God Save the------
பதவி இழக்கிறார் பிரிட்டிஷ் பிரதமர்
அப்படி என்ன குற்றம் செய்தார் ?
ஊரை அடித்து உலையில் போட்டாரா ?
உற்றார் உறவினருக்கு சட்டத்தை மீறி சலுகைகள் செய்து அவர்கள் கோடி கோடியாய் சம்பாதிக்க வழி வகுத்தாரா?
ஊழல் புரிந்தார ?
மக்கள் பணத்தில் சொகுசு வாழ்க்கை வாழ்ந்தாரா ?
இல்லை , இல்லை ,இல்லை ,இல்லை
பிறகு ஏன் பதவி பறிப்பு “
“தன அலுவலக மாளிகையில் நடந்த ஒரு விருந்தில் கொரோனா விதிகளைக் கடைப்பிடக்கவில்லை அதனால் காவல் துறை அவருக்கு தண்டம் விதித்தது
தன கட்சி துணை கொறடா மேல் விழுந்த பழியை சரிவரக் கையாளாமல் உண்மைக்குப் புறம்பாகப் பேசியது “
பல குற்றச்சாட்டுகள் இருந்தாலும் இங்கிலாந்து தலைமை அமைச்சர் பதவி பறிக்கபடுவதற்கு முதன்மைக் காரணமாக சொல்லப் படுபவை இவைதான்
சிரிப்பதா அழுவதா புரியவில்லை
பிரிட்டிஷ் பாராளுமன்ற மக்கள் ஆட்சி முறைதான் நம் நாட்டிலும் கடைப்பிடிக்கப்படுகிறது
நம்மவர்கள் எவ்வளவு முன்னேறி விட்டார்கள் !
எதையும் தாங்கும் இதயம் ,
மலைபோல் குற்றச் சாட்டுகள் அடுக்கடுக்காய் வந்தாலும் எதிர்கொண்டு
சாம பேத தான தண்ட முறைகளை பயன்படுத்தி சாணக்கியத் தனமாக எதிரிகளை அழித்து ஒழித்து விடுவோம்
உலகுக்கே அரசியல் பாடம் கற்றுக் கொடுக்கும் அளவுக்கு நாம் உயர்ந்து நிற்கிறோம்
என்ன , இந்த மனசாட்சி, மக்களாட்சி மரபுகள் , விதி, நெறிமுறைகளை சற்றுப் புறந்தள்ளி விட வேண்டும்
God Save the King
பிரிட்டிஷ் நாட்டு தேசிய கீதம் நம் நாட்டில் பலரும் பாடும் பாடலாகி விட்டது
Dom என்று சேர்த்துப் பாடினால் நாட்டுக்கும் நல்லது வீட்டுக்கும் நல்லது
இறைவன் நாடினால் நாளை சிந்திப்போம்
16072022 சனிக்கிழ்மை
சர்புதீன் பீ
No comments:
Post a Comment