயிரம் ஆண்டுகள் தங்கியிருந்தார்; -------

(1000-50 =950)                           .( குரான் 29:14)

இப்ராகிம் நபி பிறக்கும்போது நுஹ் நபிக்கு வயது 892. நுஹ் நபி காலமாகும்போது இப்ராகிம் நபிக்கு வயது 58. நுஹ் நபியிடமும் அவர் மகன் செம்மிடமும் நாற்பது ஆண்டுகாலம் இப்ராகிம் நபி கல்வி கற்றுக்கொண்டார் 

நுஹ் நபியின் மகன் செம் வழியில் வந்தவர்கள் செமடிக் பரம்பரை என்று அழைக்கப்படுகிறார்கள் அந்தப் பரம்பரையில் பத்து தலைமுறை இடைவெளியில் வந்தவர் இப்ராகிம் நபி

இப்ராகிம் நபி பற்றி ஏற்கனவே பல நீண்ட பதிவுகள் வெளியிட்டிருக்கிறேன்

மிகச் சுருக்கமாக இரு நபி மார்கள் பற்றியும் அடுத்த பதிவில் பாப்போம்

இறைவன் நாடினால் மீண்டும் நாளை சிந்திப்போம்

22052020fri

sherfuddinp.blogspot.com

.